I TIMOTHEI 5:17 - Khumi Common Language Bible

¹⁷ Kry nai sai hawi nai miteaungkehchi ly palo naira phy nyhrei nga ai ataing nai ne sy: leu thui naira y hawi patiu naira y akawm naichi ai ly palo kehkeh.

I TIMOTHEI 5:17 ပူးပေါင်းရင်းမြစ်များ

2 ARENG KEH 2:9

Hu y tym nai khala Elija my Elisa teng y, “Nang hawi amprei y rai khala, kai teng y saisairei hnei ba,” napi. Elisa my, “Nang i kalop amtym thai ai nai chapo chalu i nga ai avo nai sa thai naira ly kai ai pei ba,” nanai takeng.

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

JEREMIA 17:18

Kai ai pahyp y naimy ana naichi ai kangji nga hai iy, kai ai kangjira i nai lawi hai ba. Nichi teng y kaso tahyn theu nai paleung kawi hai ly kai ai ly kaso tahyn theu hai moh ba. Nichi i tlang tleaung y ka-jeira tym hai iy, nichi ai phra hai pawn ba.

ZEKHARIAH 9:12

Nangchi pri pala naira avum nai khumichi awi, vawi u ali teang; athang khai naira awm u bo. Nangchi ly phrumai by y nai meingtym y vawi u teang. Nangchi i avum nai ngari kamtang tleaung y amtheaung naira phy nyhrei nangchi teng y kang pei ai, nanai vai, kaimy kang thui pi bo.

Kati Nai 18:31

Talam nai bo i kamlaichi ly nangchi Tabynakora y kalop sa naichi i vui nga ai avo nai vang ne nai deaungkho y, huni talam nai ai nang hawi nang i yhm dengtheungchi ly mani meingtymra y py ne sy cha pajau nai ne.

MATTHAI 24:25

Dawn cham, kang thui pi rym nai bo he.

LUKA 10:7

Huni yhm y awm u jojo ly, nichi my ang pei nai ngierei ly cho nei u; kalop sa nai keung ly vang nga ai nai ataing.

LUKA 12:42

Naibaly Areng my, “Hunaibaly dengtheaungchi ai kry iy avo nai neng tleirei y biu an dawn pi ai nai yhmkeung i khai nai yhmtheaung kry nai keung ka-ym kaawm cheng nai ly ami mo?

JOHAN 4:38

Nangmychi i so y naira y tyn ai nai kang pato; khumi takhrachi my sa iy nichi i sa angchi ly nangchi my patawm bo,” napi.

AMTAW 11:30

huni ly sa tanga i, Barnaba nini Sawla i kiu y krykeungchi teng y pa u bo.

AMTAW 20:35

Ati cheaungkhang kai i sa naira ngierei y ly kang patei reng ly, hunai kamta sa akawm u nai tarawi y ham y naichi ai sabawm ai nai tla; naibaly Areng Isu kypkyp my ly, ‘Atiti nga nai tleaung y atiti pei nai taham hawi keh,’ nanai thui nai ly nangchi pany jo ai nai tla,” napi.

AMTAW 28:10

hunichi my ly kaichi ai khrikhri pa-rei tahm khai i palo na; naibaly kaichi chei ai bo nabaly kaichi i aly ngai nai ngierei paleaung y khai pi chup chup.

ROM AVANGCHI TENG Y PAWLA I CHA PA NAI 12:8

pachei nai keung py hawihai pachei sy; atiti pei nai keung py paawh y naimy pei sy; peang nai keung py angjeng parai naimy peang sy; pahen nai keung py kawn parai naimy pahen sy.

ROM AVANGCHI TENG Y PAWLA I CHA PA NAI 15:27

Ne, nichi ly paleung hawi parai naimy sa u nai bo, nichi ly hunichi ai kalai pe ai nai awm. Cheng Takhrachi ly nichi i phailo mang i atitichi ahum u makho baly, khaileaung pri mang i atitichi my nichi ai sabawm teang ai nai aeang nai ne.

ROM AVANGCHI TENG Y PAWLA I CHA PA NAI 16:12

Truphaina nini Truphosa, Areng y sa akawm parai nai nini teng y ly kawn nai leu thui pi kyh. Persi, Areng y sa akawm parai nai teng y ly kawn nai leu thui pi kyh.

I KORINTH 15:10

Na i py Tameuh i pahen nai saho y ataing nai kalawn bo; naibaly pahenra ang pei nai ly jawm sum nai by y; huna nai tleaung y ly kai ly nichi bawibawi tleaung y sa nai akawm keh; na i py kai i sa nai ny y leang, Tameuh i pahenra kai teng y awm nai i sa nai teu.

