I TIMOTHEI 5:10 - Khumi Common Language Bible

¹⁰ atiti kahawi sa naira y khumichi my palo nai, chanauchi ai py pacho chum nai, angvyn angvo hawi hai chum nai, khumi kachaichi i kheu py paju chum nai, patang naichi ai sabawm iy atiti kahawi cheaungkhang sa chum nai awm baly amyn tabawi.

I TIMOTHEI 5:10 ပူးပေါင်းရင်းမြစ်များ

ATITI AWM ANGCHEI NAI 18:4

Nangchi kheu asi ai nai tui lo rai si; hini dengkeaung ka-khui y ateh u ly anawn u rai ba.

ATITI AWM ANGCHEI NAI 19:2

“Arengni awi, kai ly nangni ai pacho panei ai nai ngai i, kai i yhm y jeu hawi kyh. Kheu asi hawi ly vai dym ly kai teng y ango hawi. Khawndam khawn angthodyh ang thau iy tako hawi,” napi. Na i py nini my, “Ny y leang, kaini ly vum torei hini mary theung y amki ai,” napi.

ATITI AWM ANGCHEI NAI 24:32

Hunaibaly huni khumi ly Labana i yhm y anga. Labana my vawnchi amteih hai iy kula-iuchi ai chohphi hawi acha kajeichi pacho pi. Naibaly Abraham i miseaung hawi ni i khumichi kheu asi ai nai tui la pi.

ATITI AWM ANGCHEI NAI 43:24

Miseaung lu my nichi ai yhm angtheung y kun hai i, kheu asi u ai nai tui py pei pi; naibaly keaungngo kano kasauchi ai py teicha pacho pi.

SAM 119:4

Aw Areng, nang ly nangmy i Reita leuchi ai kaichi teng y pei iy, hunichi ai sai py takhawi y pa-rei, sa patawm ai nai leu pei bo.

ISAIA 1:17

kahawi so u. Ana piupa naira avum nai khumichi ai sabawm iy, nuro nukai chochi hawi lumai cheaungtichi i nga ai avo naichi ai ama hai nai hawimy, tara leu reita my peang nai awm pa-rei so u,” napi.

Levi 25:35

Nang i yhm deaungpa Israela cheng theung i khumi leaungrei ly kamawn kati ne iy, jeaungmang nai ne lawh baly, nang i yhm deaungpa lawm jo thai ai nai ni ai nangmy i ka-tham khumi kamta sabawm ai nai tla.

MATTHAI 25:17

Hunai kamta teang, talent nyhrei nga nai keung py talent nyhrei kamran nga hai bo.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

LUKA 7:38

nithun mang ni i kheu keung y vo nai tarawi y angdo, naibaly mymy i meikatui ly ni i kheu y leaung hai i, mymy i sam hawi tamui, ni i kheu y py pachawm ryry iy rimui paju.

LUKA 7:44

Naibaly mymy ly neampachy mang y hi iy Simon teng y ly, “Nang ly hini neampachy ai niu a? Kai ly nang i yhm y kun iy nang ly kai ai kheu asi ai nai tui pei y: na i py mymy ly meikatui y kai i kheu sui hai iy, mymy i sam hawi tamui.

AMTAW 10:22

Naibaly nichi my ly, “Kornelia, tavaimi chungvaiei lu, khumi kahawi, Tameuh ai tahm khai nai, Juda cheng bawibawi theung i amyn kahawi awm nai, ni teng y kani pri i amtaw thau nai kachai leaungrei ly nang i leu thui nai pany ai nai hawi, mymy i yhm y nangmy ai palau ai nai py thui pi na a,” napi.

AMTAW 22:12

“Naibaly khumi leaungrei, Anania, Reita y Tameuh ai tahm khai nai hawi, hu y awm nai Judachi bawibawi teng y amyn kahawi amthang nai ly kai teng y ang jeu iy, kai i ahawi y angdo i, kai teng y,

AMTAW 6:3

Hunaibaly amjo amnauchi awi, nangchi theung y Phailo hawi cheng naira my kawi nai khumi, amyn kahawi cheichei leaung saryhreichi ai vawi u, nichi ai ly hini atiti chih ai nai keung y kaichi my khai ai;

AMTAW 9:36

Naibaly Joppa avang y amyn ly Tabitha napi nai abangnai leaungrei awm; (Tabitha nanai sai ly Dorka ne;) huni neampachy i atiti kahawi sa nai hawi, atiti sabawm nai py neangneang awm.

