JEREMIA 15:15 - Khumi Common Language Bible

¹⁵ Huna nai khala kaimy, “Nang ly pany nai ne. Kaichi ai pany jo ly sabawm kyh ba. Kaichi ai pahyp y naimy ana nai khumichi ai, vawitheung tha teang ai nai pei kyh ba. Nichi ly kaichi ai padei ai nai neng tym nai pa-rei, neaung kham pi moh. Kaichi i tlang tleaung y mei aniu y nai ly nang deaungkho y ne, nanai pany pi jo kyh ba.

JEREMIA 15:15 ပူးပေါင်းရင်းမြစ်များ

NEHEMIA 13:22

Anawn kani y chai hai ai nai molam Levi theaungchi teng y, amymy ai apachai chum baly mary apai katheu pa-kho mang y chei iy typ ai nai kaimy leu kang pei bo. Aw Tameuh, hini molam y py dawn iy, kai ai pany jo ba; ati mana nai mo na baly tamen naira len parai nai hawimy, kai ai pahen ba.

NEHEMIA 13:31

Neng tym baly leng patlum naira y teaung ai nai theng py, choh chuluchi hawi, myn man nai thengthai katalamrachi py, syn u ai nai ka-vo sa nai ne. Aw Tameuh, hini sa nai leaungsaichi ai pany pi ly kaichi ai pahen kyh ba.

NEHEMIA 5:19

Aw Tameuh, hini khumichi i vui kasa pi nai cheaungkhangchi pany pi ly kai i chiu sa nai tangai pi kyh ba.

NEHEMIA 6:14

Aw Tameuh, Tobiah hawi Senbala i sa nai ly pany iy, nini ai pajeng kyh ba. Kai ai pajei ai nai atho sa nai keung neampachy amo Noadiah hawi takhra amochi ai pany jo ba.

JOBA 10:7

Kai teng y kamngo by y nai hawi, kai ai nangmy kiu i nai amimi py, atleu pajau y, nanai nang ly pany nai ne.

SAM 102:24

Aw Tameuh, kai miteaung cheang y naimy, kai ai lo vui moh kyh ba. Aw Areng, nang ly heng jojo nai keung ne.

SAM 106:4

Aw Areng, nangmy i khumichi ai sabawm nai khala y, kai ai py pany ba; nichi ai atleu nai khala y kai ai py atleu rau ba.

SAM 119:84

Kai ly mana tanrei neng ajeng ai mo? kai ai ana nai khumichi ai, mana khala pajeng ai mo?

SAM 17:3

Nang ly kai i paleung pany; vum y kai teng jeu iy kai i paleung awm nai sai hawihai palai cham nai khala, hawi y nai sai niu y.

SAM 39:13

Kai dei iy tamo veng y rai khala, amo theu naira maidenreichy nga ai nai, kai teng i dengdairei meimai hi pi veng ba.

SAM 44:22

Na i py nang ai ka-ym awm nai molam y, kaichi ly avawrei deira hawi ka-vum u nai ne. Tleh ai khai yb nai beramchi kamta, khumi takhrachi my athang khai naira avum u bo.

ISAIA 38:3

“Aw Areng, kai ly nang ai ka-ym awm naimy chiu iy, nangmy sa hai ai ngai nai kamta atho kasa nai ai pany pi jo kyh ba,” nanai chiu sa chum baly paleung si nai khrikhri pa-rei vo nai ne.

JEREMIA 12:3

Na i py aw Areng, nang ly kai i satang pany; kai i sa nai saichi py niu, nang ai mana tanrei kang tamen mo, nanai py nang pany. Huna nai hawi y nai khumichi ai tleh ai nai beramchi kamta, patheu jo bo. Padei nai neng tym y ryrei ly nichi ai khen patawm bo.

JEREMIA 15:10

Kai ly amo theu naira by y nai khumi lawm lawh bo ly! Kai i amhm ly kai ai hini khaileaung pri y ati mana ang tapen lawh mo? Hini pri y awm nai khumi ngiereichi hawi leu nawi, rai ai nai tla bo. Kai ly ami teng y py paisa tangka alai ai nai pei vai y. Ami teng i py alai vai y. Na i py khumi bawibawichi ly kai ai pasawi u lawh.

JEREMIA 15:20

Nang ly huni khumichi ai amtang pajau ai nai, kai ly nang i kheupaja apai kamta lawm ai. Nichi my nang ai ang tiu u teu i py, nang ai tiu pajau ai ny y. Nang ly chymme pa-rei awm thai ai nai nang ai kry iy, kai ly nang hawi vanrei awm ai,” nanai Areng my thui nai leu ne.

