I TIMOTHEI 4:15 - Khumi Common Language Bible

¹⁵ Nang i chawn reng naira khumi bawibawichi teng y amteng hai thai ai nai huni atitichira y atho si moh ly; hunira y ly hawihai palai apei.

I TIMOTHEI 4:15 ပူးပေါင်းရင်းမြစ်များ

SAM 1:2

Nichi ly Areng i leu pei naichi tangai iy vum kanithun dawn ryhpatyh naira y amo theu u reng.

SAM 104:34

Mymy ly kai ai amo theu hai nai deaungkho y, kai i thui nai khulym ly mymy kawn pi sy.

SAM 105:5

Mymy i miseaung Abraham i kangpreangchi awi, mymy i vawi takhra nai Jakob i kangpreangchi awi, nangchi ly Tameuh i patei nai rengrang ka-ma-rachi ai py, mymy i khai pi nai tara chih nairachi ai py, pany u jo ba.

SAM 119:148

Kai ly nang i parip naichi dawn pasym ai nai, vumtorei i y naimy aseaung jo nai ne.

SAM 119:15

Kai ly nang i reita leaungsaichi ai dawn pasym naimy, nang i lam patei naichi ai dawn patyp jojo ai.

SAM 119:23

Peang nai keungchi ly kai ai ka-awi sa ai nai arum u bo; nang i miseaung kai ly nang i reita leaungsaichi dawn pasym ai.

SAM 119:48

Kai ly nang i reita leu pei naichi tahm khai bo; kai ly nang i reita leaungsaichi ai adawn pasym ai.

SAM 119:97

Kai ly nang i reita leu ai khri pa-rei paleung apei nai ne! huni reita leu ai kai ly kani khengrei adawn pasym bo.

SAM 119:99

Kai ly nang i thui parip nai saichi ai adawn pasym jo nai deaungkho y, kai i sara bawibawichi tleaung y pany nai ne.

SAM 143:5

Kai ly lawm veng nai neng kanichi ai tami pajau y; kai ly nang i sa nai ngiereichi ai dawn pasym bo; nang i sa nai kuchi bawibawichi ai py dawn pasym nai ne.

SAM 19:14

Kai i abyhra ne iy kai ai atleu nai keung, aw Areng, kai i katheu nai leuchi hawi, paleung ka-dawnchi ly nang i kangai ne sy!

SAM 49:3

Kai ly hawihai palai adawn pasum ai; cheng naira hawi amlau nai leuchi katheu ai.

SAM 63:6

Kai ly ira salo y aseaung nai thym y, nang ai pany jo ai; vumtorei nang i satang adawn pasym naimy kaawm bo.

SAM 77:12

Nang i sa pi nai saichi ai ka-dawn pasym ai; nang i nang parai nai saichi ai adawn pasym ai.

Kati Nai 8:26

Kalop anawn nai bo y py nichi ly Tabynako y kalop sa nai amjo amnauchi ai sabawm pajau; na i py amy i kalop kamta amsi ai nai tlo y. Nang ly hini reita hawi kamlau Levi theaungchi ai kalop pei ai nai tla,” napi.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

AMTAW 6:4

naibaly kaichi ly chiu sa nai hawi, leu patiu nai hawi patlaw y ai,” napi.

I KORINTH 16:15

Amjo amnauchi awi, Stephanachi dengtheung ly Akaia pri i ym naichi theung y ym man naichi ne i, khumi kachaichi ai kry ai nai apei u bo, nanai nangchi pany;

II KORINTH 4:14

Areng Isu ai pathau nai keung my ly kaichi ai py Isu teng y vanrei pathau teang iy, kaichi ai nangchi hawi vanrei angdo hai ai, nanai kaichi pany.

II KORINTH 8:5

huni py kaichi i athang khai y nai kamta sa u iy, Tameuh i kangai y mymychi kypkyp my Areng teng y apei u manme i, kaichi teng y py apei u nai ne;

I TIMOTHEI 4:14

Naibaly miteaung kehchi ly nangmy i tlang tleaung y kiu tamam iy, leu thui u rym nai deaungkho y nang i paleung theung y Phailo i sa thai naira ang nga hai nai ly patlaw jo moh.

I TIMOTHEI 4:16

Nangmy hawi nang i patiu naira y ly amkym ly. Hunichi ly so veangveang; nang ly hunai kamta sa naira y ly nangmy hawi nang i leu tangai naichi ai py paheng ai.

I TIMOTHEI 4:6

Nang ly huni satang takhra takhra amjo amnauchi ai pany hai baly nang ly Krista Isu i kalop sa nai keung kahawi hawi, ym naira leu y hawi, nang ly vai khrairei patawm nai patiu naira kahawi y py apacho veangveang nai keung lawn ai:

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

JOSUA 1:8

Nang i chiu sa naira tleirei y Reita leu tajiu nai cha-iu avawrei phain ai nai tla. Huni cha-iu ai vum, kanithun phain amtiu iy, huni theung y abawi nai reitachi kry ai nai tla. Huna nai sa baly nang ly eaung naira nga ai.