I TIMOTHEI 6:4 - Khumi Common Language Bible

⁴ ni ly am-e i, ati sai py pany y; huni tleaung y ly aei nai hawi leu aly y naira y ly pathu nai kamta ne;

I TIMOTHEI 6:4 ပူးပေါင်းရင်းမြစ်များ

LEU KACHENG 13:7

Phyrei khumichi ly ati sai py ny y pui naimy, khumi kanang amlawn u reng; na i py phyrei khumichi ly khri pa-rei nang teu i py, khumi kamawn amlawn u reng nai ne.

LEU KACHENG 25:14

Langseaung pei ai, nanai adeu iy adeu nai kamta so y nai khumichi ly kanitui abawi y nai khupanym hawi ali kamta ne.

LEU KACHENG 26:12

Cheng naira by y nai khumi ka-khum ly cheng naira by y pui naimy amymy ai khumi kacheng, nanai amlawn nai khumi tleaung y athang khai naira awm.

ISAIA 58:4

Nangchi biu hai nai ly nangmychi tengtawi avawrei kado theu, ajo athui iy ani u bo. Hina nai kamta nangchi chiu sa hnei takeng u nai ly kaimy kang tangai pi ai, nanai nangchi athang khai u a?

AMTAW 15:2

Hunaibaly Pawla nini Barnaba ly mymychi hawi khrikhri pa-rei aei ala nai aei y alam nanai hawi, aly ngang nai deaungkho y, Pawla nini Barnaba ai ly hinichi theung i amichi hawi mo huni leu khrukhra naira y Jerusalem i amtaw thau naichi hawi, miteaung kehchi teng y kalau ai nai khai rym bo.

AMTAW 18:15

na i py leuchi hawi amynchi, nangmychi i Reita i leura y teu baly, nangmychi my chih u ryp; kai ly hunai ka-tawm leu ly chih ai nai ngai y leang,” napi.

AMTAW 8:9

Naibaly amyn Simon khumi leaungrei awm; ni ly “Kai khumi kalen ne,” nanai jangvaini y huni avang y ly Samari i khumichi ai khri pa-rei lyh ai awm nai pa-rei atam sa pi;

ROM AVANGCHI TENG Y PAWLA I CHA PA NAI 12:16

Dawn nai vanrei awm u leungtang; paleung apalen y naimy tahm anem naichi hawi amkawm u; tahm apasang u moh.

ROM AVANGCHI TENG Y PAWLA I CHA PA NAI 13:13

Kanithun y awm nai kamta hawihai palai awm u sina; mhm nei khrukhra nai hawi, mhm pavui y naimy, paleaung nai hawi angai nai py awm y naimy, ajo nai hawi paleung ano nai py awm u moh sina.

ROM AVANGCHI TENG Y PAWLA I CHA PA NAI 14:1

Naibaly ym naira y ham y nai khumi ai ly mymy i ym thai y nai sai cheh y naimy kawn u.

ROM AVANGCHI TENG Y PAWLA I CHA PA NAI 2:8

na i py amy i kangai sa akhikan iy leu meitang patawm y naimy, hawi y naira patawm lawh nai keungchi i tlang tleaung y ly kado theu naira hawi, paleung yhyh na naira py,

I KORINTH 11:16

Ati py ne sy, ami py aei ai naira awm i khyly hunai ka-tawm reita nanai ly achi ly pipi by y, Tameuh i palau takhra kamkawmchi py by y.

I KORINTH 11:18

Angchei i naira y ly nangchi ly kamkawm kamta achu u iy, nangchi theung y akhawi takhra naira awm reng, nanai amichi i thui nai kathai; kai ly ym py kaym hup lawh.

I KORINTH 3:18

Ami py amymy ai atapawp moh sy. Nangchi theung y ami py, “Kai ly hini khaileaung pri i atitira y cheng bo,” nanai adawn baly, mymy ly cheng thai ai nai cheng y nai khumi lawn sy.

I KORINTH 3:3

ati mana nai mo nabaly nangchi ly tlang i kangai my peang naichi ne jojo rai: nangchi theung y akeng naira hawi aei naira awm reng nai deaungkho y nangchi ly tlang i kangai my peang nai ne iy, khumi kamta tako u jojo rai nai ny y lawh a?

II KORINTH 11:20

Ami my nangchi ai miseaung ang palawn khyly, ang cho khrai khyly, miseaung y ang hawi khyly, amymy ai apalo khyly, nangchi i meimai y ang tabeang khyly nangchi ly kham pi reng.

KALATIA 5:15

Na i py nangchi ly akei u iy acha u leungtang makho baly, atamo hai u leungtang y ai nai amkym u.

