I TIMOTHEI 5:8 - Khumi Common Language Bible

⁸ Na i py ami py khumichi i vui dawn rym y nai, amy i yhm angtheung i khumichi i vui malawn py dawn rym y baly, mymy ly ym naira ai ly apha vui i, ym y nai khumi tleaung y kamngo keh nai ne.

I TIMOTHEI 5:8 ပူးပေါင်းရင်းမြစ်များ

ATITI AWM ANGCHEI NAI 30:30

Kai tym y rai khala nang i tawnbawichi ly maidenreichy khyh, vai ly neangneang peung bo. Kai i saho y Areng ly nang ai amtheaung naira ang pei nai ne. Vai kai ly kaimy i dengtheungchi i vui nang chawn ai nai molam kalop sa ai nai neng tym bo,” napi

ISAIA 58:7

kajeu alam naichi ai pacho panei nai, yhm hlau by y nai khumi kamawnchi ai awm naira pei pi nai, ateaung alang by y naichi ai pei pi iy nangchi i chengchi ai sabawm nai, huna naichi ai akhi y nai ne.

MATTHAI 18:17

Naibaly mymy ly hunichi i leu py tangai ngai y baly, palau takhra kamkawmchi teng y tym hai: naibaly mymy ly palau takhra kamkawchi i leu py tangai ngai y baly, ni ly nang i vui Cheng Takhra khumi hawi akeu cheaung nai keung kamta awm sy.

MATTHAI 7:11

Hunaibaly nangchi khumi kamngo malawn py nangchi i chanauchi ai atiti kahawi pei ai nai sai pany baly, Ngampo kani pri mang y awm nai my ly hnei nai keungchi ai ly atiti kahawi mana tanrei ang pei y ai a?

JOHAN 15:22

Kai jeu iy nichi teng y leu thui y nai khyly, nichi ly kamngo by y ai bo.

I KORINTH 6:6

amjo amnau my amjo amnau ai tara chih naira y tym hai lawh be, ym y naichi i mo y ne vui bi rai.

II KORINTH 12:14

Khen cham, hini ly nangchi teng y kang jeu ai nai tlen thomrei angveirym nai ne: naibaly kai ly nangchi ai myn ji kang patei y leang mang; ati mana nai mo nabaly nangmychi teng i nga ai nai kang hau nai ny y leang, nangmychi ai kang hau nai teu: chanauchi my ly amhm ampo i vui pateung pi achu ai nai tlo y leang, amhm ampo my naini chanauchi i vui pateung pi achu ai nai tla.

II KORINTH 6:15

Krista ly Beliara hawi ati ado naira awm mo? Ti y baly ym nai khumi hawi ym y nai khumi hawi ly nga ahawi ai naira ati awm mo?

KALATIA 6:10

Hunaibaly achi i avo nai neng tleirei ly khumi bawibawichi i tlang tleaung y atiti kahawi so u sina, naibaly ym nai dengtheungchi i tlang tleaung y so u patyp keh sina.

II TIMOTHEI 2:12

Achi ly kham baly, Achi ly mymy hawi vanrei peang ai; Achi ly mymy ai apha baly Mymy py achi ai apha teang ai;

II TIMOTHEI 3:5

nichi ly Tameuh ai dawn ryhryh naira awm nai kamta ne teu i py, huni i sa thai naira ai ly apha u vui bo; hunai kamtachi ai ly hi vui.

TITA 1:16

Nichi ly, “Kaichi Tameuh ai pany,” na naimy asa u bo; na i py nichi ly amso awm nai hawi, leu tangai y nai hawi, atiti kahawi sa naira y pipi chawn y nai khumi py ne nai deaungkho y, nichi i atiti sa nai ly mymy ai apha u lawh.

II PETERA 2:1

Na i py khumi humchi theung y ly tapawp nai amochi py theu u reng:hunai kamta nangchi theung y tapawp nai patiu nai keungchi awm ai mang, nichi my ly mymychi ai van nai keung Areng puipui ai malawn py apha vui iy, ang taphra pajau ai nai ym takhra nai leuchi kangviu y kun hai ai i, mymychi i tlang tleaung y tlenrei khyh my tama ai naira angtym hai ai.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

AMTENG HAI NAI 2:13

Nang i awm naira kapany: Setan i areng atehra ly huni meingtym y awm: naibaly nang ly kai i amyn patawn cheng i, Setan i awm naira y kai i leu pany hai nai keung ka-ym Antipa ai ang padei nai thym khala y py nang ly kai ai ym naira ly apha y leang bo.

AMTENG HAI NAI 3:8

Nang i atiti sa naichi ly kapany ; khen cham, ami py kho pajau y nai katheu am-eaung angchi nai ly nang i mo y kakhai pi bo; nang ly sa thai naira neangneang by y i py, kai i leu patawm iy kai i amyn apha y, nanai kapany.