I TIMOTHEI 6:2 - Khumi Common Language Bible

² Naibaly nichi i yhmkeung ly ym nai khumi ne i, amjo amnau ne nai deaungkho y tahm panem u moh sy: na i py chawn naira nga naichi ly ym nai keung hawi ngai parai nai keung ne nai deaungkho y, nichi i kalop sa nai tleaung y so pi u ra sy. Huni satang patiu py patiu, pachei py pachei.

I TIMOTHEI 6:2 ပူးပေါင်းရင်းမြစ်များ

JOELA 2:28

“Naibaly kai ly kaimy i Phailo ai, khumi bawibawichi tlang tleaung y leih pi ai. Nang i cho chanauchi ly kai i leu pei nai ahei hai ai. Saneng len nai khumichi ly amangchi amang u ai i, thawndeang deaungdichi ly paleung mei y niu u ai.

Kati Nai 16:3

Nichi bawibawi ly Mosi hawi Aron i mo y jeu achu u iy nini teng y, “Nangni i sa nai sai ly rawn ala bo! Israela cheng bawibawichi ai Areng my vawi iy, Areng ly khumi bawibawichi hawi vanrei awm nai ne. Huna nai y Mosi ly ati mana nai y Areng i khumi mipuichi theung y amymy ai tahm apasang lawh mo?” napi u.

MATTHAI 23:8

Na i py nangchi ly ‘Rabbi’ ang palau nai amteng u moh; nangchi ai patiu nai keung ly leaungrei awm khyh, naibaly nangchi bawibawi ly amjo amnau ne.

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

MATTHAI 6:24

“Ami py yhmkeung leaung nyhrei i kalop so abom thai y leang: ni ly leaungrei ai niu ngai y iy, leaungrei ai ngai ai, ti y baly leaungrei ai ly ama hai iy, leaungrei ai ly tahm khai y ai. Tameuh i kalop hawi yhmtheaung i kalop so u abom thai y leang.

AMTAW 1:15

Hunai khala y ly (nichi bawibawi ly chungvai atlo leaung apomrei mo awm i) Petera ly amjo amnauchi theung y angdo iy,

ROM AVANGCHI TENG Y PAWLA I CHA PA NAI 11:17

Na i py changpi phyreichi ai ly tleu hai iy, nang, olive karam ne i nichi theung y patawm iy, olive keung i tangjyn tuihau ahum teang chum nai ne baly, changpi takhrachi teng y ly amlyh reng moh;

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

EPHESI 1:1

Pawla, Tameuh i kangai y Krista Isu i amtaw thau nai my ly: Khumi kachai Ephesi avang y awm nai Krista Isu y ka-ym awm naichi teng y ly:

EPHESI 1:15

Hunai deaungkho y kai py nangchi theung y Areng Isu y ym naira awm nai hawi, khumi kachai bawibawichi ai tamen nai py kapany iy,

EPHESI 3:6

huni ly hini ne he, Satang Kahawi deaungkho y Krista Isu y ly Cheng Takhrachi ly yhmtheaung amtym ahawi nai hawi, tlang angprei ahawi nai hawi, leu adeu nai nga ahawi naichi ne.

KOLOSA 1:2

Timothei achi i amjo amnau py, Kolosa avang i Krista y khumi kachaichi hawi, amjo amnau ka-ym awm naichi teng y ly: Tameuh achi i ampo teng i dengdairei pahenra hawi awmnem naira ly nangchi teng y awm sy.

KOLOSA 1:4

nangchi i khumi kachai bawibawichi i tlang tleaung y tamen naira awm nai sai satang py kaichi ly thai iy, nangchi i vui chiu kang sa pi jojo i, Tameuh achi i Areng Isu Krista i Ampo teng y ly kaichi ly kawn nai leu thui.

KOLOSA 4:1

Yhmkeungchi awi, nangchi py kani pri mang y nangchi i yhmkeung awm, nanai pany iy, nangchi i miseaungchi i tlang tleaung y avo nai hawi amlau nai ryrei so u.

II THESALONIKA 1:3

Amjo amnauchi awi, kaichi ly nangmychi molam y ly Tameuh teng y kawn nai leu thui jojo ai nai tla:huni ly avo khyp, ati mana nai mo nabaly nangchi i ym naira ly khri pa-rei veang nai, nangchi bawibawi y atamen leungtang naira ly peung nai tleaung y peung ra peung ra lawh veng;

I TIMOTHEI 4:11

Nang ly huni satang molam y leu py pei, patiu py patiu.

I TIMOTHEI 5:1

Miteaung keh nai ai ly preng moh ly, ampo kamta parawi;

TITA 2:1

Nangmy ly patiu nai kateng mang y atlyh nai leu thui ba:

TITA 2:15

Phom awm parai naimy huni leu ly thui py thui, pachei py pachei, parip py parip. Nang ai ami my tahm khai y ai nai so moh.

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

HEBRAI 3:1

Hunaibaly amjo amnau kachai, kani pri mang i palau nai phy nga naichi awi, achi i ym nai leu Amtaw Thau nai Keung hawi, Pathyp pi nai Keung kalen keh Isu ai ly dawn u.

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

I PETERA 5:1

Hunaibaly kai, miteaung keh ne teang nai hawi, Krista i patang naira niu nai hawi, amteng ai nai nang parai naira phy nga nai khumi ly nangchi theung y miteaung kehchi ai kang pachei:

II PETERA 2:10

tlang i ngai phi teng y nai chai y naira mang y asa nai hawi, aly peang naira tahm khai y naichi ai khai ai nai pany nai tleaung y ang pany ra nai ne. Nichi ly khri pa-rei vam iy mymychi i ngai nai harei dawn khyh i, nang parai nai keungchi ai thui tamawn ai nai kaso theu u vai y:

JUDA 1:8

Na i py hunichi py huna nai kamta mymychi i amang mang y tlang chai hai y i, aly peang naira tahm khai y iy, nang parai nai keungchi ai thui tamawn lawh.