JEREMIA 1:18 - Khumi Common Language Bible

^18-19 Jeremia awi, tangai ba! Hini pri y awm nai khumi bawibawichi napi nai Juda samrangchi, samrang i bangtangchi, pathyp pi nai keungchi hawi, mipuichi ly nang ai ang tiu u ai. Na i py nichi ai amtang pajau ai nai pa-rei, nang ai vaini kang sa pi ai. Nang ly amtangra mary kamta py, tamo yhmmawm hawi kheupaja angpang kamta py lawm ai. Kai ly nang hawi vanrei awm ai i, nang ai ama hai ai. Hunai deaungkho y nichi ly nang ai ang tiu pajau ai ny y. Hini ly kai Areng i thui nai leu ne, napi.

JEREMIA 1:18 ပူးပေါင်းရင်းမြစ်များ

ISAIA 50:7

Na i py Areng ly kai ai sabawm nai deaungkho y, nichi i ana nai ly kai i tlang tleaung y patang naira tym hai y leang. Hunichi ai kham pajau ai nai, kai ly khamta bo.

JEREMIA 1:17

Nang ly vam parai naimy chei iy, huni khumichi teng y kai i thui pi nai ngiereichi thui pi. Nichi ai jei moh; nang ly nichi ai jei lawh teu baly, kai ly nang ai nichi i mo y jei hai ra ai.

JEREMIA 15:10

Kai ly amo theu naira by y nai khumi lawm lawh bo ly! Kai i amhm ly kai ai hini khaileaung pri y ati mana ang tapen lawh mo? Hini pri y awm nai khumi ngiereichi hawi leu nawi, rai ai nai tla bo. Kai ly ami teng y py paisa tangka alai ai nai pei vai y. Ami teng i py alai vai y. Na i py khumi bawibawichi ly kai ai pasawi u lawh.

JEREMIA 15:20

Nang ly huni khumichi ai amtang pajau ai nai, kai ly nang i kheupaja apai kamta lawm ai. Nichi my nang ai ang tiu u teu i py, nang ai tiu pajau ai ny y. Nang ly chymme pa-rei awm thai ai nai nang ai kry iy, kai ly nang hawi vanrei awm ai,” nanai Areng my thui nai leu ne.

JEREMIA 20:11

Na i py aw Areng, nang ly sa thai naira haiho len nai tavaimi risa kamta, kai mang y asa hai nai deaungkho y, kai ai pahyp y naimy ana nai khumichi ly athei iy atlym u ai. Nichi ly mana khala py eaung u ai ny y. Nichi ly eaung naira ngo pajau y nai deaungkho y, kangji nga u jojo ai. Nichi i kangji ly mana khala py tami pajau ai ny y.

JEREMIA 21:4

Israela chengchi i Areng Tameuh my Zedekiah teng y leu pei nai ly “Zedekiah awi, kai ly mary katanmeuh nai Babulon samrang hawi ni i tavaimichi ai tiu ai nai, nang i tavaimichi sum hai ai. Tavai ateaungchi ai ly mary umtang y kachu ai.

JEREMIA 26:24

Na i py kai ly Shaphan i chapo Ahikam my asa hai nai deaungkho y, khumichi i kiu y au i, padei y nai ne.

JEREMIA 34:3

Nang ly ni i kiu i nai tleaung ai ny y; ang patiu ai i, ni i kiu y tym ai. Nang ly ni hawi mo atha iy leu arum chum baly, Babulon mary mang y abang ai nai tla ai.

JEREMIA 37:7

kai teng y pato nai keung Zedekiah teng y, “Nang ai sabawm ai nai vai, amsa nai Pharao samrang i tavaimichi ly mychi i awm nai Aikupta pri y vawi u ali teang ai.

JEREMIA 38:18

Na i py nang kasum apei y lawh baly, hini mary ly Babulon chengchi i kiu y tym ai. Nichi my py hini mary ai mai leng vui ai. Nang py nichi kiu i nai tleaung ai ny y,’ nanai leu ang pei,” nanai thui pi.

JEREMIA 38:2

Kai ly khumichi teng y Areng i leu thui pi nai ly “Hini mary y awm jojo naichi ly tavai takai, tahum takang, no kanghawichira y dei u ai. Na i py Babulon chengchi teng y chei iy, kasum apei nai ngiereichi ly dei u ai ny y. Nichi ly ati py ne sy, kangheng tleaung u ai.

JEREMIA 42:22

Hunai deaungkho y nangchi ly tavai takai y mo, tahum takang y mo, ti y baly no kanghawi y mo man iy, nangmychi chei iy awm ai nai pri y dei u ai,” nanai thui pi bo.

JEREMIA 6:27

Jeremia awi, kai i khumichi ai tamo ngan y cham nai kamta, nichi i amhi amtlau naichi pany ai nai khen patawm ba.

JOHAN 1:42

Mymy ly ni ai Isu teng y hawi i, Isu my ni ai khen iy, “Nang ly Johan i chapo Simon ne; Kipha ang pathi ai,” napi; (huni ly Petera nanai sai ne.)

AMTENG HAI NAI 3:12

Pajau nai keung ai ly kai i Tameuh i achura yhm y ly yhmmawm kapalawn ai i, ni ly hu i dengdairei ly tlen py theu bi ai ny y; naibaly ni tleaung y kai i Tameuh amyn hawi, kai i Tameuh teng i nai satla kathiu nai Jerusalem kangtha i amyn hawi, kaimy i amyn kangtha py katajiu ai.