JEREMIA 11:17 - Khumi Common Language Bible

¹⁷ “Ati cheaungkhang sa thai nai keung kai, Areng ly Israela pri hawi Juda pri ai palum pachai pi ai. Na i py vai kai ly huni pri y ka-jeira tym hai ai. Nichi ly sa tamang u nai deaungkho y, Bala tameuh teng y apathyp u nai molam y, nichi ly kai ai kado patheu u lawh nai ne.”

JEREMIA 11:17 ပူးပေါင်းရင်းမြစ်များ

2 SAMUELA 7:10

Kai i khumi Israela chengchi i vui awm ai nai meingtym vawi takhra iy, ana patang naira avum hai y naimy, saleaung khuteng chah hai bo. Hini pri y kun khyp khala i dengdairei, khumi hawi y naichi my tiu nai avum teu i py, vai mo mang y ly avum bi ai ny y. Nang ai paleung ka-echi teng i nai lawira nga hai ai i, katu chanauchi peung hai ai, nanai kai adeu bo.

2 NENG SATANG 28:25

Ni ly Juda pri mary katheang kalen ngiereichira y, cheng takhra khumichi i tameuhchi teng y mui katuichi leng patlum ai nai myn chiu nai meingtymchi py sa. Hina nai kamta mymy i tlang tleaung y amsi pajochi i Areng Tameuh i kado theu naira tym hai nai ne.

SAM 44:2

Nangmy naimy cheng takhra khumichi ai patheu vui iy, nang i khumichi ai hini pri y meingtym pala pi nai py, cheng takhra khumichi ai kamngo pajeng iy, nangmy i khumichi ai lo pa, nang chawn hai nai satang py thui pi bo.

SAM 80:15

Jeu ly nangmy kypkyp ui iy, keung cheang pa-rei bawn nai kreip keung ai atleu kyh ba!

SAM 80:8

Nang ly Aikupta pri i kreip keung syn iy, cheng takhrachi ai patheu pawn chum baly, nichi i pri y huni kreip keung ui bo.

ISAIA 5:2

Ni ly khaileaung tai piu iy lengseaungchi akhui pawn i, khai patyp nai di kahawi kreip keungchi ui bo. Ni ly huni keungchi typ ai nai angdeangra chang sa. Kreip athaichi ati ai nai angawm py sa. Ni ly kreip athai myn nai neng ajeng; Na i py kreip athai bawibawichi ly tho nai ne.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

JEREMIA 1:14

Mymy ly kai teng y, “Hini pri y awm nai khumi bawibawichi tlang tleaung y tosyh mang dengdairei, patang naira tym ai.

JEREMIA 11:11

Hunai deaungkho y nichi i tlang tleaung y kaimy tym hai ai nai ka-jeira i nai, nichi ly law tleaung u ai ny y, nanai kai Areng my pany hai bo. Kasabawmra nga ai nai nichi aeu u nai khala py, kaimy pathang pi ai ny y.

JEREMIA 11:13

Juda pri y mary neangneang awm nai kamta, khumi mipuichi teng py tameuh neangneang awm. Jerusalem mary theung y py lam neangneang awm nai kamta, mary i khumichi ly kaji ai hawi nai Bala tameuh i vui, kapathypra talam ai nai maichamchi sa u nai ne.

JEREMIA 12:2

Nang ly nichi ai pati nai deaungkho y, nichi ly tangjyn aviu, keung cheang iy athai thawn bo. Nichi ly nang i hawi nai sai thui u jojo i py, nichi ly angchi khyp, nang ai tahm khai u y leang.

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 18:8

huni khumi chengchi ly uikheih u lawh baly, kai ly paleung amtlau ai i, vaichi khala thui naichi kaso y naimy awm ai.

JEREMIA 19:15

Israela chengchi i Tameuh, ati cheaungkhang sa thai nai keung Areng my, “Nangchi ly paleung tang iy kai i leu tangai u y. Hunai deaungkho y hini mary hawi tengpang i marychi tlang tleaung y, jangni y thui yb nai kamta, pajeng naira tym hai ai,” nanai leu pei nai nichi teng y thui pi bo.

JEREMIA 2:21

Kai ly lym patyp nai ti ra i kreip keung kaui nai ne. Na i py nang ati mana lawm mo, nanai khen cham! Nang ly veaung iy teaung ai ngo y nai kreip keung hawi atawm nai ne.

JEREMIA 24:6

Nichi ai kry iy hini pri y kapahawi ali teang ai. Kai ly nichi ai taphra y naimy kapalum ai; akyn vui y naimy kaui ai.

JEREMIA 26:13

Nangchi ly nangmychi i amhi amtlau nai sai takhra iy, nangmychi i Areng Tameuh i leu tangai u ai nai tla. Huna nai kamta sa u baly mymy ly nangchi ai taphra ai, nanai leu pei yb teu i py, mymy i leu amtlau hai vui ai.

