I TIMOTHEI 5:6 - Khumi Common Language Bible

⁶ na i py amo theu naira y apei nai neampachy lumai my ly heng nai thym khala y py dei nai ne.

I TIMOTHEI 5:6 ပူးပေါင်းရင်းမြစ်များ

ATITI AWM ANGCHEI NAI 2:17

hawi nai hawi y nai pany thai nai thengthai athai ly nang cha ai nai avo y; nang cha lawh baly, cha nai kani y my dei takengkei ai,” napi.

LEU KACHENG 29:21

Nang ly nangmy i miseaung ai deaungdichy khala i dengdairei, ni i ngai nai cheaungkhangchi pei pi baly, kanirei nai khala nang i peang nai bawibawichi ly ni i kiu tleaung y tym vui ai.

ISAIA 22:13

Nang ly huna nai sa ai nai jeng y, pawi sa lawh nai ne. Si, beramchi tleh, cha iy kreip hang nei bo. “Khawndam dei u ai bo i, vai ly achi cho nei u sina,” nanai nang ly thui nai ne.

ISAIA 47:1

Areng my, “Aw, Babulon mary napi nai neampachy awi, nang ly samrang atehra tleaung i dengdairei satla iy, khaileaung y ateh. Vaichi khala nang ly phrumai avum vai y nai anglo lengmyn, sum vai y rai nai mary ne. Na i py vai, nang ly paleung nau nem nai khumi ny y leang bo! Vai, nang ly miseaung lawm veng bo!

JEREMIA 6:2

Zion mary ly mo cha hawi iy jypjyp teu i py, taphra naira avum ai.

TANGAM NAI LEU 4:5

Teicha teinei kahawi kehchi cha nei u reng nai khumichi ly lamchira y kajeu alam naimy dei u. Tlamsa naimy tleaungri acheang u naichi py, anyn angso theung y kiu hawi kalai iy, teicha hau u bo.

MATTHAI 8:22

Na i py Isu ly ni teng y, “Kai teng y abang; kadeichi ly mychi i kadei ai up u sy bei,” napi.

LUKA 12:19

Naibaly kai i hengra teng y, Hengra awi, saneng neangneang i vui nang yhmtheaung pateung achu bo he; anawn ly, cho nei, amo theu naimy awm ba, kanapi ai,’ napi.

LUKA 15:13

Naibaly kani kra y naimy chapo deungdi keh my ly mymy i vui yhmtheaung bawibawi la achu iy, pri kamlo paraira y chei vui; hu y ly saw ala nai yhmtheaung pasum ryry atyhtyh.

LUKA 15:24

hini kai i chapo ly dei nai, heng ali teang nai bo he; tama nai kaniu ali teang nai bo he,’ napi. Naibaly amo theu parai naimy awm u bo.

LUKA 15:32

amo theu nai kawn parai naimy awm ai nai tla chy bo; hini ngamnau ly dei nai heng teang nai na a; tama nai niu teang nai na a,’ napi,” nanai thui pi.

LUKA 16:19

“Naibaly khumi kanang ami mo leaungrei awm: mymy ly kanih kamsen jeaung hawi, kanih mai ka-syn akhiu i, kani tleirei tlamsa jojo.

LUKA 7:25

Ny y baly ati khen ai nai chei u nai kha? Ateaung kanem amthyp nai khumi ai a? Khen cham, ateaung nang parai amthyp naichi hawi, tlamsa nai khumichi py samrang i yhm y awm veng.

EPHESI 2:1

Nangchi py nangchi i taphra nai hawi kamngo nai deaungkho y dei u nai thym khala i nai ly nangchi ai ang paheng bo;

EPHESI 2:5

achi my taphra naira y dei nai thym khala i nai py, Krista hawi vanrei ang paheng teang (pahenra y nangchi ai paheng nai bo),

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

Leu Thui Nai 28:54

Huna nai mary ai paleung ka-echi my katanmeuh nai thym y kajeu alam nai khumichi ly khumi kahawichi ne i malawn py amy i cho chanau ngan cha u ai. Nichi ly mymychi i amjo amnau, khrei keh nai aju hawi, awm rai nai cho chanauchi ai malawn py, huni ngan mawi phy pi ai ny y.

Leu Thui Nai 28:56

Khumi kahawi ne iy nang chawn nai deaungkho y khaileaung y kheu chiu vai y nai neampachy malawn py, mary ai paleung ka-echi my katanmeuh iy cha nei takang nai khala, amy i tapen tlei nai deaungdi hawi tapen chum nai deaungdi hawi thui ai kangviu y cha ai. Huni deaungdi i ngan hawi thui ai ly my i tamen nai juvo hawi cho chanauchi ai py cha amji hai ai ny y.

KOLOSA 2:13

Naibaly nangchi ly nangchi i taphra nairachi hawi nangchi i ngan y lengkhym takip y nai deaungkho y dei u nai ne, nangmychi kypkyp ai ly mymy hawi vanrei ang paheng nai ne chy bo;

II TIMOTHEI 3:6

Nichi theung i nai phyreichi ly yhm takhra takhra y kun iy, kamngo kaji pho nai neampachy pathu awp naichi ai patiu u reng;

JAKOB 5:5

Khaileaung pri y tlamsa naimy awm u iy, pasum u atyhtyh bo, tleh nai kani y ly nangchi i paleung y saw ala nai apacho u bo.

AMTENG HAI NAI 18:7

Mymy ly huna tanrei apalo nai hawi tlamsa ala nai kamta ly, huna tanrei no patang naira hawi paleung mawn naira py vawitheung tha teang ai nai tla; ati mana nai mo nabaly mymy ly paleung y ly, ‘Kai ly samrang nu y ka-teh nai ne, kai neampachy lumai ny y leang, kai ly paleung mawn naira tlen py kaniu ai ny y,’ nanai thui bo.

AMTENG HAI NAI 3:1

“Naibaly Sardisa avang i kani pri i amtaw thau nai teng y hinai kamta tajiu: ‘Tameuh i Phailo saryhreichi hawi, ka-si saryhrei awm nai keung i leu thui nai ly hini ne he: Nang i atiti sa naichi ly kapany; nang ly heng, nanai amyn amthang teu i py dei nai ne.

1 SAMUELA 15:32

Samuela my, “Samrang Akad ai kai teng y jeu hai,” napi. Akad my, “kai ly deira i nai kalawi bo,” nanai adawn i, jei hyn naimy ni teng y chei.

1 SAMUELA 25:6

Nabala teng y hina nai thui pi; “Ahawi ngai parai nai awi, Davida my nang ai kawn nai leu ang thui pi; nang hawi vanrei nang i yhm dengtheungchi py, nang hawi kamtawm ka-bi bawibawichi py, noso hawi ai nai chiu kang sa pi mang.