JEREMIA 14:19 - Khumi Common Language Bible

¹⁹ Aw Areng, nang ly Juda pri ai khai su angchi khyp nai bo a? Kaichi i no-na hawi sa ai nai ngo y na pa-rei nang ly ati mana nai y kaichi ai khri pa-rei tamo kalem nga hai lawh mo? Kaichi ly amo theu naira kadeaung u teu i py, atyhtyh teu bo. No-na hawi ai nai athang khai u teu i py, jei hynra naini avum u nai ne.

JEREMIA 14:19 ပူးပေါင်းရင်းမြစ်များ

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

JOBA 30:26

Kai ly amo theu ai nai kadeaung nai khala, patang naira py, kangvang kadeaung nai khala, kaveng py avum nai ne.

SAM 78:59

Mymy i khumichi huna nai sa u nai niu nai khala y, Tameuh ly kado theu i, nichi ai nyn va vui bo.

SAM 89:38

Na i py nang ly nangmy khai takhra nai samrang ai kado theu hai bo; nang ly ni ai khai su bo, ni ai nyn va bo.

LEU KACHENG 29:1

Thui parip nai avaw avawrei avum i py, paleung kyhchaw asai nai khumi ly kanirei nai khala atlym ai i, ang thau ali teang pajau ai ny y.

JEREMIA 12:7

Areng my, “Kai ly kaimy i Israela ai khai su iy, kaimy vawi takhra nai khumichi ai py nyn va veng bo. Kaimy tamen nai khumichi ai paleung ka-echi kiu y au veng bo.

JEREMIA 12:8

Kaimy vawi takhra nai kai i yhmtheaung kamtymchi ly daichi theung i khrangsichi kamta, kai ai ang tiu u lawh bo. Nichi ly kai ai ang hang hai nai deaungkho y, kai ly nichi ai kaniu ngai y bo.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 15:18

Kai ly ati mana nai y kado theu naira avum veangveang ai mo? Kai i tamo kalemchi ly hawi sa iy hawi pajau y nai mo? Ati mana nai y huni tamo kalemchi ly tamo tha y nai mo? Nang ly kani pui khala y tavo micheaung tuino kang nai kamta, kai ai paleung phra hai ai a?,” nanai takeng bo.

JEREMIA 30:12

Areng ly mymy i khumichi teng y, “Nangchi i tamo kalemchi ly tha pajau ai ny y. Nangchi i no angvawichi ly hawi sa i py, hawi pajau y ai.

JEREMIA 30:13

Nangchi ai kry ai nai khumi leaungrei py by y. Nangchi i tamo kalem vui py asi by y nai daeungkho y, nangchi ly nangmychi i no-na hawi ai nai molam y athang khai naira by y leang bo.

JEREMIA 51:5

Israela khumichi hawi Juda khumichi ly Israela chengchi i chai parai nai keung, kai i tlang tleaung y kamngo sa u teu i py, ati cheaungkhang sa thai nai keung kai Areng ly nichi ai khai su ai ny y.

JEREMIA 6:30

Kai, Areng ly nichi ai khai su bo. Hunai deaungkho y nichi ai tangka chang ei, nanai palau ai,” napi.

JEREMIA 7:29

“Jerusalem mary i khumichi awi, vo tangam u; Nangchi i sam vau iy aphi u pawn. Kai, Areng ly kaimy i kado theu hai nai khumichi ai nyn kava veng bo i, nangchi ly mawi aheungchira y tlaiveu pavum nai khulymchi thui u.

JEREMIA 8:15

Achi ly tlamsa ai nai athang khai u teu i py, atyhtyh teu bo; noso aho ai nai athang khai u teu i py, ka-jeira naini nga u lawh nai ne.

JEREMIA 8:22

Kilead pri y asi akhang by y lawh bo a? Daitang py by y lawh bo a? Ati mana nai y kai i chengchi i no-na hawi pa-rei so u thai y lawh mo?

TANGAM NAI LEU 2:13

Aw Jerusalem mary, kai khrei keh nai mary, kai ati kathui ai mo? Awmnem naira mana kapei ai mo? Ami py huna nai kamta patang naira ly avum vai y leang. Nang i patang naira ly suida pangli kamta, pata ai nai by y na pa-rei kau parai; athang khai naira py by y leang bo.

TANGAM NAI LEU 2:22

Nang ly paleung ka-echi ai kaichi i tengpang sahawi y, ka-jei awm parai nai pawi sa ai nai palau bo. Nang i kado theu nai huni neng kani y ly amimi py tleaung pajau ai ny y. Nichi ly kaimy khrei iy, pacho panei nai cho chanauchi ai tleh u bo.

TANGAM NAI LEU 4:17

Kaichi ly mana khala py sabawm naira tym pajau y nai kasabawmra ajeng u bo. Kaichi ly mana khala py sabawm naira pei pajau y nai pri i, kasabawmra ajeng u jojo nai ne.

TANGAM NAI LEU 5:22

Ti y baly nang ly kaichi ai deungtasarei, khai su ai bo a? Nang i kado theu nai rym nai neng by y bo a?

MIKHA 1:12

Maroth mary i khumichi ly ajijaw naimy patangra avum u bo. Areng ly Jerusalem mary ai patangra tym hai ai bo i, kaichi mary i khumichi ly paleung ahyn thlyhthlyh naimy kasabawmra ajeng u nai ne.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.