JEREMIA 10:6 - Khumi Common Language Bible

⁶ Aw Areng, nang ka-tawm Tameuh harei py by y. Nang ly ati cheaungkhang sa thai nai keung ne. Nang i amyn ly nang parai iy phum-ang kawi angym nai ne.

JEREMIA 10:6 ပူးပေါင်းရင်းမြစ်များ

2 SAMUELA 7:22

Aw Areng, nang ly khri pa-rei nang parai na ly! Kai i thai nai ryrei nang hawi atawm nai Tameuh, nang ny y baly Tameuh takhra by y.

1 NENG SATANG 16:25

Areng ly nang parai nai ne i, achi ly mymy ai palo ai nai tla; achi ly mymy ai tameuh takhrachi tleaung y tahm khai ai nai tla.

NEHEMIA 4:14

Kai ly mipuichi paleung bi paleung mawn nai sai kaniu i, nichi hawi vanrei, nichi i miteaung kehchi hawi peang nai keungchi teng y, “Achi i paleung ka-echi ai jei u moh; Areng ly nang parai nai hawi ka-jei hawi parai, nanai pany u ly nangchi i amjo amnau, aju chanau, yhm hlauchi i vui atiu u,” napi.

NEHEMIA 9:32

“Aw Tameuh, kaichi i Tameuh, nang ly khri pa-rei tahm asang parai na ly! Khri pa-rei jei hyn ai nai hawi iy, sa thai naira len parai na ly! Nang ly nangmy i Leu Maikawm molam adeu naichi ai ka-ym awm naimy kry bo. Kaichi ly kaimychi teng y Asuria samrangchi my ana kali kachi nai neng dengdairei, vaini khrairei ngari kamtang ka-vum u na bo ly! Kaichi i samrangchi, lu sa naichi, pathyp pi nai keungchi, amochi, kaimychi i amsi pajochi hawi mipui bawibawichi ly ngari kamtang avum u bo. Kaichi mana tanrei ngari kamtang avum mo, nanai pany pi jo kyh ba!

SAM 145:3

Areng ly nang parai nai deaungkho y, palo ai ataing nai ne; nang parai nai sai py dawn pata pajau y leang.

SAM 147:5

Achi i Areng ly nang parai iy sa thai naira angym nai ne; mymy i cheng naira ai saju angka pata ai nai ngo y.

SAM 35:10

“Nang hawi ami atawm mo? Ami nai ly nang kamta, atho di nai khumi ai atho awm nai khumi my patang hai naira i nai py, ngari kamtang avum nai khumi ai ana nai khumi teng i nai py, ami my ama hai mo,” nanai Areng teng y kaimy i avum nai ka-dawn hawimy amti pi ai.

SAM 48:1

Areng ly nang parai keh nai ne iy, chai parai nai mawi pui napi nai achi i Tameuh i mary puira y, khri pa-rei palo ai ataing nai ne.

SAM 96:4

Areng ly nang parai keh nai ne iy, khri pa-rei palo ai ataing nai ne; mymy ly tameuhchi bawibawi tleaung y, jei kaji naimy tahm khai ai ataing nai ne.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

THEU NAI 8:10

Samrang ly “Khawndam mang y kai i vui chiu so pi,” napi. Mosi my, “Nang i ngai nai kamta chiu kang sa pi ai; kaichi i Areng Tameuh atawm nai tameuh takhra by y, nanai nang pany ai.

THEU NAI 9:14

Khaileaung pri verei y kai ny y baly kai ka-tawm ami py by y, nanai nang pany ai nai nang hawi nang i bangtangchi, nang i khumichi teng y pajeng naira kaimy tym hai ai.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 40:18

Tameuh ai ly ami hawi pata pajau ai mo? Mymy i mo-cha ai nangchi ati mana thui thai ai mo?

ISAIA 40:25

Chai parai nai Tameuh ai ami hawi pata ai mo? Mymy hawi atawm nai khumi leaung leaungrei awm na a?

ISAIA 46:5

Areng my, “Nangchi ly kai ai mani khumi hawi pata u ai mo? Kai hawi atawm nai tameuh takhra awm rai a?

ISAIA 46:9

Jangni jangkhawn khala i awm nai atitichi pany u. Kai leaungrei naini Tameuh ne, nanai py, kai hawi atawm nai tameuh takhra by y, nanai py pany u jo ba.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

JEREMIA 32:18

Nang ly khumi sang neangneangchi teng y khaw parai nai tamen naira patei pi bo. Na i py khumichi ai mychi amsi pajochi i kamngo molam y pajeng nai ne. Nang ly nang parai nai hawi sa thai naira kawi angym nai Tameuh ne. Nang ly ati cheaungkhang sa thai nai keung Areng ne.

DANIELA 4:3

“Tameuh my achi teng y patei pi nai lyh ai nairachi ly khri pa-rei len parai na ly! Mymy i patei pi nai rengrang ka-ma-rachi ly khri pa-rei sa thai naira angym na ly! Tameuh ly deungtasarei samrang ne. Mymy ly khaileaung pri y neng tleirei peang jojo ai.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

Leu Thui Nai 32:31

Nichi i paleung ka-echi ly mymychi i tameuhchi atho jy iy, Israela chengchi i Tameuh kamta sa thai naira len y, nanai pany u.

Leu Thui Nai 33:26

Israela khumichi awi, nangchi i Tameuh ly ni hawi pata ai nai tameuh takhra by y; mymy ly phum-ang nang parai nai hawimy tamai atang iy, kani khusang tako prei naimy, nangchi ai sabawm ai nai ang jeu bo.