Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I TIMOTHEI 6:16 - Khumi Common Language Bible

16 mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

အခန်းကိုကြည့်ပါ။ ကော်ပီ




I TIMOTHEI 6:16
30 ပူးပေါင်းရင်းမြစ်များ  

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.


Nang ly nangmy ai kangvang hawi khiu bo; nang ly kani khusang ai kanih tangbeung kamta kadai iy,


Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.


Tameuh my, “Kai i amyn ly Kai ne: “Kai ne”, nanai leu sai ly Hebrai leu y Jehovah, nanai ne; huni ai ly khumi leu y “Areng” nanai leu tapeang bo. Kai nanai amyn awm nai keung ly nangchi teng y kai ai pato nai ne,’ nanai Israela chengchi teng y thui pi ai nai tla,” napi.


Kai ai niu nai khumi ly heng ai ny y nai deaungkho y, nang ai kai i meimai kang patei ai ny y.


“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.


Mymy ly kanito kangvang kamta sangso angvang teaung naimy ang jeu bo. Sa thai naira awm nai kiuban i nai kangvang sangso theu nai ne.


Ami py mana khala y py Tameuh ai niu vai y; Chapo leaungrei awm khyh nai, Ampo teng y awm khyp nai my ly ni i satang thai hai bo.


Isu my ni teng y, “Philipa, hina tanrei kai nangchi teng y awm i py nang ly kai ai pany y jo rai a? Ami py kai ai niu baly Ampo ai niu nai bo; ‘Ampo ai kaichi ai patei kyh ba,’ nanai ly ati mana nai thui nai mo?


Ne mang ly Tameuh teng i theu nai keung leaungrei ny y baly ami py Ampo ai niu vai y leang; mymy ly Ampo ai niu bo.


Isu my nichi teng y, “Meitang khypkhyp kang thui pi, Abraham by y rai khala y py kai ly awm nai bo,” napi.


deungtasarei kangthau bawibawi tym pa-rei, palau takhra kamkawm y hawi Krista Isu y py nang parainai awm sy. Amen.


Kai ly deungtasarei heng nai keung ne khyp i, kai ly kani mang y kiu pheu iy katauh bo.


Naibaly achi i Tameuh hawi Ampo teng y ly deungtasa khrairei nang parai naira awm sy. Amen.


Mymy ly niu thai y nai Tameuh kamta atawm khyp nai, atiti sa nai bawibawichi tleaung y tapen manme nai ne;


Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen


Isu Krista ly jangdyh py, vaini py, deungtasa khrairei py huna jojo.


Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.


Naibaly leu taviu nai mymy teng i dengdairei kaichi i thai nai, nangchi teng y kang thui pi pateang ai nai ly hini ne he:


na i py mymy ly kangvang y awm nai kamta achi py kangvang y tako baly, achi ly vanrei amkawm leungtang nai ne, naibaly mymy i Chapo Isu i thi my achi i kamngo bawibawi ang pachai pi.


Ami py mana khala y py Tameuh ai niu vai y leang: achi ly atamen u leungtang baly Tameuh ly amychi y awm jojo ai i, mymy i tamen naira py amychi y angym teang ai.


Isu Krista achi i Areng deaungkho y neng den py by y rai khala y py, vai py deungtasa khrarei py palo naira hawi, nang parai naira hawi, peang naira hawi, sa thai naira py awm sy. Amen.


Achi ai tamen i mymy i thi y achi i kamngo nairachi pachai chum nai, achi ai mymy i Tameuh hawi Ampo i vui y peang naira hawi pathyp pi nai keungchi y palawn nai keung teng y ly nang parai naira hawi aly peang naira py deungrasarei awm sy. Amen.


Vai awm nai hawi, jangni i dengdairei awm nai hawi, vai momang y awm ai nai Atiti py Sa Thai Nai Keung Areng Tameuh my ly, “Alpha hawi Omeka kai ne,” napi.


Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.


Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.


“Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne; Ati mana nai mo nabaly nang ly ati cheaungkhang sa i, hunichi nang ngai nai deaungkho y awm nai hawi sa nai ne,” nanai thui ai.


naibaly nichi ly areng atehra mo y ambeu u i, “Amen: Amtheaung naira hawi, nang parai naira hawi, cheng naira hawi, kawn naira hawi tahm pasang naira hawi sa thai naira hawi, ham naira py achi i Tameuh teng y deungtasarei awm jojo sy. Amen,” nanai Tameuh ai chiu u bo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