AMTAW 9:39

Naibaly Petera ly angthau i myni teng y chei teang bo. Naibaly tym bo nabaly ni ai salo i sambeu y chei hai; naibaly neampachy lumai bawibawichi ly mymy i ahawi y angdo iy Dorka mymychi teng y awm nai khala y baichu sa naichi, kanih sa naichi patei nai tarawi y vo u lengleang.

ROM AVANGCHI TENG Y PAWLA I CHA PA NAI 12:13

khumi kachaichi i avaw naira y ly sabawm u ly; angvynchi ai ly kawn u jojo.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

I TIMOTHEI 2:10

Tameuh ai kadawn ryhryh, napi nai neampachy ly hawi khyp nai ryrei ly atiti kahawi sa naira amthyp i khyly kangai

I TIMOTHEI 3:2

Hunaibaly palau takhra kamkawm peang nai keung my ly cheh naira by y nai, aju harei awm khyh nai, amkym thai nai, paleung kateng, khumi kahawi, angvyn angvo hawihai nai,

I TIMOTHEI 3:7

Huni ny y iy py mymy ly angam mang i khumichi my palo naira y awm ai nai tla, ti y baly preaung naira awm lawh iy, diabola i deaung y man lawh na.

I TIMOTHEI 5:16

Ym nai neampachy ly neampachy lumaichi awm baly mymy ly nichi ai sabawm sy, palau takhra kamkawmchi i tlang tleaung y tlo moh sy; hunaibaly nichi ly lumai cheaungtichi ai sabawm thai.

I TIMOTHEI 5:25

Hunai kamta teang, atiti kahawi sa nai ly amteng ryp nai ne, naibaly hunai kamta ny y nai py heu pajau ai ny y.

I TIMOTHEI 6:18

Nichi ly atiti kahawi sa iy, hawi naira my kawi sy; atiti paawh y iy sabawm ai nai ngai praw nai keung py awm u sy:

II TIMOTHEI 1:5

nangmy i paleung theung y awm nai ym naira tatang kapany jo: huni ly ngamsi Losi paleung theung y hawi, ngamhm Euniki i paleung theung y py awm man nai ne; naibaly vai py nang teng y awm teang, nanai kai pany khyp bo.

II TIMOTHEI 2:21

Hunai deaungkho y ami py huni atitichi ra y apachai baly, mymy ly tahm asang nai laawm, khai takhra nai, yhmkeung my teaung ai avo nai, atiti sa ai nai cheaungkhangra y angvei rym nai awm khyp ai.

II TIMOTHEI 3:15

Krista Isu y ym naira awm nai deaungkho y, heng naira nga ai nai ka-lawh pa-rei ang cheng hai thai nai cha-iu kachaichi ly nang deaungdichy khala i dengdairei pany nai bo.

II TIMOTHEI 3:17

patiu naira y hawi sum hai naira y hawi, parip naira y hawi, atiti kahawi patiu naira y ly chawn nai ne.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

TITA 2:7

Makeng mang asa naichi theung i ami my achi i tlang tleaung y leu hawi y nai thui ai by y nai deaungkho y kaji thai ai nai,

TITA 3:1

Pri peang naichi hawi, aly peang nai keungchi i kangai awm ai nai hawi, leu tangai ai nai hawi, atiti kahawi sa ai nai ngai nai paleung awm ai nai hawi,

TITA 3:14

Naibaly achi i khumichi ly athai y naimy awm y ai nai, avaw iy aeang nai ka-vo takhra takhra i vui y atiti kahawi sa jojo ai nai amtiu u sy.

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

HEBRAI 10:24

naibaly tamen naira y hawi atiti kahawi sa naira y py apachei ai nai dawn u leungtang sina;

HEBRAI 13:2

Angvynchi ai kawn ai nai tami u moh:phyreichi ly hunai kamta sa iy pany y naimy kani pri i amtaw thau naichi ai anga hai lawh veng bo.

HEBRAI 13:21

mymy i mei ka-niu y mymy i kawn nai ngierei Isu Krista i saho y achi ai sa hai iy, mymy i kangai sa ai nai atiti kahawi cheaungkhangra y nangchi ai angym hai sy; mymy teng y nang parai naira deungtasarei awm sy. Amen.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 4:9

jo sei y naimy angvynchi ai kawn u leungtang:

III JOHAN 1:12

Demetria ly khumi bawibawi hawi, leu meitang khyp nai i palo naira nga bo; kaichi py palo bo; naibaly kaichi i palo nai ly teng, nanai nang ly pany mang.