JEREMIA 14:18 - Khumi Common Language Bible

¹⁸ Adym angdeang mang y kachei nai khala y, tavai keung y dei nai khumi tlaiveuchi kaniu nai ne. Mary theung y kun nai khala y, kajeu kanglam y dei nai kaniu bo. Amochi hawi pathyp pi nai keungchi ly mymychi ati sa mo, nanai tamang tyh naimy mychi ngaingai sa u bo.”

JEREMIA 14:18 ပူးပေါင်းရင်းမြစ်များ

ISAIA 22:2

Mary verei py khyh tukulu iy khumichi paleung ahyn naimy, aeu nai katyn phui na bo. Nang i khumichi ly tavai atiu nai tarawi y dei u nai ny y.

ISAIA 28:7

Amochi hawi pathyp pi nai keungchi malawn py nei cha ala nai deaungkho y atlym u khikha nai ne. Nichi ly kreip hang hawi mhm-rah nei ala nai deaungkho y, tapai taveang iy atlym u bo. Amochi ly pavui jojo nai deaungkho y, Tameuh my amteng hai naichira i awm nai sai pany thai u y. Pathyp pi nai keungchi py, mychi teng y tym nai atitichi ai tara chih pi thai y nai ne.

JEREMIA 2:8

Pathyp pi nai keungchi my, ‘Areng ly ma mang y awm mo?’ nanai deng u. Kai i pathyp pi nai keungchi ly kai ai pany u y. Peang nai keungchi ly kai ai tiu u bo. Amochi ly Bala tameuh i amyn y tau iy, vang teng y nai mynchi teng y chiu u nai ne.

JEREMIA 23:21

Areng my, “Hini amochi ly kaimy pato y i py thui u nai ne. Nichi teng y ati leu sai py pei y i py, kai i amyn y leu thui u bo.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

JEREMIA 6:25

Paleung ka-echi ly tavai ateaungchi pa iy, ka-jeira my ang katanmeuh nai deaungkho y, kaichi ly daichi daireang y theu vam y, lamchira py aleaung vam y bo,” napi u.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

TANGAM NAI LEU 1:20

“Aw Areng, Kai i paleung bi paleung mawn nai py, kai i paleung phailo khri pa-rei patang naira avum nai py, khen cham. Kai ly kaimy i kamngo nai molam y, paleung mawn nai ne. Lam y khumi ai padei nai avum; yhm angtheung y py, deira avum nai bo.”

TANGAM NAI LEU 2:19

Vumtorei ang thau krei ang thau krei iy, Areng ai palau ba. Mymy i mo y nang i paleung pathym apei ve iy, nang i cho chanauchi i vui y ahui naimy hnei takeng ba. Nang i cho chanauchi ly lam taki tavai tleirei y kajeu alam naimy dei u bo he!

TANGAM NAI LEU 4:9

Tavai keung y dei nai khumichi ly teicha teinei avaw iy, heng ai nai lam by y naimy, kajeu kanglam y dei dudu nai khumichi tleaung y hawi keh alam nai ne.

Ezekiela 7:15

Lamchira y atiu naichi awm; yhmchira y no naira hawi kajeu alam naichi py awm. Daichi avang y awm nai khumichi ly haisau tamo y dei u iy, mary theung y awm nai khumichi ly no kanghawi hawi, tahum takang y dei u ai.

AMOS 4:6

“Kai ly nangchi i mary tleirei y takang theu hai i py, nangchi ly kai teng y jeu u teang y.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

Leu Thui Nai 28:36

“Areng ly nangchi hawi nangchi i samrang ai, nangchi hawi nangchi i amsi pajochi tym vai y nai pri takhra mang y ang hawi pawn ai; nangchi ly huni pri y dengkeaung, lengseaung hawi sa nai tameuhchi ai chiu u ai.

Leu Thui Nai 28:64

“Areng my nangchi ai khaileaung pri khuteng taki y tym pa-rei, khumi cheng cheaungkhangchi theung y ahei hai ai. Huna nai khala nangchi hawi nangmychi i amsi pajochi chiu vai y nai dengkeaung, lengseaungchi hawi sa nai tameuhchi chiu u ai.

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.