I TIMOTHEI 5:3 - Khumi Common Language Bible

³ Neampachy lumai cheaungtichi ai palo.

I TIMOTHEI 5:3 ပူးပေါင်းရင်းမြစ်များ

JOBA 29:13

Khrikhri pa-rei paleung mawn nai khumichi my kai ai palo u. Kai ly neampachy lumaichi ai awmnem naira pei pi bo.

JOBA 31:16

Kai ly khumi kamawnchi ai sabawm ai nai mana khala py, akhi vai y; Paleung phra atho di nai neampachy lumaichi ai mana khala py, athang khai y naimy nai awm vai y.

SAM 146:9

Mymy ly Israela pri y awm nai cheng takhrachi ai ama hai iy, neampachy lumaichi hawi nurochochi ai sabawm; na i py khumi aso y naichi ai ly tama hai bo.

SAM 68:5

Achura yhm kachai y awm nai Tameuh ly nurochochi ai kry iy, neampachy lumaichi ai ama hai nai ne.

SAM 94:6

Nichi ly neampachy lumaichi hawi, nurochochi ai padei u; kaichi i pri y awm nai angvynchi ai py padei u nai ne.

THEU NAI 20:12

“Nang i Areng Tameuh my pei nai pri y heng sau ai nai, nang i amhm, ampo ai tahm khai.

JEREMIA 49:11

Nangchi i nurochochi ai kai teng y daw jo ly kaimy khen kry ai mang. Nangchi i neampachy lumaichi ly kai teng y abyh pajau nai ne.

MATTHAI 15:6

Hunaibaly nangchi i tanyn deaungkho y nangchi ly Tameuh i leu pei nai ai ly tama hai nai bo he.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

LUKA 2:37

naibaly saneng vui taja takaw saneng palyhrei lumai ateang i, miteaung pui na bo. Ni my ly achura yhm kalen pui ai khai su y naimy biu hai nai hawi, chiu sa nai hawi vum kanithun Tameuh ai chiu reng.

LUKA 7:12

Naibaly avang apai katheu ahawi y tym kha y khen cham, khumi kadei ai angjeaung nai theu, amhm i chapo leaungrei awm khyh nai ne, mymy ly neampachy lumai ne: naibaly avang i khumi neangneangchi ly mymy teng y awm teang.

JOHAN 1:47

Isu ly Nathanaela ni teng y jeu ai tau nai niu i, “Khen cham, Israela khumi meitang, tapawp nai paleung den py by y nai ho,” nanai ni i satang thui pi.

AMTAW 6:1

Naibaly huni neng y abangnaichi peung dudu nai khala ly, kani tleirei atiti amji naira y mymychi i neampachy lumaichi ai dawn hai y lawh nai deaungkho y Krik pri i Judachi ly Hebraichi i tlang tleaung y josei u bo.

AMTAW 9:39

Naibaly Petera ly angthau i myni teng y chei teang bo. Naibaly tym bo nabaly ni ai salo i sambeu y chei hai; naibaly neampachy lumai bawibawichi ly mymy i ahawi y angdo iy Dorka mymychi teng y awm nai khala y baichu sa naichi, kanih sa naichi patei nai tarawi y vo u lengleang.

AMTAW 9:41

Naibaly Petera my kiu thawi pi i ni ai pathau bo; hunaibaly khumi kachaichi hawi, neampachy lumaichi ai palau iy heng teang nai patei bo.

Leu Thui Nai 10:18

Mymy ly nurochochi hawi lumai nuchi ai pajyh patleh y naimy pahen pi. Nangchi hawi vanrei awm nai cheng takhrachi ai py tamen nai deaungkho y, nichi cha nei ateaung ai nai molam ka-vo sa pi.

Leu Thui Nai 14:29

Huni teicha teineichi ly Levi theaungchi i vui ne, nichi ly angchei i dengdairei yhmtheaung katui by y. Naibaly nangchi i marychi theung y awm u nai cheng takhrachi, nurochochi hawi lumai neampachychi i vui ne. Nichi ly hunichi theung i ngai nai ryrei la iy cha pajau. Huna nai sa baly nangchi i Areng Tameuh my nangchi sa nai tleirei y amtheaung hai ai.

Leu Thui Nai 16:11

Nangchi i marychira y awm u nai nangchi i cho chanauchi, miseaungchi, cheng takhrachi, Levi theaungchi, nurochochi, lumai nuchi hawi vanrei, Areng i mo y amo theu nai pawi so u. Huni Pawi ly chiu naira meingtym harei khyh naira y sa u ai nai tla.

Leu Thui Nai 16:14

Nangchi i marychira y awm u nai nangchi i cho chanauchi, miseaungchi, cheng takhrachi, Levi theaungchi, nurochochi, lumai nuchi hawi vanrei huni pawi so u.

Leu Thui Nai 27:19

“Cheng takhrachi, nurochochi, lumai nuchi i nga ai avo naichi sum hai nai khumi ly Tameuh i amsawi lawi sy,’ nanai vaineng tauh nai khala, “Khumi bawibawichi my ‘Amen!’ nanai pathang u sy.

I THESALONIKA 2:6

naibaly kaichi ly Krista i amtaw thau nai ne nai deaungkho y nangchi ai myn pho hai ai nai avo y i py, nangchi teng y py kalangchi teng y py palo naira kang hau y leang bo.

I TIMOTHEI 5:2

thawndeangchi ai ly amjo kamta, neampachy miteaung kyh naichi ai ly amhm kamta, anglochi ai ly chai parai pa-rei my tuicho kamta pachei.

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.

I PETERA 2:17

Khumi bawibawichi ai tahm khai u. Amjo amnauchi ai ly tamen u. Tameuh ai ly tahm khai u. Samrang ai ly palo u.

I PETERA 3:7

Nangchi juvochi awi, hunai kamta teang neampachy ly laawm kawi rai y nai deaungkho y hawi, pahen nai heng naira nga ahawi nai keung ne nai deaungkho y py, nangni i chiu sa ai naira y paka y ai nai, tahm khai nai tarawi y hawihai palai dawn naimy ajuchi teng y awm u.