KALATIA 5:26

Apacheang leungtang iy, paleung ano nai tahm apasang u moh sina.

KALATIA 6:3

Khumi ly ati sai py ny y pui nai awm iy, khumi kalen amlawn baly, amy ai atapawp amang atyhtyh nai teu.

PHILIPI 1:15

Phyreichi ly paleung ano nai hawi aei nai deaungkho y py Krista i satang thui pi u lawh veng; phyreichi ly kawn nai deaungkho y thui pi u lawh teang:

PHILIPI 2:14

Padeng ai by y nai hawi, avo y naira abawi y nai py, vai i kangthau paleung akawi nai hawi taphra naichi theung y Tameuh i chanau cheh naira by y naichi lawn u thai ai nai,

PHILIPI 2:3

Apreaung nai hawi tahm apasang nai deaungkho y ati sai py so u y naimy, khumi leaung leaungrei ly tahm apanem parai naimy amy tleaung y khumi takhra ly hawi kyh, nanai palawn bawibawi sy;

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

II THESALONIKA 2:4

Ni ly Tameuh nanai amyn pathi nai ngierei ai hawi chiu nai amjy bawibawi ai tiu nai, nichi i tlang tleaung y tahm apasang ai; hunaibaly ni ly Tameuh i achura yhm kalen pui y ateh iy Tameuh kamta apalawn ai.

I TIMOTHEI 1:4

nang ly nichi ai parip thai ai nai, kai ly Makedonia pri y chei nai khala y ly nang ai Ephesi avang y awm jo ai nai kang takeng nai kamta, vai py kang takeng jojo rai.

I TIMOTHEI 1:7

nichi ly mymychi i leu thui nai hawi, mymychi i leu ho parai nai awm nai sai apany thai y i py, Reita patiu nai keung lawn ai nai ngai u lawh reng.

I TIMOTHEI 3:6

ym nai khumi kangtha ly avo y, ti y baly am-e ai i, diabola i sum naira y tym teang lawh na.

II TIMOTHEI 2:14

Huni atiti leu ly nichi ai dawn hai vau; ati sai py chawn y naimy, tangai nai keungchi ai taphra ai nai leu rumrang naira aei u y ai nai Areng i mei ka-niu y leu pei.

II TIMOTHEI 2:23

Na i py aei atyhtyh naira hawi cheng y naira y ly abawi ai nai ngai moh; hunichi ly ajo nairachi tapen lawh veng, nanai nang pany.

II TIMOTHEI 3:4

Tameuh ai tamen nai tleaung y ly amymy i amo theu naira ai tamen lawh naichi ne lawh;

TITA 3:9

na i py deng patum pati atyhtyh nai hawi, deung kamtawm satangchi hawi, aei nai hawi, Reita leu y ajo nai py angpreng veng; hunichi ly chawn naira by y i ati sai py ny y nai ne.

JAKOB 1:19

Amjo amnau ngai parai naichi awi, huna nai nangchi pany. Na i py khumi leaung leaungrei tangai akaneu sy, leu thui ai nai awn moh sy, kado theu ryp moh sy;

II PETERA 2:12

Na i py hunichi, dawn pasym naira by y nai mawichi kamta patiu ai nai hawi tama hai ai nai tlang y tapen naichi ly ati sai py pany u y naira y thui tamawn iy, mymychi i phra naira y my tama u ai, kamngo vang py nga u takengkei ai;

II PETERA 2:18

Nichi ly leu rumrang len parai nai thui iy, paleaung nai deaungkho y tlang i ngai phi teng y naira y kamngo y awm naichi theung i dengdairei atleu dudu naichi ai ly parawi;

JUDA 1:10

Na i py huni khumichi ly mymychi i pany y nai ngierei ai thui tamawn reng, naibaly dawn pasym naira by y nai mawichi kamta nichi i tlang mang y asa naira y pany naichi khypkhyp deaungkho y phra u nai ne.

JUDA 1:16

Hunichi ly athui apreaung naichi, cheh nai keungchi ne, mymychi i ngai phi teng y nai kamta khyp naimy tako nai ne; nichi i labeaung py am-e parai nai leu kawi bo, atiti kamran cha ai nai khumichi ai patle takhra naichi ne.

AMTENG HAI NAI 3:17

Nang my ly, Kai ly nang chy bo: yhmtheaung py awm, ati sai py katakang y leang, nanai thui; naibaly nang kypkyp ly ngari py tla, pahen ai nai py awm parai, kamawn py kamawn, mei py paju, beng tlenrei py ne, nanai nang pany y.