JEREMIA 14:13 - Khumi Common Language Bible

¹³ Huna nai khala y kaimy, “Aw Areng, hini pri y tavai takai hawi takang theu nai ka-jeira tym ai ny y; tlamsa naira naini awm ai, nanai amochi my thui nai ly nangmy pany nai ne,” napi.

JEREMIA 14:13 ပူးပေါင်းရင်းမြစ်များ

ISAIA 56:10

Mymy ly “Kai i khumichi teng y pany hai yb ai avo nai khumichi napi nai, lu sa nai keungchi ly mei paju u pawn bo! Nichi ly ati sai py pany u y. Nang si y nai yhm typ uichi hawi atawm. Nichi ly i ham ala nai khumichi ne u lawh ly!

JEREMIA 1:6

Naibaly kaimy, “Aw Areng, kai ly saneng theang ala nai deaungkho y, ati mana katheu ai mo, nanai pany y,” napi.

JEREMIA 20:6

Pashura awi, nang i vui ly yhm dengtheungchi raurei ang patiu ai i, Babulon pri y ang hawi vui ai. Nang ly huni pri y dei ai. Naibaly nang i thui nai leu ka-chawichi thai nai nangmy i ahawi bawibawichi hawi vanrei, a-up nai avum ai,” nanai leu pei nai Pashura teng y thui pi bo.

JEREMIA 23:17

Nichi ly kai i leu tangai ai nai akhi nai khumichi teng y, ‘Nangchi i vui atitichira y amsym ai, nanai,’ thui u jojo. Paleung tang naichi teng y py, ‘Nangchi i tlang tleaung y mana mo khala py, ka-jeira tym hai ai ny y,’ nanai thui u nai ne,” napi.

JEREMIA 37:19

Babulon samrang ly nang ai py, hini pri ai py tiu ai ny y, nanai ang thui pi nai keung nang i amochi ly ma mang y awm u pawn mo?

JEREMIA 4:10

Huna nai khala kai ly “Aw Areng, nang ly Jerusalem mary i khumichi ai li-tapawp vui lawh ly! Tlamsa naira nga ai, nanai nangmy leu pei i py, vai ly nichi i kaneaung y haisau padawi lawh bo,” napi.

JEREMIA 5:12

Areng i khumichi ly mymy i satang tengtang y naimy thui u nai ne. Nichi my, “Mymy ly ati sai py ang dawn hai ai ny y. Achi py ngari kamtang avum u ai ny y. Tavai ka-jeira hawi takang py avum ai ny y,” nanai thui u.

JEREMIA 5:13

Nichi my, “Amochi i leu ly ali cheichei teu; nichi thui ai nai Areng i leu pei nai ati sai py by y leang. Nichi i thui nai kamta nichi teng y tym sy,” napi u.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 6:14

Nichi ly kai i khumichi i tamo kalemchi ai, tahm pateng pi y naimy hawi sa pi. ‘Ati mo ra py amsym y pui naimy, amsyn teu,’ napi u bo.

JEREMIA 8:11

Nichi ly kai i khumichi i tamo kalemchi ai tahm pateng pi y naimy hawi sa pi. ‘Cheaungkhangra y amsym y nai neng khala, cheaungkhangra amsyn bo’, nanai thui u bo.

Ezekiela 12:24

Israela chengchi theung y ka-chawi naimy paleung mei y niu naichi hawi, teng y nai amo leu pei naichi tym bi ai ny y.

Ezekiela 13:22

“Nangchi ly kaimy paleung phra hai ai ngai y nai kai i khumichi ai leu ka-chawi teaung iy, paleung phra atho di hai bo. Nangchi ly khumi hawi y naichi ai, hawi y nairachi khai su y ai nai atho pei nai deaungkho y, nichi i hengra chau hai bo.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

II PETERA 2:1

Na i py khumi humchi theung y ly tapawp nai amochi py theu u reng:hunai kamta nangchi theung y tapawp nai patiu nai keungchi awm ai mang, nichi my ly mymychi ai van nai keung Areng puipui ai malawn py apha vui iy, ang taphra pajau ai nai ym takhra nai leuchi kangviu y kun hai ai i, mymychi i tlang tleaung y tlenrei khyh my tama ai naira angtym hai ai.