JEREMIA 18:18 - Khumi Common Language Bible

¹⁸ Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

JEREMIA 18:18 ပူးပေါင်းရင်းမြစ်များ

2 SAMUELA 15:31

Ahithophela ly Abasalom i kamkawmra y abawi veng bo, nanai Davida thai nai khala y, “Aw Areng, Ahithophela i tau pei naichi ly ati sai py ny y nai mang y lawm hai veng ba,” nanai chiu sa bo.

2 SAMUELA 17:14

Abasalom hawi Israela cheng bawibawichi my, “Hushai i tau pei nai ly Ahithophela i tau pei nai tleaung y hawi keh,” nanai thui u. Abasalom teng y patang naira tym hai ai nai Areng ly Ahithophela i pei nai tau kahawi ai phra hai vui nai ne.

1 ARENG KEH 22:24

Huna nai khala Zedekiah ly Mikha sahawi y athui iy, tangbeng y tabeang chum baly, “Areng i phailo ly nang ai thui pi ai nai ati neng khala, kai teng i nai theu nai mo?,” napi.

2 NENG SATANG 24:21

Samrang Josha ly Zekhariah i tlang tleaung y hawi y sa ai nai ka-dawn mang y abawi i, ni i leu pei nai kamta khumichi ly Zekhariah ai Achura yhm apai theung i ly-um y, lengseaung hawi aphi u kha bo.

SAM 21:11

Nichi ly samrang ai padei ai nai hawi y nai ka-dawnchi sa u. Na i py eaung ai ny y.

SAM 52:2

Nang ly khumi takhra phra ai nai molam dawn tau reng; nang i palai ly sam vau acho kamta chiu parai. Nang ly teng y nai leuchi ai, avawrei phym atyhtyh nai ne.

SAM 57:4

Paleung ka-echi ly khumi ngan cha nai khrangsichi kamta, kai ai ang katanmeuh bo. Nichi i hochi ly tivichi, thailiho chynchi hawi atawm; nichi i palai ly haisau bo nyhrei kamta chiu nai ne.

SAM 64:3

Nichi ly mychi i palai ai haisau kamta kata u; kapahenra by y nai leuchi, napi nai thailihochi pateung u yb bo.

LEU KACHENG 18:21

Nang i katheu nai leu ly heng hai ai nai, dei hai ai nai sa thai naira awm. Hunai deaungkho y nang ly nangmy i katheu nai leu kamta hawi nai hawi y nai avum ai.

ISAIA 32:7

Ni ly khumi hawi y nai ne i, hawi y nairachi naini sa thai khyh. Khumi kamawnchi i nga ai avo naichi ngo y vui ai nai, li-tapawp iy dawn pasym reng.

JEREMIA 11:19

Kai ly padei ai nai pahawi nai beram kamta ka-ym awm nai khumi ne. Nichi ly kai i tlang tleaung y hawi y sa ai nai ka-dawn awm nai ly kai pany y. Nichi my, “Keung hawi thym nai dengkeaung keung ai paliu u sina. Ni ai vai mo mang y ami my py pany ali y ai nai, ni ai achi padei u sina,” nanai thui u bo.

JEREMIA 18:11

Huna nai y kai ly Juda khumichi hawi Jerusalem mary i khumichi ai, ka-awi sa ai tau nai hawi kapajeng ai sa rym naichi py thui pi. Khumi bawibawichi kamngo sa nai anawn u ai nai hawi, mychi i heng nai hawi amhi amtlau naichi takhra u ai nai Areng my leu pei nai thui pi ba.

JEREMIA 18:19

Hunai deaungkho y Jeremia my, “Areng, kai i thui naichi tangai pi kyh ly paleung ka-echi my kai ai ang thui nai leu tangai ba.