JEREMIA 26:19

Juda samrang Hezekia hawi khumichi ly Mikha ai padei u y. Huna nai padei ai nai tleaung y Hezekia ly Areng ai jei nai deaungkho y, mymy i kangai sa ai nai atho sa nai ne. Huna nai khala y Areng ly nichi i tlang tleaung y ka-jeira tym hai ai, nanai leu pei yb teu i py, mymy i paleung amtlau hai bo. Vai achi ly amychi i tlang tleaung y jei ai hawi parai nai ka-jeira tym ai nai sa u lawh ly” napi u bo.

JEREMIA 32:29

Hini mary ai tiu nai Babulon khumichi ly jeu iy mai leng u ai. Yhm amphuchi salo y Bala tameuh teng y mui katui leng patlum nai molam py, tameuh takhrachi i vui y kreip hang talam nai molam py, khumichi my kai ai kado patheu nai yhmchi hawi vanrei, hini mary verei kang ai.

JEREMIA 32:30

Israela hawi Juda khumichi ly jangni khala i ka-so, kai i ngai y nai atitichi naini sa u lawh. Israela khumichi ly mychi i sa nai mynchi hawi, kai ai kado theu hai u bo.

JEREMIA 35:17

Hunai deaungkho y Israela chengchi i Tameuh, ati cheaungkhang sa thai nai keung kai Areng ly kaimy i adeu nai ka-jeira ai Juda khumichi hawi Jerusalem mary i khumichi tlang tleaung y tym hai ai. Ati mana nai mo nabaly nangchi ly kaimy thui nai khala tangai u y. Kaimy palau nai khala pathang u y nai deaungkho y ne, nanai leu pei nai thui pi,” napi.

JEREMIA 36:7

Areng ly hini khumichi ai kaso tahyn theu ai hawi nanai kado theu naira hawi pajei pahyn nai deaungkho y, khumichi ly mychi i hawi y nairachi khai su iy, Areng teng y chiu sa u tan chiu sa u lym ai,” nanai leu pei bo.

JEREMIA 40:2

Tavailu areng ly kai ai, kaimyni leaung nyhrei ka-vum sa ai nai palau iy, “Nang i Areng Tameuh ly hini pri taphra ai nai pajei nai kamta,

JEREMIA 40:3

vai ly ang sa pi khyp bo. Hina nai tym nai ly nang i chengchi my Areng i tlang tleaung y kamngo sa iy, mymy i leu tangai u y nai deaungkho y ne.

JEREMIA 42:10

‘Nangchi ly hini pri y awm jo ai nai ngai u lawh teu baly, kai ly nangchi ai taphra y naimy palum ai. Kai ly nangchi ai akyn y naimy pati ai. Nangchi i tlang tleaung y kang tym hai nai ka-jeirachi molam y, kai ly khri pa-rei paleung mawn parai.

JEREMIA 44:5

Na i py nangchi ly leu tangai u y, tahm py khai u y; tameuh takhrachi teng y apathyp nai hawi y nai reita ai py patlaw u y.

JEREMIA 44:8

Nangchi awm u ai nai tym nai hini Aikupta pri y, nangchi ly mynchi molam y hawi, tameuh takhrachi ai chiu nai molam y py, ati mana nai kai ai kado patheu u lawh mo? Nangchi ly nangmychi kypkyp my ataphra iy, khaileaung pri i khumi cheng cheaungkhangchi my cheh naira hawi panui hai naira lawm u ai. Nangchi i amyn y tau iy vaineng abeu u ai.

JEREMIA 45:4

“Na i py kai Areng ly kaimy i palum naichi ai taphra iy, ui naichi py akyn teang nai ne. Khaileaung pri verei y hina nai kamta kasa ai.

JEREMIA 7:18

Cho deaungdichi ly theng acheaung i, neampacho ka-cheangchi my mai paeng iy, neampachy ka-cheangchi ly kani khusang samrang nu, napi nai kani anglo teng y talam ai nai, tako dei katlen iy paawp pi bo. Nichi ly kai ai paleung aleng hai ai nai tameuh takhrachi i vui kreip hang katalamrachi py leih iy talam u nai ne.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

Ezekiela 17:5

Naibaly ni ly Israela pri y awm nai keungdi harei la iy paijeaung keung kamta prau thai ai nai, tui avaw y nai khaileaung kahawira y ui bo.

HOSEA 10:1

Israela khumichi ly athai neangneang thawn nai kreip angjyn keung hawi atawm. Nichi ly nang chawn ryh baly, maicham neangneang sa u nai ne. Thengthai khulawn nawi ryh baly, mychi i chiu nai leaungchengchi ai apu tleaung apura pa-rei palum u bo.