I KORINTH 16:16

hunai kamta khumichi teng y hawi, kalop sabawm nai hawi, sa akawm nai ngiereichi teng y py aau u ai nai kang takeng.

I KORINTH 3:9

Kaini ly Tameuh hawi kalop sa ahawi nai ne; nangchi ly Tameuh i pachai nai hlau ne i, Tameuh i sa nai yhm py ne teang.

II KORINTH 6:1

Hunaibaly kaichi ly mymy hawi sa ahawi nai, nangchi ly Tameuh i pahenra ai ly chawn hai y naira ngo u y ai nai kaichi kang takeng.

KALATIA 6:6

Naibaly leu amtiu ai nga nai keungchi ly atiti kahawi bawibawi patiu nai keung teng y pei u vawitheung teang sy.

Leu Thui Nai 18:8

Ni ly kalang pathyp pi nai keungchi nga nai jirei nga nai bo y, my i yhm dengtheungchi my tha pi nai ngiereichi py nga pajau nai ne.

PHILIPI 2:16

hunaibaly jawm my kangpreang atyhtyh nai ny y nai hawi, jawm my kasa akawm atyhtyh nai py ny y nai deaungkho y, Krista i kani y ly amlyh ai naira kanga thai ai.

PHILIPI 2:29

Hunaibaly nangchi ly mymy ai amo theu parai naimy kawn u ly, hinai kamta khumi ai ly tahm pasang u;

PHILIPI 4:3

Ne, nang, kai i paleang savan apatli ahawi tatang nai ai py kang takeng, tuni neampachy nini ai ly sabawm ba; nini ly Satang Kahawi y kai hawi sa ahawi reng, Klementa hawi, kai i sa ahawi nai takhra, hengra cha-iu y amyn awm naichi py.

I TIMOTHEI 3:5

(ami my mymy i dengtheungchi ai malawn py kry nai kawp y baly, Tameuh i palau takhra kamkawmchi ai ly mana kry thai ai mo?)

I TIMOTHEI 4:10

Hunaibaly achi ly Tameuh kangheng ai athang khai nai deaungkho y, achi ly sa akawm nai hawi kamjau ryrei atiti sa nai ne; mymy ly khumi bawibawichi i vui Paheng nai Keung ne, ni ai ym nai keungchi i vui ne kehkeh.

I TIMOTHEI 4:14

Naibaly miteaung kehchi ly nangmy i tlang tleaung y kiu tamam iy, leu thui u rym nai deaungkho y nang i paleung theung y Phailo i sa thai naira ang nga hai nai ly patlaw jo moh.

I TIMOTHEI 4:16

Nangmy hawi nang i patiu naira y ly amkym ly. Hunichi ly so veangveang; nang ly hunai kamta sa naira y ly nangmy hawi nang i leu tangai naichi ai py paheng ai.

I TIMOTHEI 4:6

Nang ly huni satang takhra takhra amjo amnauchi ai pany hai baly nang ly Krista Isu i kalop sa nai keung kahawi hawi, ym naira leu y hawi, nang ly vai khrairei patawm nai patiu naira kahawi y py apacho veangveang nai keung lawn ai:

I TIMOTHEI 5:19

Pany nai keung leaung nyhrei mo leaung thomrei mo labeaung i nai ny y baly miteaung keh ai seu nai ly tangai moh.

I TIMOTHEI 5:3

Neampachy lumai cheaungtichi ai palo.

II TIMOTHEI 2:6

Hlau sa akawm nai keung ly athai nga man nai keung lawn ai nai tla.

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

HEBRAI 13:17

Nangchi ai peang nai keungchi i leu tangai u ly, nichi i ngaingai awm u; ati mana nai mo nabaly nichi ly mymychi i sa nai sai thui pi cham ai nai tla nai keung kamta, nangchi i phailo ai ang typ pi nai ne; huni ly paleung mawn nai tarawi y ny y naimy, amo theu nai tarawi y so u sy; huni ny y baly nangchi i vui kamran by y leang bo.

HEBRAI 13:24

Nangchi ai peang nai bawibawichi hawi, khumi kachaichi bawibawi teng y kawn nai leu thui pi kyh. Itali pri i nai amjo amnauchi my ly nangchi teng y kawn nai leu thui pi.

HEBRAI 13:7

Nangchi ai kry nai, Tameuh i leu ang thui pi nai keungchi ai ly pany u jojo ly: nichi i awm nai reita y atiti theu naichi ly dawn iy, nichi i ym nai sai amtiu u.