JEREMIA 2:8

Pathyp pi nai keungchi my, ‘Areng ly ma mang y awm mo?’ nanai deng u. Kai i pathyp pi nai keungchi ly kai ai pany u y. Peang nai keungchi ly kai ai tiu u bo. Amochi ly Bala tameuh i amyn y tau iy, vang teng y nai mynchi teng y chiu u nai ne.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

JEREMIA 26:11

Naibaly pathyp pi nai keungchi hawi amochi my, lu sa naichi hawi khumichi teng y, “Hini khumi ly achi i mary ai ka-awi leu thui nai deaungkho y, padei ai nai ataing; ni i thui nai leu nangchi thai u bo,” napi.

JEREMIA 37:13

Na i py Benjamin katheu pa-kho y tym nai khala ly Hananiah i katu, Shelemiah i chapo Irijah napi nai tamcheaung my, “Nang ly Babulon chengchi mang y preang nai khumi ne lo-oh!,” napi.

JEREMIA 43:2

Hoshaiah i chapo Azariah, Kareah i chapo Johanan hawi takhra paleung len amlyh nai khumi bawibawichi ly kai ai, “Nang ly ka-chawi leu katheu nai ne. Kaichi i Areng Tameuh ly kaichi ai Aikupta pri mang y chei moh, nanai thui pi ai nai nang ai pato nai ny y.

JEREMIA 44:16

“Areng i amyn y nang i thui nai leuchi ly kaichi tangai ai nai ngai y.

JEREMIA 44:17

Kaichi ly kaimychi vaichi khala kasa u reng naichi ai naini kasa u ai. Juda marychi hawi Jerusalem lamchira y, kaichi hawi kaimychi i amsi pajochi, kaichi i samrang hawi lu sa naichi my sa reng nai kamta, kani khusang samrangnu, napi nai kani anglo teng apathyp iy, ni i vui kreip hang katalamrachi leih pi ai. Huna nai thym khala kaichi ly kajeu kawi pa-rei cha ai nai nga; nang chawn naimy patang palai nai py by y nai ne.

JEREMIA 8:8

Kai i reita pany iy nangchi ly khumi kacheng ne, nanai ati mana nai nangchi thui u thai ai mo? Leu meitang teaung y nai reita pany nai keungchi my, reita sa palai pawn nai ne.

TANGAM NAI LEU 3:62

Nichi ly kai i satang kani khengrei thui u iy, mychi i dawn nai saichi sa u.

Ezekiela 7:26

Patang nairachi ly harei bo y harei ang tym ai i, nangchi ly satang hawi y nai avawrei thai u jojo ai. Nangchi ly amochi teng y nichi i paleung mei y niu naichi thui pi ai nai takeng u ai. Pathyp pi nai keungchi py khumichi ai thui parip ai nai ati sai py nga ai ny y. Miteaungchi py ati sai py tau pei u thai ai ny y.

Levi 10:11

Mosi teng y kaimy pei nai reita ngiereichi ai, nangchi ly Israela chengchi teng y patiu pi ai nai tla,” napi.

MIKHA 3:6

“Amochi awi, nangchi i vui neng kani ly dym en bo, kani ly dym ai bo. Nangchi ly atiti amteng hai naichi niu ai ny y leang bo. Mo mang i satang thui thai nai sa thai naira awm ai ny y,” napi.

MIKHA 3:7

Mo mang i satang thui nai khumichi ly thui nai leu teng y nai deaungkho y, kangji nga u ai. Nichi ly Tameuh teng i thui nai leu ngo y nai y, tahm anem u ai.

MALAKHI 2:7

Tameuh i satang hawihai palai pany pajau ai nai leu patiu nai ly pathyp pi nai keungchi i kalop ne. Nichi ly ati cheaungkhang sa thai nai Areng i savaichi ne nai deaungkho y, khumichi ly kai i kangai pany pajau ai nai, nichi teng y chei u nai ne.

LUKA 11:45

Naibaly Reita pany nai keung leaungrei my ni teng y, “Sara awi, nang i hini leu thui nai ly kaichi ai py jo nai na a hi ly,” nanai pathang.

JOHAN 9:40

Mymy teng y awm nai Pharisaichi my ly huni atitichi thai i ni teng y, “Kaichi py mei paju teang a?” napi.