JEREMIA 13:27 - Khumi Common Language Bible

²⁷ Areng ly mymy i amso ngai naichi ai nangchi sa nai niu. Nangchi ly yhm deaungpa i aju ai ngai tahau nai kamta, keaungngo nu ai keaungngo katai my po chiu nai kamta, mawi aheungchi hawi adym angdengra y kangji nang y naimy, bima kalop sa u bo. Jerusalem mary i khumichi awi, nangchi ly taham si! Nangchi ly mana khala y chai u ai mo?

JEREMIA 13:27 ပူးပေါင်းရင်းမြစ်များ

SAM 94:4

Kamngo sa tamang nai khumichi ly mana tanrei paleung len amlyh iy, mychi i sa tamang nai kamngochi ai amlyh naimy awm u ai a?

SAM 94:8

Kai i khumichi awi, nangchi ly ati mana nai y hina tanrei cheng naira by y iy, tau akhum u na mo? mana khala y tau cheng u ai mo?

LEU KACHENG 1:22

“Khumi ka-khumchi awi!, nangchi ly mana tanrei akhum naimy awm ai nai ngai u nai mo? Nangchi ly cheng naira ai mana tanrei mei aniu y nai sa iy, amo theu u ai mo? Nangchi ly mana khala py, ka-dawn pany u vau nai by y na mo?

ISAIA 57:7

Nangchi ly mawi ka-sang salo y lyn iy, apathyp nai tarawi y, kamthu kamleaung sa u.

ISAIA 65:7

Nichi i kamngolai py, nichi i amsi pajochi i kamngolai py, vawitheung katha hai ai. Nichi ly mawi salo i mynchi ai chiu nai meingtymra y mui katuichi leng patlum iy, kai ai cheh u bo. Hunai deaungkho y nichi ai kamngo ka-taing kapajeng ai,” napi.

JEREMIA 11:15

Areng my, “Kai i tamen nai khumichi ly hawi y nairachi sa u bo. Nichi ly ati mana nai kai i Achura yhm y kun ai nai nga u ai mo? Tawnbawichi hawi apathyp nai saho y ka-jeira i nai paka vui pajau ai, nanai athang khai u a? Nichi ly hawi y naichi sa naimy amo theu u na a?

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

Ezekiela 16:23

Sa thai nai angym nai Areng my, “Nang ly taham si! Nang ly taham si! Nang ly hawi y nairachi sa chum baly,

Ezekiela 2:10

Huni kiu ly cha aeang lam nai khala, phei nyhreira y cha mawi awm mei nai kaniu. Huni cha aeang phei nyhreira y, paleung si vo tangam nai chachi abawi nai ne.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 24:12

Na i py laawm kakhawi kaeng bawibawi ly mai kangveaung y kang pyn ai ny y.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

Ezekiela 24:6

Sa thai naira angym nai Areng my leu pei nai ly “Khumi ai padei naichi i mary ly taham si! Huni ai ly mana khala py kachi vai y naimy khai nai deaungkho y, eicha nai laawm hawi atawm. Laawm theung i mawi akawichi ai akawi akawirei takhyh ly laawm theung y by y pa-rei takhyh.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

Ezekiela 36:37

Sa thai naira angym nai Areng my, “Kai ly hini tleaung y malawn py sa ai. Israela chengchi ai kai teng y kasabawmra hnei bi ai nai pei ai. Beram kanghu kamta vuikanai peung hai ai.

Ezekiela 6:13

Khumi veuchi ly mynchi sala y hawi maichamchi ka-kira y py, mawi ka-sangchi hawi mawi saleung tleirei y py, heng-yh nai dengkeaung keungchi hawi ngopraibiu keung pui ngierei anui y py, mynchi teng y mui katui leng patlum nai ngiereira y py, ahei naimy awm ai. Huna nai khala kai ly Areng ne, nanai khumi bawibawichi my pany u ai.

HOSEA 1:2

Areng ly Hosea dengdairei, Israela chengchi teng y leu pei manme nai ly “Nang ly chei iy neampachy leaungrei hawi yhmtheaung so ba. Nang i aju ly ka-ym by y nai neampachy ne ai. Nang i cho chanau py, nang i aju kamta ka-ym by y naichi lawm ai. Kai i khumichi py huna nai kamta, kai ai khai su iy leu atangai u y nai ne,” napi.

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

HOSEA 8:5

Samari mary i khumichi chiu u nai muku si katai myn ai kapaso nai ne. Kai ly nichi tlang tleaung y kado theu bo. Nichi ly mana khala py, myn chiu nai khai u su ai mo?

ZEPHANIAH 3:1

Amy mary i khumichi ai malawn py ana pumpi iy, hawi y sa naimy atiu reng nai Jerusalem mary ly taham si.

MATTHAI 11:21

“Aw Korazin awi! Nang ly taham si! Aw Bethsaida awi! Nang ly taham si! Nangni i meingtym y atiti rengrang sa naichi ly Tura hawi Sodom avang y sa nai ne iy khyly, nini ly jangni ka-so paisiu kanih akhiu iy, maiphu ataphum naimy uikhei pawn ai bo.

II KORINTH 12:21

ti y baly kai kang jeu bi nai khala y kai i Tameuh my nangchi i mo y kai ai tahm panem lawh na, naibaly angchei i atiti kamngo sa nai keungchi theung y atiti chai y nai py, angai nai py, paleaung nai py sa reng nai uikhei ngai y nai khumi neangneangchi ai kai ly vo hai lawh na.

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

JAKOB 4:4

Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.

AMTENG HAI NAI 8:13

Naibaly kai ly khen i, ahm pui kani laileaung y angkeang iy, tao pajeng parai naimy, “Kani pri i amtaw thau nai leaung thomreichi i baw eng bi rai ai nai katynchi deaungkho y khaileaung pri tleaung y awm naichi ly taham si! taham si! taham si!” napi nai kathai.