I TIMOTHEI 4:2 - Khumi Common Language Bible

² vawinamchi i patiu nai leu dawn iy, ym naira ai ly hi vui ai, nanai Phailo my ly chai pyn nai pa-rei thui bo; huni ka-chawi thui naichi ly mymychi i hawi nai hawi y nai pany naira kypkyp y tamo kangngo y akeaung nai kamta awm bo;

I TIMOTHEI 4:2 ပူးပေါင်းရင်းမြစ်များ

1 ARENG KEH 13:18

Hunaibaly Bethela mary i amo miteaung pui ly ka-chawi naimy ni teng y, “Kai py nang kamta amo ne teang chybo; Areng i kani pri amtaw thau leaungrei my, nang ai yhm y palau iy pacho panei ai nai kai teng y ang thui pi,” napi.

1 ARENG KEH 22:22

Areng my, ‘mana tapawp ai mo?’ nanai deng baly, huni phailo my, ‘kai ly Ahab i amo bawibawichi teng chei iy nichi ai ka-chawi thui hai ai,’ napi. Areng my py, ‘nang chei ly Ahab ai ka-chawi naimy tapawp hyp, eaung ai mang,’ nanai leu pei bo,” napi.

ISAIA 9:15

Lu, napi nai ly saneng kanaing len iy tahm awm nai khumichi ne; kalawi, napi nai ly ka-chawi thui reng nai amochi ne.

JEREMIA 23:14

Na i py Jerusalem mary i amochi ly huni khumichi tleaung y malawn py, hawi y keh nairachi sa u nai kaniu. Nichi ly ami i aju chanauchi taphra iy ka-chawi thui u. Nichi my khumichi ai teng y naichi sa ai nai atho pei u; hunai deaungkho y ami py, amy i hawi y sa naichi anawn u y nai ne. Nichi bawibawi ly kai i mei ka-niu y Sodom mary i khumichi hawi atawm u bo. Jerusalem mary i khumichi ly Komora mary i khumichi kamta, kamngo sa u bo,” napi.

JEREMIA 23:26

Hini amochi ly mychi phym u nai leu ka-chawichi hawi, kai i khumichi ai mana tanrei lam tamang hai u ai rai mo?

JEREMIA 23:32

Kai, Areng my leu pei naichi tangai u! Ka-chawi cheichei abawi nai mychi i amang satang thui nai amochi ai kai ly ka-awi sa ai. Nichi ly huni amangchi ai ka-chawi naimy amlyh iy thui nai deaungkho y, kai i khumichi ai lam tamang hai u nai ne. Kai ly nichi ai kapato y, chei ai nai py leu pei y. Hunai deaungkho y nichi ly khumichi i vui y, ati sai py hawi naira by y. Hini ly kai, Areng i thui nai leu ne,” napi.

JEREMIA 5:21

Mei awm ta-jai iy niu thai y, kano awm ta-jai iy thai y nai khumi, nangchi khumi ka-khumchi awi, tangai u.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

MATTHAI 7:15

“Amo tapawp naichi teng y ly amkym u; hunichi ly beram peih akhiu iy nangchi teng y ang jeu i, nichi i theung mang y ly kasui hyn parai nai ne.

AMTAW 20:30

Nangmychi theung i khumi kypkyp py abangnaichi ai nichi teng y abi hai ai nai thui thli nai awm ai mang.

ROM AVANGCHI TENG Y PAWLA I CHA PA NAI 1:28

Naibaly nichi ly Tameuh ai pany ai ngai u y nai deaungkho y, atiti apu y naichi sa ai nai ly mymy ai ngai y nai paleung awm ai nai au lawh iy, Tameuh my hi pi vui bo;

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

EPHESI 4:19

Hunichi ly sai py dawn nai paleung by y nai deaungkho y khri pa-rei atakaw ai nai atiti chai y naira cheaungkhang sa u iy, paleaung naira y bom apei u veng bo.

II TIMOTHEI 3:5

nichi ly Tameuh ai dawn ryhryh naira awm nai kamta ne teu i py, huni i sa thai naira ai ly apha u vui bo; hunai kamtachi ai ly hi vui.

AMTENG HAI NAI 16:14

nichi ly vawinamchi i phailo, atiti ka-ma-ra sa naichi ne; nichi ly Atiti py Sa Thai Nai Tameuh i kani len parai nai i atiura y pahawi achu ai nai, khaileaung pri bawibawi i samrangchi teng y chei u nai ne.