JEREMIA 17:16

Na i py aw Areng, kai ly beram typ nai keung kalop khai su nai ny y leang. Ngari kamtang tym ai nai kani kadeaung nai py ny y leang, nanai nangmy pany nai ne. Kai i labeaung mang katheu nai leuchi nang pany.

JEREMIA 18:23

Na i py aw Areng, kai ai padei ai nai dawn paviu nai khumichi ai, nang ly pany nai ne. Nichi i hawi y nai sai pahen pi moh ba. Nichi ai mychi i kamngochira i nai lawi tleaung hai moh kyh ba. Nichi ai sum hai iy kado theu nai thym khala, nichi ai pasum takengkei kyh ba,” nanai takeng bo.

JEREMIA 20:11

Na i py aw Areng, nang ly sa thai naira haiho len nai tavaimi risa kamta, kai mang y asa hai nai deaungkho y, kai ai pahyp y naimy ana nai khumichi ly athei iy atlym u ai. Nichi ly mana khala py eaung u ai ny y. Nichi ly eaung naira ngo pajau y nai deaungkho y, kangji nga u jojo ai. Nichi i kangji ly mana khala py tami pajau ai ny y.

JEREMIA 20:12

Na i py ati cheaungkhang sa thai nai keung Areng, nang ly khumichi ai leu meitang naimy chih reng nai keung ne. Nichi i paleung ka-dawnchi pany pi se nai ne. Hunai deaungkho y paleung ka-echi ai nangmy vawitheung tha pi nai ai kai ly niu ai nai ngai. Kai ly kaimy i ka-jo kahm ai nang i kiu y kang au bo.

JEREMIA 20:8

Kai ly leu thui nai tleirei aeu iy, “Khrukhra naira! Phra naira!” nanai aeu ai tla nai ne. Aw Areng, kai ly thui tamawn nai hawi panui hai naira avum bo; ati mana nai mo nabaly nang i leu pei nai thai hai nai deaungkho y ne.

TANGAM NAI LEU 3:64

“Aw Areng, nichi i sa nai sai molam y, nichi ai pajeng kyh ba.

TANGAM NAI LEU 3:66

Nichi ai hui iy patiu ly khaileaung tleaung i nai nichi ai ha py by y pa-rei, tamyh pawn kyh ba!”

MATTHAI 10:22

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

LUKA 21:17

Kaimy i amyn deaungkho y khumi bawibawichi my nangchi ai niu ngai y ai.

ROM AVANGCHI TENG Y PAWLA I CHA PA NAI 12:19

Ngai parai naichi awi, vawitheung atha u moh ly; “Areng my, ‘Vawitheung nanai ly kaimy tha ai nai tla, kaimy kaheung ai,’ napi,” nanai tajiu nai ne.

ROM AVANGCHI TENG Y PAWLA I CHA PA NAI 8:35

Krista i tamen naira i dengdairei ly ami my ang taprei ai mo? Patang naira my mo, khrikhri paleung mawn naira my mo, ana hai naira my mo, takang my mo, tlang ka-keu naira my mo, ka-jei awm naira my mo, haisau my mo taprei ai a?

II KORINTH 5:11

Hunaibaly Areng ai tahm khai naira pany iy, kaichi ly khumichi ai parawi nai ne, kaichi ly Tameuh teng y naini amteng ai nai awm; nangmychi i hawi nai hawi y nai pany naira y py kaichi ly amteng ai nai athang kakhai.

II TIMOTHEI 4:14

Kheupaja thip nai Aleksandra ly kai i tlang tleaung y khri pa-rei hawi y naira sa: Areng ly mymy i atiti sa nai kamta vawitheung tha ai:

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.

AMTENG HAI NAI 6:10

naibaly nichi ly tao pajeng parai naimy, “Aw Areng, kachai hawi meitang, nang ly tara chih iy, khaileaung pri y awm naichi i tlang tleaung y kaichi i thi i kavui y vawitheung tha pi y nai ly majirei kra ai mo?” nanai aeu u bo.

TARA CHIH NAI KEUNGCHI 16:28

Huna nai khala Samson my, “Aw salo kangteng Areng, kai ai pany jo kyh ba; pahen nai Tameuh; kai i meihm nyhrei thapiu veng nai molam y, Philistia chengchi ai tlenrei khyhmy, vawitheung tha pajau ai nai kai ai hini tlenrei, atho pei ali teang kyh ba,” nanai chiu sa bo.