JEREMIA 14:14 - Khumi Common Language Bible

¹⁴ Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

JEREMIA 14:14 ပူးပေါင်းရင်းမြစ်များ

ISAIA 56:10

Mymy ly “Kai i khumichi teng y pany hai yb ai avo nai khumichi napi nai, lu sa nai keungchi ly mei paju u pawn bo! Nichi ly ati sai py pany u y. Nang si y nai yhm typ uichi hawi atawm. Nichi ly i ham ala nai khumichi ne u lawh ly!

ISAIA 9:15

Lu, napi nai ly saneng kanaing len iy tahm awm nai khumichi ne; kalawi, napi nai ly ka-chawi thui reng nai amochi ne.

JEREMIA 20:6

Pashura awi, nang i vui ly yhm dengtheungchi raurei ang patiu ai i, Babulon pri y ang hawi vui ai. Nang ly huni pri y dei ai. Naibaly nang i thui nai leu ka-chawichi thai nai nangmy i ahawi bawibawichi hawi vanrei, a-up nai avum ai,” nanai leu pei nai Pashura teng y thui pi bo.

JEREMIA 28:11

khumi bawibawichi i mo y kai ai, “Khumi cheng cheaungkhangchi tlang tleaung y samrang Nebukhadnezar i patli nai tamtleang ai, hina nai kamta khei piupa vui ai. Hini ly saneng nyhrei sala y tym ai, nanai Areng my leu pei nai ne,” napi. Huna nai khala kai ly katako veng bo.

JEREMIA 28:13

ananiah teng y chei ly “Nang ly dengkeaung hawi sa nai tamtleang khei vui pajau teu i py, mymy ly tamo tamtleang hawi theng ali teang ai.

JEREMIA 28:15

Hunaibaly kai ly ananiah teng y, “ananiah awi, tangai ba! Areng ly nang ai ang pato nai ny y. Nang ly hini khumichi ai, nangmy ka-chawi leu ym ai nai sa nai ne i,

JEREMIA 29:21

“Israela chengchi i Tameuh, ati cheaungkhang sa thai nai keung Areng ly nangchi ai mymy i amyn angam iy li-tapawp nai Kolaiah i chapo Ahab hawi, Maaseiah i chapo Zedekiah nini i molam y leu pei nai ne. Mymy ly huni khumichi ai Babulon samrang Nebukhadnezar i kiu y au ai nai ne iy, huni samrang py nichi ai nangchi i mei ka-niu y padei ai, nanai leu pei bo.

JEREMIA 29:31

“Kai, Areng ly Shemaiah hawi ni i katu chanauchi ai kapajeng ai. Kai ly ni ai pato y i py, ni ly amo leaungrei kamta amlawn iy nangchi ai leu ka-chawi ym ai nai thui pi nai deaungkho y, ni ly kai i khumichi ai kai ai tiu ai nai kachyh nai leu thui nai ne. Hunai deaungkho y ni ly nichi teng y kapei ai nai atiti kahawichi niu ai ny y. Hini ly kai Areng i thui nai leu ne,” nanai Shemaiah molam y leu pei nai ly Babulon mary y langheng hawi nai khumichi teng y thai hai ai nai leu ang pei nai ne.

JEREMIA 37:19

Babulon samrang ly nang ai py, hini pri ai py tiu ai ny y, nanai ang thui pi nai keung nang i amochi ly ma mang y awm u pawn mo?

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

JEREMIA 8:11

Nichi ly kai i khumichi i tamo kalemchi ai tahm pateng pi y naimy hawi sa pi. ‘Cheaungkhangra y amsym y nai neng khala, cheaungkhangra amsyn bo’, nanai thui u bo.

TANGAM NAI LEU 2:14

Nang i amochi ly ka-chawi leu ny y baly, nang teng y takhra leu thui u thai y leang. Nichi i thui nai ngiereichi ly nang ai li-tapawp nai teu; nang i kamngo mana khala py, amteng hai y nai deaungkho y, nang ly uikheih ai nai aly ngai y, nanai athang khai nai ne.

TANGAM NAI LEU 2:9

Mary apai katheuchi ly atleangra tleu piupa iy, anyn angso theung y a-up jo bo. Samrang hawi samrang i cho chanauchi ly vai ly pri takhra y pri pala naira avum u. Reita leu pei naichi amtiu nai py by y nai deaungkho y, amochi ly Areng i paleung mei y amteng pi naichi niu vai y leang bo.

Ezekiela 12:24

Israela chengchi theung y ka-chawi naimy paleung mei y niu naichi hawi, teng y nai amo leu pei naichi tym bi ai ny y.

Ezekiela 13:2

Mymy ly “Nang khumicho awi, Israela chengchi i amochi ai thui tamawn ba; leu pei naichi ai mymychi naimy phym iy thui naichi teng y, Areng i leu pei nai tangai ai nai thui pi,” napi.

Ezekiela 13:23

Hunai deaungkho y nangchi ly teng y nai paleung mei y niu naichi ai, niu u ali bi ai ny y; lam tamang naira y tym hai nai leuchi thui u bi ai ny y. Kai ly Areng ne, nanai nangchi pany thai ai nai kai i khumichi ai, nangchi kiu i nai kaimy atleu ai,” napi.

Ezekiela 21:29

Nangchi i paleung mei y niu naichi ly niu angchi khyp nai ny y i, nangchi teng y thui pi yb naichi py ka-chawi cheichei teu. Nangchi ai pajeng angchi khyp ai nai neng kani ly kasa bo. Haisau ly khumi aso y nai i kaneaung y kala ai nai ang tym ai bo.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

ZEKHARIAH 10:2

Khumichi ly tameuh mynchi, mynchi, leung sarachi teng y deng u bo. Na i py nichi i nga nai leu ly ati sai py ny y nai, ka-chawi leuchi ne. Phyrei khumichi ly amangchi thui pachai u; na i py nichi ly nangchi ai teng y nai lam mang y naini ang pahawi reng. Nichi teng i nga nai awmnem naira py, atyhtyh teu. Hunai deaungkho y khumichi ly lam tamang nai beramchi kamta, aki aleaung u bo. Lu sa nai keung by y i, patang naira avum u nai ne.

ZEKHARIAH 13:3

Naibaly amimi py ne sy, amo leu thui veangveang nai khumi awm rai baly, ni i amhm ampochi ly ni teng y, nang ly Areng i leu thui pi pateang nai ne i py, ka-chawi leu naini teaung nai deaungkho y, deira avum ai, nanai thui iy huni khumi thui nai thym khala y my, ni i amhm ampo ly ni ai haisau hawi thun iy padei ai.

Leu Thui Nai 18:20

Kaimy leu pei y naimy kai i amyn y leu thui vam nai amo ai py, tameuh takhrachi i amyn y leu thui nai amo ai py, padei ai,’ napi.

I TIMOTHEI 4:2

vawinamchi i patiu nai leu dawn iy, ym naira ai ly hi vui ai, nanai Phailo my ly chai pyn nai pa-rei thui bo; huni ka-chawi thui naichi ly mymychi i hawi nai hawi y nai pany naira kypkyp y tamo kangngo y akeaung nai kamta awm bo;

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.