JEREMIA 10:12 - Khumi Common Language Bible

¹² Areng ly sa thai nai haiho hawi khaileaung lawm hai bo. Cheng naira hawi khaileaung pri sa iy, Tau cheng naira hawi kani khusang ai kadai pha bo.

JEREMIA 10:12 ပူးပေါင်းရင်းမြစ်များ

ATITI AWM ANGCHEI NAI 1:1

Tameuh my angchei y khusangdeaungdu ai sa nai khala,

ATITI AWM ANGCHEI NAI 2:5

khaileaung salo y kani nai hai y rai nai deaungkho y keung prau nai py, hm amdi nai py by y; khaileaung y amti amjang pati nai khumi py by y leang rai;

1 NENG SATANG 16:26

Khumi takhrachi i tameuhchi ly mynchi ne; na i py Areng ly kani khusang ai sa nai keung ne.

JOBA 26:7

Tameuh ly tosyh mang y awm nai kani khusang kadai iy, khaileaung ai ly khusang deaungdura y banghau nai ne.

JOBA 37:18

Nang ly kani khusang kadai ai nai Tameuh ai sabawm pajau a? Huni ai kheupaja kamta amchai iy, tang na pa-rei so pajau na a?

JOBA 9:8

Kani khusang kadai iy, pangli naka i anam keungleung y chiu nai khala, Tameuh ly ami i kasabawmra py aly ngai y.

SAM 104:2

Nang ly nangmy ai kangvang hawi khiu bo; nang ly kani khusang ai kanih tangbeung kamta kadai iy,

SAM 104:24

Aw Areng, nang i sa nai leaungsaichi ly nawi parai na ly! Cheng nai hawimy huni bawibawichi ai sa! Khaileaung ly nang i sa nai heng nai amjychi hawimy kawi na bo.

SAM 119:90

Nang i ka-ym awm nai py deungtasarei awm jojo; khaileaung pri ly nangmy meingtym sa pi nai kamta awm bo.

SAM 24:2

Mymy ly khaileaung ai khaileaung anui i tui kathiura y langdeng pala bo. Thiu parai nai suida panglichi theung y sangum pala iy sa nai ne.

SAM 33:6

Areng ly mymy i leu pei nai hawimy kani khusang ai py, mymy i leu hawimy kani, lo, ka-si taukichi ai py sa nai ne.

SAM 65:7

Nang ly pangli tui amsau nai katyn hawi, tui sampyh katynchi rym hai bo; khumichi i khyh tukulu nai katynchi py anawn hai ai.

SAM 78:69

Huni mawi salo y kani pri mang i yhm atawm nai Achura yhm sa nai ne. Huni Achura yhm ai khaileaung kamta, deung kangthau khrairei khaw hai bo.

SAM 93:1

Areng ly samrang ne. Mymy ly nang parai nai phum-ang amthyp iy, sa thai naira khobai akawm bo. Mymy ly khaileaung khaw hai iy, huni ly amchyh lei y nai ne.

LEU KACHENG 3:19

Areng ly mymy i cheng naira hawi khaileaung ai sa; mymy i pany naira hawi kani khusang ai khaw hai.

LEU KACHENG 30:4

Ami nai ly kani pri hawi amtawn abi nai cheng naira angym pa-rei pany vai mo? Ami nai ly ali ai kiu hawi patiu nai nga vai mo? Ami nai ly tui ai kanih hawi tapau vai mo? Khaileaung pri i khujyh ai ami my pata pi vai mo? Huna nai khumi ly ami mo? Ni i chapo ly ami mo, nang pany a?

ISAIA 37:16

“Kheruben salo y ateh nai kani pri tavai luchi i Areng, Israela chengchi i ati cheaungkhang sa thai nai Areng Tameuh, nangmy leaungrei naini khaileaung pri verei ai peang nai Tameuh ne. Nang ly kani hawi khaileaung sa nai keung ne.

ISAIA 40:22

khaileaung sa pi nai keung ly kani hawi khaileaung salo y awm nai areng atehra salo y ateh nai keung ne. Kani anui i khaileaung salo y awm nai khumichi ly pa-leng sa-machi kamta theangchichy, nanai athang khai. Mymy ly kani khusang ai silleng kamta py, awm nai tai kamta py palawn bo.

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 45:12

Kai leaungrei naini khaileaung pri ai palum iy, hunira y awm ai nai khumichi ai sa nai keung ne. Kaimy i sa thai naira hawi kani khusang ai khiu tapai iy, kanito, lo, ka-sichi ai kryme nai ne.

ISAIA 45:18

Areng ly kani khusang ai sa; mymy leaungrei naini Tameuh ne na a! Mymy ly khaileaung ai sa palum iy, khaw hai typ nai ne. Mymy ly huni ai khumi angso by y nai meingtym palawn ai nai sa nai ny y. Khumichi awm ai nai meingtym sa pi nai ne. Mymy ly “Kai ly Areng ne; kai ny y baly tameuh takhra by y.

ISAIA 48:13

Kai i kiu ly khaileaung sangum langdengchi pala iy, kani khusang ai khiu tapai nai ne. Kai ly khaileaung hawi kani khusang ai kapalau nai khala y, vaimy tym u praw bo.

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

JEREMIA 10:13

Mymy leu pei nai khala y kani khusang salo i tuichi ly katyn amsau na bo. Mymy ly khuteng taki i dengdairei, khupanymchi sau hai nai ne. Kani nai thym khala amlosadichi theu hai iy, mymy paeaung naira i alichi ai py aho hai bo.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 27:5

“Kai ly kaimy i sa thai naira len parai nai haiho hawi khaileaung pri, khumichi, khaileaung pri y awm nai tawnbawichi hawi raurei kaimy sa nai ne i, huni khaileaung pri ai kaimy ngai nai teng y kapei pajau nai ne.

JEREMIA 32:17

“Aw Areng Tameuh, nang ly nang parai nai phum-ang hawi, kani hawi khaileaung ai sa bo. Nangmy so thai y ai nai pa-rei rai naira ha py by y.

ZEKHARIAH 12:1

Hini leu pei nai ly Israela chengchi i vui Areng teng i tym nai leu ne. kani khusang ai khiu iy khaileaung ai sa chum baly, khumi angsochi ai hengra pei nai keung Areng my leu pei nai ly

JOHAN 1:3

Ati cheaungkhang bawibawi ai ly mymy i saho y sa nai ne: naibaly atiti sa nai bawibawi ai ly mymy ny y naimy sa nai ha py by y.

KOLOSA 1:16

mymy i saho y ati cheaungkhang sa nai ne iy, kani mang y awm naichi hawi, khaileaung y awm naichi py, niu thai naichi hawi niu thai y naichi py, areng atehra py, peang naira py, areng naira py, aly peang naira py, ati cheaungkhang mymy i saho y sa nai ne i, mymy i vui y py sa nai ne teang.