I TIMOTHEI 4:8 - Khumi Common Language Bible

⁸ Naibaly Tameuh ai dawn ryhryh ai nai apatiu reng: tlang mang y atho nga ai nai amjy teaung nai ly chawn mang ly chawn: na i py Tameuh ai dawn ryhryh nai ly vai i awm angchi nai hengra hawi, vai tym ai nai hengra molam y atiti adeu naira nga nai deaungkho y lam cheaungkhangra y chawn nai ne.

I TIMOTHEI 4:8 ပူးပေါင်းရင်းမြစ်များ

JOBA 36:11

Nichi ly leu tangai iy Tameuh i kalop sa u lawh teu baly, heng nai sala ryrei nang chawn iy, tlamsa naimy awm u nai ne.

SAM 145:19

Nang ly nangmy ai jei naimy tahm khai nai khumi bawibawichi i ngai naichi sabawm pi; nichi i aeu nai raawi thai iy atleu pi bo.

SAM 37:11

Na i py paleung apanem nai khumichi ly pri peang ai i, tlamsa naira hawi chawn pa naira amtym u ai.

SAM 37:29

Khumi kahawichi ly pri amtym ai i, hu y awm jo ai nai nga u ai.

SAM 37:9

Areng ai ym nai khumichi ly pri peang u ai. Na i py khumi hawi y naichi ly pri pala nai avum u ai.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

LEU KACHENG 19:23

Areng ai jei kaji nai khumi ly heng sau ai. Amtheaung nai ryrei awm thai ai i, patang naira avum ai ny y.

LEU KACHENG 22:4

Areng ai jei kaji iy paleung apanem reng nai khumi ly nang chawn ai; tahm awm iy heng sau ai.

Parip nai leu 8:12

Khumi kamngo ly tlen chungvairei hawi y nai sa teu i py, heng thai nai ne. Khumichi my, “Tameuh i leu tangai nai khumi i vui ly cheaungkhangra y hawi ai;

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

ISAIA 33:16

Huna i naini nangchi ly ka-dawn eaung iy, khaw parai nai lengseaung yhm y awm nai kamta chymme ai. Cha nei ai nai teicha teineichi py nga u ai.

JEREMIA 6:20

Seba pri i dengdairei nichi syn nai kathan py, pri kamlora i syn nai mui katui py, kai aly ngai y. Nichi i katalamrachi kai ngai y; nichi i kapathyprachi py kai ngai y,” napi.

MATTHAI 12:32

Naibaly ami py Khumi i Chapo ai cheh nai ngierei ai ly pahen pi ai; na i py ami py Phailo Kachai y khrairei cheh nai ngierei ai ly vai heng nai sala y py, neng tym ai nai khala y khrairei py pahen pi y ai.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

MARKA 10:30

vai heng nai sala y my py ana naira hawi vanrei yhm py, amjo amnauchi py, tuichochi py, amhmchipy, chanauchi py, hlau py meingtym harei y meingtym chungvairei peung y ai nai leaung py by y i, neng tym ai nai khala y deungtasarei hengra py nga bi ai.

LUKA 5:38

Na i py kreip athai hang kangtha ly mawipeih adym kangtha y tleng ai nai tla.

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

I KORINTH 3:22

Naibaly ati cheaungkhang ly nangchi i ne bebe, Pawla mo, Kipha mo, khaileaung pri mo, heng naira mo, atiti awm angchichi mo, atiti awm ai naichi mo, bawibawi ly nangchi i ne bebe;

I KORINTH 8:8

Nai py cha ai nai ly Tameuh ai mei ang ngai hai y lawh nai ny y leang, cho y iy py achi hawi y lawh ai nai ny y leang, cha iy py achi hawi y lawh ai nai ny y leang.

I TIMOTHEI 4:7

na i py Tameuh ai tahm khai y nai hawi, neampachy miteaungchi i leuchih rumrang ai ly ngai moh.

I TIMOTHEI 6:3

Ami py patiu naira takhra patiu iy, leu meitang (achi i Areng Isu Krita i leu) hawi, Tameuh ai dawn ryhryh ai nai lam y patiu naira y py ym y baly,

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.

I TIMOTHEI 6:6

Na i py Tameuh ai dawn ryhryh naira ly paleung hawi naira abawi baly khri pa-rei amran naira ne;

II TIMOTHEI 3:5

nichi ly Tameuh ai dawn ryhryh naira awm nai kamta ne teu i py, huni i sa thai naira ai ly apha u vui bo; hunai kamtachi ai ly hi vui.

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

HEBRAI 13:9

Patiu naira amjy takhra takhra hawi, pany vai y nai my py nangchi ai pajau vui ai nai pei u moh:paleung ly cha ai naichira y ny y naimy, pahenra deaungkho y khaw naira nga nai ly hawi:huni mang y asa naichi ly hunira y chawn naira ngo u lawh y leang.

I JOHAN 2:25

Naibaly mymy kypkyp i achi ai adeu hai nai ly deungtasarei hengra ne he.

AMTENG HAI NAI 3:12

Pajau nai keung ai ly kai i Tameuh i achura yhm y ly yhmmawm kapalawn ai i, ni ly hu i dengdairei ly tlen py theu bi ai ny y; naibaly ni tleaung y kai i Tameuh amyn hawi, kai i Tameuh teng i nai satla kathiu nai Jerusalem kangtha i amyn hawi, kaimy i amyn kangtha py katajiu ai.

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.

1 SAMUELA 15:22

Samuela my, “Areng ly leng patlum nai kapathypra, napi nai katalamrachi talam nai hawi, mymy i leu pei nai tangai naichi theung y, ati ai ngai keh mo? Leu tangai nai ly veung hawi keh nai beram hawi pathyp nai tleaung y vang teng keh nai ne.