I TIMOTHEI 5:20 - Khumi Common Language Bible

²⁰ kalangchi ly jei teang thai ai nai kamngo sa nai keungchi ai ly khumi bawibawichi i mo y parip.

I TIMOTHEI 5:20 ပူးပေါင်းရင်းမြစ်များ

Levi 19:17

“Ami ai paleung ka-e khai moh; ni molam y nang ly kamngo so y ai nai, ni hawi adyh adawi y nairachi, nihawi ka-vum sa iy alyra so.

AMTAW 19:17

Hunaibaly Ephesi avang i awm naichi bawibawi, Judachi hawi Krikchi teng y py huni satang ly amthang bo; hunaibaly nichi bawibawi jei i, Areng Isu i amyn ly tahm pasang bo.

AMTAW 5:11

Naibaly palau takhra kamkawm bawibawi hawi, huni satang pany nai ngiereichi py khri pa-rei jei na.

AMTAW 5:5

Naibaly Anania ly huni leu thai bo nabaly atlym i dei ryp; naibaly huni thai nai ngierei ly khrikhri pa-rei jei na.

II KORINTH 7:11

Hunaibaly khen u cham, Tameuh i ngai nai kamta paleung mawn naira awm u nai kypkyp my ly, amkym naira py, tlau thai y nai pa-rei py, paleung hawi y naira py, jei naira py, ngai parai naira py, khrikhri pa-rei sa naira py, pajeng naira py nangchi ai khrikhri pa-rei sa hai na ly! Ati cheaungkhangra y nangchi ly huni molam y ly chai u bo, nanai amteng u hai bo.

EPHESI 5:11

Naibaly kaveng i ti ti sa nai athai awm vai y naichi ai ly den py abawi u moh ly, huni tleaung y ly mymychi ai phai parip;

Leu Thui Nai 13:11

Naibaly Israela cheng bawibawichi ly hini satang thai nai deaungkho y amimi py, huna nai kamngo sa tamang bi ai nai vam u ai ny y.

Leu Thui Nai 17:13

Naibaly khumi bawibawichi ly huni satang thai i jei nai deaungkho y, huna nai kamta sa bi vam ai ny y.

Leu Thui Nai 19:20

Naibaly khumi bawibawichi ly huni satang thai nai deaungkho y jei u ai i, mo mang y huna nai kamngo sa u vam ai ny y.

Leu Thui Nai 21:21

Naibaly mary i khumichi my huni chapo ai lengseaung hawi aphi ka ai nai tla. Hina nai sa iy nangchi ly huni kamngo tama hai pajau ai. Israela cheng bawibawichi ly huni satang thai nai deaungkho y jei u ai.

I TIMOTHEI 1:20

hunichi theung y Humenai nini Aleksandra ne; nini ly Tameuh ai thui tamawn y ai nai amtiu hawi thai ai nai, nini ai ly Setan teng y kaau bo.

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

TITA 1:13

Huni leu thui pi nai ly kateng ne. Hunai deaungkho y nichi ly Judachi i leuchi hawi, leu meitang mang i nai hi vui naichi i leu pei naichi dawndan y naimy,

TITA 2:15

Phom awm parai naimy huni leu ly thui py thui, pachei py pachei, parip py parip. Nang ai ami my tahm khai y ai nai so moh.