JEREMIA 15:19 - Khumi Common Language Bible

¹⁹ Huna nai takeng nai khala y Areng my, “Nang ly kamngo uikheih ai nabaly, nang ai kawn leaung ai. Nang py kai i miseaung lawm ali teang ai. Nang ly vang teng y nai leu katheu y naimy tahm awm nai leu katheu lawh baly, kai i amo lawm ali teang ai. Khumi mipuichi ly nang teng y vawi u teang ai. Nang ly nichi teng y chei ai nai aly ngai y leang bo.

JEREMIA 15:19 ပူးပေါင်းရင်းမြစ်များ

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

THEU NAI 4:12

Nang ly vaimy chei ly kaimy sabawm ai, nang katheu ai nai kai my kang thui pi ai,” napi.

LEU KACHENG 22:29

Amy i kalop ra y kawp hawihai nai khumi ly samrang teng y kalop sa ai nai nga ai. Khumichi i kalop ai sa pi ai ny y.

JEREMIA 1:9

Naibaly Areng ly mymy i kiu jaha iy, kai i labeaung y ang teaung chum baly, “Tangai ba, nang i thui ai nai leu, vaimy nang ai kang pei ryp bo.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 20:9

Na i py, “Kai ly Areng ai katami veng ai; mymy i amyn y leu kathui y leang bo,” nanai kai, kathui nai khala, nang i leu ly kai i paleung theung y mai kamta angveaung iy, kai ly huni leu ai paleung theung y pateung me ai nai atho kasa teu i py, pakymme pajau y bo.

JEREMIA 35:19

Hunai deaungkho y Rekhab i chapo Jonada ly kai i kalopchi sa ai nai katu chanau amthawn jojo ai, nanai Israela chengchi i Tameuh, ati cheaungkhang sa thai nai keung kai, Areng my leu adeu bo,” nanai leu pei nai thui pi pateang nai ne.

JEREMIA 4:1

Areng my, “Israela mipuichi awi, nangchi vawi u ali teang ai nai ngai lawh teu baly, kai teng y vawi u. Kai i niu ngai y nai mynchi va pawn iy, kai i tlang tleaung y ka-ym awm u lawh teu baly,

JEREMIA 6:29

Tamo nganchi patlawn nai mai pui paheung ly khri pa-rei kabi ango na teu i py, tamo ngan ei ly tlawn y iy hang py leaung y nai deaungkho y, kai i khumichi ai kakhawi kaeng kachi veangveang teu i py, kamran by y. Ati mana nai mo nabaly khumi kamngochi ai pathu pawn ai nai ngo y nai deaungkho y ne.

TANGAM NAI LEU 1:11

Ni i khumichi ly teicha teinei hau naimy, kani tleirei tangam u bo. Nichi ly mymychi heng ai nai yhmtheaung katuichi ai, teicha teinei hawi katheung u bo. Huni mary my, “Aw Areng, kai ai khen kyh cha; kai i paleung mawn nai sai khen kyh ba,” nanai aeu naimy takeng bo.

Ezekiela 2:7

Nichi tangai i py ne sy, tangai y i py ne sy, kai i leu pei nai ngiereichi thui pi ai nai tla. Nichi ly atiu ham, nanai pany jo ba.

Ezekiela 22:26

Pathyp pi nai keungchi py kai i reita taphra iy, kachai sa nai ai py tahm khai u y bo. Nichi ly chai parai naira hawi chai y naira ai py khai takhra nai by y. Nichi ly chai nai hawi chai y nai takhra nai sai py patiu pi y. Anawn kani ai py dawndan u y. Hunai deaungkho y Israela chengchi ly kai ai tahm khai u y nai ne.

Ezekiela 44:23

“Pathyp pi nai keungchi ly chai nai hawi, chai y nairachi takhra nai sai, reita y chai nai hawi chai y nairachi takhra nai py, khumichi teng y patiu pi ai nai tla.

Levi 10:10

Nang ly Tameuh hawi amtawn abi nai mo, amtawn abi y nai mo, reita y chai nai mo, chai y nai mo, khawilang thai ai nai tla.

Levi 14:57

Hini reitachi ly chai nai hawi chai y nai i vui pany pajau nai reitachi ne.

JONA 3:2

“Angthau ly Ninevi mary pui mang y chei; kai i leu pei nai kamta mary i khumichi teng y pany hai,” nanai tlen pa-nyh leu pei bi nai ne.

ZEKHARIAH 3:7

ati cheaungkhang sa tha nai Areng my, “Nang ly kai i reita leuchi ai tangai iy, nang teng y kaimy kang pei nai kalopchi sa ai na baly, kai i Achura yhm hawi Achura yhm apaichi kry ai nai nga bi ai. Kai py kaimy i mo y awm nai kani pri amtaw thau naichi i chiu sa hnei takeng naichi thai nai kamta, nang i chiu sa nai py thai ai.

LUKA 1:19

Naibaly kani pri i amtaw thau nai my ly pathang i mymy teng y, “Kai ly Kabriela, Tameuh i mo y angdo reng nai ne: nang hawi arum ai nai hawi, hini satang kahawi kang thui pi ai nai ang pato nai he.

LUKA 10:16

“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.

LUKA 12:12

huna nai neng khala ly nangchi i thui ai nai ka-vo ly Phailo Kachai my ang patiu ai,” napi.

LUKA 21:15

Nangchi i paleung ka-e bawibawichi my paka iy ei thai y ai nai, labeaung hawi cheng naira kang pei ai.

LUKA 21:36

“Hunaibaly huni atiti tym ai nai bawibawi ly nangchi lawi ai ataing ai nai hawi, Khumi i Chapo i mo y angdo ai ataing ai nai py, mana khala y py chiu sa nai tarawi y ajeng u paryp,” napi.

AMTAW 20:27

Ati mana nai mo nabaly Tameuh i kangai bawibawi ly nangchi teng y avaw y naimy kang thui pi nai bo.

II KORINTH 5:16

Hunai deaungkho y kaichi ly vai i dengdairei tlang mang y ly ami ai py pany y; kaichi ly tlang y Krista ai ly pany chum teu iy py, vai ly mymy ai pany y leang bo.

KALATIA 1:10

Ti y baly vai kai ly khumi ai kaparawi nai a? Tameuh ai a? Khumichi ai kawn hai ai nai katau nai a? Vai khumichi ai kawn hai nai kaawm rai baly, kai ly Krista i miseaung ny y ai bo.

KALATIA 2:5

Na i py Satang Kahawi leu meitang ly nangchi teng y awm jojo thai ai nai, kaichi ly tanarei chy py aau iy nichi i leu patawm y leang.

HEBRAI 5:14

Na i py biu tang ly khumi ka-cheangchi i vui ne; nichi ly mymychi i pany naira teaung u reng nai deaungkho y, hawi nai hawi y naira cham ai nai, nich i pany thai nairachi ly apajeng u bo.

JUDA 1:24

Hunaibaly atlym y ai nai pa-rei nangchi ai ang typ thai ai nai hawi, ni i nang parai naira mo y khrikhri pa-rei amo theu hai iy, chai y naira akau y naimy ang tym hai nai keung, achi ai Paheng nai keung Tameuh leaungrei awm khyh nai teng y ly,