I TIMOTHEI 6:12 - Khumi Common Language Bible

¹² Ym naira i atiu naira y ly atho so; deungtasarei heng naira ai ly amkhaw, huni nga ai nai ang palau chum bo i, nang ly pany nai keung neangneangchi i mo y thai hai nai leu hawi parai nai thui pi bo.

I TIMOTHEI 6:12 ပူးပေါင်းရင်းမြစ်များ

SAM 63:8

Kai ly nang teng y anghawi bo; nang i kiu my ly kai ai chymme naimy khai bo.

LEU KACHENG 3:18

Cheng naira hau nai khumichi ly taham hawi; cheng naira ly nichi heng ai nai kry pi ai.

Solomon i khulym 3:4

Kai ly tamcheaung typ naichi teng i nai theu chum baly, kaimy i khrei nai keung ai avum praw ryp bo. Kai ly ni ai tleaung y pa-rei takawi cheng iy, kaimy i amhm yhm, kai ai tapen nai takun theung y pahawi bo.

ISAIA 44:5

“Khumichi ly leaungrei bo y leaungrei, ‘Kai ly Areng i khumi ne,’ nanai thui u ai. Nichi ly Israela chengchi hawi vanrei jeu iy awm u ai. Nichi ly khumi luteng kiubanra y Areng i amyn tajiu u iy, mymychi naimy Tameuh i khumi, nanai apalau u ai,” napi.

ZEKHARIAH 10:5

Juda khumichi ly lamchira i aneaung kapan theung y, paleung ka-echi ai chiu piupa nai tavaimichi kamta, eaung naira nga u ai. Areng ly nichi hawi vanrei awm nai deaungkho y, nichi ly paleung ka-e keaungngo atang nai risachi ai malawn py tiu nai pajau vui ai.

II KORINTH 6:7

leu meitang ra y py, Tameuh i atiti sa thai naira y py; langvawi mang py lamtang mang py hawi naira haichi deaungkho y py, palo naira hawi palo y naira deaungkho y py,

II KORINTH 9:13

hini sabawm naira y nangchi ai ang cham nai deaungkho y, Krista i Satang Kahawi mang y nangchi i leu ym u nai patawm nai sai deaungkho y hawi, mymychi i vui hawi khumi bawibawichi i vui khai achu naira y nangchi i atiti paawh y naimy pei nai deaungkho y py, nichi ly Tameuh ai tahm pasang nai chy bo;

Leu Thui Nai 26:3

Huni neng khala y kalop sa nai pathyp pi nai keung teng chei hai iy ni teng y, ‘Achi i Areng Tameuh ly amsi pajochi teng y adeu nai pri y achi tym u bo, nanai mymy teng y vaini pany hai bo,’ napi.

PHILIPI 1:30

nangchi ly kai i atiu ra awm nai ly niu u reng bo, vai py awm bi bo, nanai nangchi ly thai; nangchi ly huni kypkyp nga u teang nai bo.

KOLOSA 3:15

Naibaly Krista i awmnem naira my ly nangchi i paleung ai peang sy, hunai kamta lawn ai nai nangchi ai ly tlang bomrei y ang palau nai chy bo; naibaly kawn u.

I THESALONIKA 2:12

nangchi leaung leaungrei ai pachei py kang pachei, awm py kang awm hai nem, leu py hawihai palai kang pany hai, nanai nangchi ly pany u veng bo.

II THESALONIKA 2:14

hunira y ly nangchi ly achi i Areng Isu Krista i nang parai naira nga thai ai nai, mymy ly kaichi i Satang Kahawi thui pi nai y nangchi ai ang palau.

I TIMOTHEI 1:18

Kai i chapo Timothei awi, jangni y nang i satang thui u yb nai kamta nang ly huni deaungkho y atiu naira kahawi y ly atiu pajau ai nai, huni parip nai leu kang kry hai:nang ly ym naira hawi, hawi nai hawi y nai pany naira kahawi py patawn cheng:

I TIMOTHEI 1:19

phyreichi ly huni ai aphi i paleung kawi nai kamta ly ym naira lam y ly phra bo:

I TIMOTHEI 4:14

Naibaly miteaung kehchi ly nangmy i tlang tleaung y kiu tamam iy, leu thui u rym nai deaungkho y nang i paleung theung y Phailo i sa thai naira ang nga hai nai ly patlaw jo moh.

I TIMOTHEI 6:13

Ati cheaungkhangchi ai hengra pei nai keung Tameuh hawi, Pontia Pilata i mo y thai hai nai leu hawi parai nai thui nai keung Krista Isu i mei ka-niu y py leu kang pei.

I TIMOTHEI 6:19

nichi ly hengra tatang patawn u thai ai nai, tym ai nai neng i vui ly lengseaung leng nai kakhaw khai u rym ai nai pachei.

II TIMOTHEI 1:9

mymy ly achi i atiti sa nai deaungkho y ny y naimy, mymy i khai rym nai hawi pahen nai kamta achi ai ang paheng iy, palau nai sai chai parai nai mang y ang palau; huni pahenra ly kani khaileaung palum y rai khala y my Krista Isu y ang pei nai bo:

II TIMOTHEI 2:2

Naibaly pany nai keung neangneangchi i mo y kai labeaung i leu atiti nang thai nai ly ka-ym awm nai khumi, khumi takhrachi ai patiu pateang pajau ai naichi teng y au.

II TIMOTHEI 4:7

Angpreng acham naira y atho kasa iy tem pa-rei kangpreang bo: ym naira ai ly katyp me chum veng bo.

HEBRAI 13:23

Achi i amjo amnau Timothei ai ly palawi bo, nanai pany u ba; mymy ly tym kasa baly kai ly mymy hawi nangchi teng y kang jeu ai mang.

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.

I PETERA 3:9

hawi y sa nai ly hawi y sa nai vawitheung tha u moh ly, jo sei nai py jo sei nai vawitheung tha u moh; hunai kamta ny y naimy amtheaung hai:ati mana nai mo nabaly nangchi ai ly amtheaung naira amtym ai nai ang palau veng bo.

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

I JOHAN 2:25

Naibaly mymy kypkyp i achi ai adeu hai nai ly deungtasarei hengra ne he.

JUDA 1:3

Ngai parai naichi awi, achi ai paheng ahum nai satang ly nangchi teng y tajiu ai katau tanga nai thym khala y, khumi kachaichi teng y tlenrei au nai ym naira mang y atho sa patyp ai nai, nangchi ai pachei ai nai cha kang tajiu hai ai nai aly aeang, nanai kapany bo.

AMTENG HAI NAI 3:3

Nang i nga chum nai hawi thai chum nai py adawn vau ly; huni ai ly patawm jojo iy uikhei ly. Naibaly nang ly atyp y baly kai ly khumi kangviu kamta kang jeu ai, naibaly kai i kang tym ai nai neng nang pany ai ny y.

TARA CHIH NAI KEUNGCHI 3:2

Mymy huna nai kamta sa nai ly Israela cheng kangthau tleireichi ai tavai leaungsai amtiu ai nai dawn hai nai ne. Vaichi khala tavai keung y abawi vai y nai khumichi ai patiu pi ai nai dawn hai patyp bo.