I TIMOTHEI 6:14 - Khumi Common Language Bible

¹⁴ Achi i Areng Isu Krista amteng y ryrei ly chai parai nai hawi, cheh ai naira by y pa-rei my leu ang pei nai ly patawm: huni ai mymy ly neng khyp nai khala y amteng hai ai.

I TIMOTHEI 6:14 ပူးပေါင်းရင်းမြစ်များ

1 NENG SATANG 28:20

Samrang Davida ly chapo Solomon teng y, “Nang ly ka-ym awm iy vam nai paleung awm ba. Kalop so amteaung ba. Atiti my py nang ai paka moh sy. Kai i chiu nai Areng Tameuh ly nang hawi vanrei awm ai. Mymy ly nang ai khai su ai ny y. Achura yhm i vui ngai nai atiti sa naichi pajau pa-rei, nang hawi vanrei awm hai ai.

Solomon i khulym 4:7

Kai i khrei nai awi, nang ai chehra by y; khri pa-rei mo-cha hawi parai na ly!

I KORINTH 1:8

ni ly achi i Areng Isu Krista i kani y ly nangchi cheh naira by y pa-rei awm ai nai nangchi ai tem khala y khrairei ang khaw hai ai mang.

EPHESI 5:27

mymy ly palau takhra kamkawm ly anyng akau y nai hawi, aneaung y nai hawi, hunai kamta atitichi den py awm y naimy, chai nai hawi meimai cheh ai by y nai awm iy, amymy ai palau takhra kamkawm tahm asang parai nai apei amang thai ai nai py, huni i jeng y apei nai bo.

PHILIPI 1:10

hunaibaly nangchi ly atiti hawi keh naichi ai ly hawi, napi u thai ai nai hawi, Krista i kani i vui ly meitang hawi cheh ai nai by y nai py lawn u thai ai nai,

PHILIPI 1:6

Ati mana nai mo nabaly nangmychi i paleung theung y atiti kahawi sa amteaung hai nai keung ly Isu Krista i kani tym pa-rei sa angym hai jojo ai, nanai, kai ly huni kypkyp ly ym cheng cheng veng.

PHILIPI 2:15

jo sei naira hawi aei naira by y naimy ati cheaungkhang so u; hunichi theung y ly heng nai leu amteng hai nai, khaileaung pri y angvang hai nai keungchi kamta amteng u reng;

KOLOSA 1:22

na i py vai ly nangchi ai ly mymy i mo y chai parai nai hawi, meimai cheh ai by y nai hawi, thui ai by y nai angdo hai ai nai, mymy i ngan i tlang y ly dei naira i saho y nangchi ai aly hai nai bo:

KOLOSA 4:17

Naibaly Arikipa teng y ly, “Areng y nang i krykeung kalop nga nai ly sa angym ai nai hawihai palai dawn,” tapi u ba.

I THESALONIKA 3:13

nangmychi mang y kaichi i tamen nai kamta ly, Areng ly nangmychi mang y atamen leungtang naira hawi, khumi bawibawi mang y tamen naira ly peung hai sy, panawi py panawi sy.

I THESALONIKA 5:23

Naibaly aly nai Tameuh kypkyp my nangchi ai angym pa-rei pachai sy; naibaly nangchi i phailo hawi, paleung hawi, tlang ai ly achi i Areng Isu Krista ang jeu nai khala y ly cheh ai nai by y pa-rei my bom verei chymme naimy awm sy.

II THESALONIKA 2:1

Na i py amjo amnauchi awi, achi i Areng Isu Krista ang jeu ai nai hawi, achi ly mymy teng y achu ai nai molam y ly,

II THESALONIKA 2:8

Huni bo y Reita Taphra Nai Keung ly amteng ai bo, naibaly Areng Isu my ni ai ly mymy i labeaung i taho nai y padei ai, naibaly ang jeu nai hawi amteng nai deaungkho y ni ai tama hai.

I TIMOTHEI 6:20

Aw Timothei awi, nang teng y ang au nai ly hawihai palai kry: Tameuh ai tahm khai y nai leu thui rumrang nai hawi, “pany naira” nanai pathi atyhtyh nai aei naira ai ly hi vui;

II TIMOTHEI 4:1

Tameuh hawi, kadei kanghengchi ai tara chih nai keung Krista Isu i mei ka-niu y hawi, mymy i amteng ai nai hawi peang ai naira deaungkho y py leu kang pei.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

HEBRAI 9:14

deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

I PETERA 1:19

beram cho meimai cheh ai by y nai hawi anyng akau y nai kamta, Krista i thi vang teng parai nai hawi nangchi ai atleu nai ne, nanai ly pany u.

I PETERA 1:7

Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.

II PETERA 2:21

Nichi ly lam kahawi pany nai bo y, leu pei nai kachai nichi teng y au nai ai hi vui nai tleaung y ly, lam kahawi pany y nai khyly nichi i vui hawi alam ai.

II PETERA 3:14

Hunai deaungkho y ngai parai naichi awi, nangchi ly hunai kamta atitichi ai ly athang khai nai deaungkho y anyng akau y nai hawi cheh ai naira by y naimy, awmnem nai ang niu thai ai nai atho angjeng u.

II PETERA 3:2

huni nyhrei ra y ly nangchi ai adawn hai vau iy nangchi i paleung kachai amcheng hai nai ne.

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.

JUDA 1:24

Hunaibaly atlym y ai nai pa-rei nangchi ai ang typ thai ai nai hawi, ni i nang parai naira mo y khrikhri pa-rei amo theu hai iy, chai y naira akau y naimy ang tym hai nai keung, achi ai Paheng nai keung Tameuh leaungrei awm khyh nai teng y ly,

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.