JEREMIA 17:22 - Khumi Common Language Bible

²² amychi yhm i ati sai py tawn u moh. Nichi ly Anawn kani y kalop sa ai nai tlo y. Nichi i amsi pajochi teng y kaimy reita leu pei nai kamta, huni kani ly khai takhra nai kani palawn iy, teaung patawm jo ai nai thui pi.

JEREMIA 17:22 ပူးပေါင်းရင်းမြစ်များ

NEHEMIA 13:15

Huni neng khala y Juda mipui phyreichi ly anawn kani y kreip athai hang nip u nai py, phyreichi ly choh, kreip hang, kreip athai hawi thaidu athaichi ai, mymychi i keaungngo kano kasauchi tleaung y tang iy, Jerusalem mary mang y syn naichi py kaniu. Hunai deaungkho y anawn kani y ly ati sai py jo y ai nai, nichi teng y leu kapei nai ne.

THEU NAI 23:12

“Nangchi ly kani tariurei sala kalop sa iy, saryh kani y ly anawn ai nai tla; Hunai kamta teang, nang i kalop sa pi nai miseaungchi, nang i angvynchi hawi tawnbawichi ai py anawn hai ai nai tla.

ISAIA 58:13

Areng my, “Nangchi ly Anawn kani ai kani kachai, nanai khai takhra iy, huni kani y amy i vui kamran nga ai nai kalopchi so u y ai nabaly, nangchi ly nangmychi kangai khuleaung chei nai, nangmychi kangai kalop sa nai, ti y baly ati sai py ny y nai leuchi katheu nai, hunichi amkyn iy kai i kani kachai ai tahm khai u ai nabaly,

JEREMIA 17:24

“Kai i leu pei nai bawibawichi tangai u ai nai tla, nanai nichi teng y thui pi. Nichi ly Anawn kani y hini mary apai katheu pa-khochi tako prei iy, mani myn kajichi py tawn ai nai ngo y. Anawn kani ai ly khai takhra nai kani palawn nai teaung patawm iy ati sai py kalop so u y baly,

Ezekiela 20:12

Nichi ai chai hai nai keung ly kai Areng ne, nanai pany hai ai ngai nai deaungkho y, kai hawi nichi ka-dyh ka-dawi sa nai ka-ma-ra ly Anawn kani y anawn u ai nai kaimy khai pi yb bo.

Ezekiela 22:8

Meingtym kachaichi ai tahm khai y iy Anawn kani py ja vai y.

Levi 19:3

Khumi luteng amhm ampo ai tahm khai ai nai tla. Kaimy leu kang pei nai kamta, Anawn kani y ja ai nai tla. Kai ly nangchi i Areng Tameuh ne.

Levi 23:3

Nangchi ly kani tariurei sala y kalop sa iy, saryh kani ly Anawn kani ne i, anawn ai nai tla. Huni kani y kalop so y naimy chiu sa achu ai nai tla. Nangchi awm nai mani meingtym y py ne sy, Anawn kani ly Areng i vui ne.

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

LUKA 23:56

Naibaly vawi u teang iy, atiti mui hawi nai amjychi hawi, rimuichi py sa u rym. Reita kamta anawn kani y kalop so u y nai ne.

LUKA 6:5

Naibaly mymy ly nichi teng y Khumi i Chapo ly Anawn Kani i Areng na a,” napi.

AMTENG HAI NAI 1:10

Kai ly Areng i kani y ly Phailo y kalawn bo, naibaly kai i nithun mang y baw katyn ka-tawm raawi pajeng parai nai ly,