JEREMIA 14:22 - Khumi Common Language Bible

²² Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 14:22 ပူးပေါင်းရင်းမြစ်များ

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

1 ARENG KEH 17:14

Ati mana nai mo nabaly Israela chengchi i Areng Tameuh my, ‘Kai Tameuh my kani nai hai y ryrei ly tako beung theung y tako avaw ai ny y, asitui beng theung y py asitui avaw ai ny y,’ nanai leu pei yb nai deaungkho y ne,” nanai neampachy lumai teng y thui pi bo.

1 ARENG KEH 18:1

Huni bo kani kra kyh nai khala y, kani khang nai py saneng thomrei awm i, Areng my Elija teng y, “Nang ly chei iy samrang Ahab i mo y kun; kai ly kani nai hai ai,” napi.

1 ARENG KEH 8:36

kani pri mang dengdairei tangai pi kyh ba. Nichi tangai ai nai lam kateng patei pi kyh ba. Naibaly aw Areng, nangmy i khumichi teng y pei pi nai pri y kani nai hai pi kyh ba.

JOBA 28:26

Kani nai ai nai meingtym hawi amlosadi khupanymchi am-eng ai nai sa pi nai khala py,

JOBA 5:10

Mymy ly khaileaung y kani nai hai iy, li-prangchi salo y tui lei pi bo.

SAM 130:5

Kai ly Areng i sabawm naira ajeng nai ne; mymy i adeu nai py ym bo.

SAM 135:7

Mymy ly khaileaung katem mang dengdairei khupanymchi sau hai i, alipui khupui aho ai nai i vui y, amlosadichi sa pi nai ne; ali ai py mymy i yhm theung i nai patheu bo.

SAM 147:8

Mymy ly kani mang y khupanymchi hawi khiu; khaileaung y kani nai hai iy, mawichira y achachi prau hai bo.

SAM 25:21

Kai ly nang ai ym nai ne i, kai i ka-ym awm nai ly kai ai kry hai sy.

SAM 25:3

Nang ai ym nai khumichi ly sum naira avum u y ai. Nang ai tiu ai nai panga y naichi naini sum u ai.

SAM 27:14

Areng ai ly ym ba. Paleung phra moh; ym naira awm. Areng ai ly ym.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 30:23

Nangchi amti amjangchi pati u nai neng tleirei y prau hai ai nai, Areng ly kani nai hai ai. Nangchi tyn ai nai amti amjangchi thawn hai iy, si, painochi py sui tlaira ka-leu nga ai.

ISAIA 41:29

Hini tameuh bawibawichi ly ati sai py ny y. Nichi ly ati sai py so u thai y. Nichi i mynchi py jy iy, sa thai naira by y.”

JEREMIA 10:12

Areng ly sa thai nai haiho hawi khaileaung lawm hai bo. Cheng naira hawi khaileaung pri sa iy, Tau cheng naira hawi kani khusang ai kadai pha bo.

JEREMIA 10:13

Mymy leu pei nai khala y kani khusang salo i tuichi ly katyn amsau na bo. Mymy ly khuteng taki i dengdairei, khupanymchi sau hai nai ne. Kani nai thym khala amlosadichi theu hai iy, mymy paeaung naira i alichi ai py aho hai bo.

JEREMIA 10:15

Hunichi ly atyhtyh teu iy, paso ai naira naini lawm bo. Areng ly pajeng ai nai ang jeu nai khala, hunichi taphra pawn ai.

JEREMIA 10:3

Huni khumichi i reita ly ati sai py ny y leang. Daichi theung y dengkeaung paliu iy, myn-o kawp nai keung ly seuchi hawi myn-o iy,

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

JEREMIA 5:12

Areng i khumichi ly mymy i satang tengtang y naimy thui u nai ne. Nichi my, “Mymy ly ati sai py ang dawn hai ai ny y. Achi py ngari kamtang avum u ai ny y. Tavai ka-jeira hawi takang py avum ai ny y,” nanai thui u.

JEREMIA 5:24

Neng tleirei khuma kani hawi, kangkhym kani nai hai iy saneng tleirei, amti amjang pakym achu ai nai neng sa pi nai keung kai ai nangchi ly tahm khai u vai y.

JEREMIA 51:16

Leu pei nai khala kani khusang salo i tuichi ly katyn amsau nai ne. Mymy ly khaileaung katem mang dengdairei khupanymchi sau hai bo. Kani nai thym khala, amlosadichi theu hai iy, mymy i takunra i ali ai py aho hai bo.

HOSEA 2:7

Ni ly tavawichi nithun hui teu i py, kai ai ny y, hau i py niu ai ny y. Huna nai khala ni my, “Kai ly juvo kangngym teng y vawi ali teang ai. Kai ly juvo kangtha hawi ateaung ahawi nai tleaung y, juvo kangngym hawi ateaung ahawi nai ly hawi keh alam ai,” nanai thui ai.

JOELA 2:23

“Aw Zion mary i khumichi awi, amo theu u; nangchi tlang tleaung y nangchi i Areng Tameuh my ang sa pi nai sai molam y amo theu u. Mymy ly nangchi ai kaseih kani angym pa-rei nai hai bo. Kaseih khei nai kani ai py, vaichi khala i kamta nai hai iy, kanipui kamteaung kani ai py, nangchi teng y nai hai bo.

AMOS 4:7

Nangchi i amti amjangchi i vui kanitui ngai keh nai neng khala y, kai ly kani khang hai vui bo. Mary hareira y naini kani nai hai iy, vai mary hareira y ly kani nai hai y nai keung ly kai ne. Li hareira y kani nai hai iy, vai li hareira y ly jengha nai ne.

MIKHA 5:6

Nichi ly tavai ateaung atho hawi Nimroda pri Asuriachi ai tiu iy eaung ai. Asuria chengchi my kaichi i khu ka-peang theung y tiu nai khala y, huni luchi ly kaichi ai paleung ka-e kiu i nai atleu ai.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

Leu Thui Nai 28:12

Mymy ly kani katheu paeaung iy kanikhu hawi hai ai i, nangchi i sa nai tleirei eaung hai nai deaungkho y, nangchi ly pri neangneangchi teng y piu paseng ai; na i py nangchi ly mani pri i py piu la ai ny y.

Leu Thui Nai 32:21

Nichi i tameuh mynchi hawimy kai ai kado ang theu hai bo; nichi i tameuh tatang ny y nai hawimy kai ai takho ang si hai. Hunai deaungkho y aso ami y nai khumi cheng lawm hai nai hawimy nichi ai kado theu hai ai. Cheng y nai khumi cheng lawm nai hawimy, nichi ai takhosi nai paleung tym hai ai.