I TIMOTHEI 4:1 - Khumi Common Language Bible

¹ Na i py vai momang y ly phyrei khumichi ly ka-chawi thui naichi i tapawp naira deaungkho y tamang hai nai phailochi hawi,

I TIMOTHEI 4:1 ပူးပေါင်းရင်းမြစ်များ

ATITI AWM ANGCHEI NAI 3:13

Areng Tameuh ly neampachy teng y, “Nang ly ati mana nai y hina nai sa lawh mo?” nanai deng baly neampachy my ly “Pavui my ang parawi nai deaungkho y kacha lawh bo,” nanai pathang.

1 ARENG KEH 13:18

Hunaibaly Bethela mary i amo miteaung pui ly ka-chawi naimy ni teng y, “Kai py nang kamta amo ne teang chybo; Areng i kani pri amtaw thau leaungrei my, nang ai yhm y palau iy pacho panei ai nai kai teng y ang thui pi,” napi.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

JEREMIA 23:26

Hini amochi ly mychi phym u nai leu ka-chawichi hawi, kai i khumichi ai mana tanrei lam tamang hai u ai rai mo?

JEREMIA 48:47

Na i py mo mang i neng khala Areng ly Moba pri y nang chawn hai ali teang ai. Hini bawibawichi ly Moba pri tlang tleaung y tym ai nai atitichi molam y Areng i pei nai leuchi ne.

JEREMIA 49:39

Na i py mo mang y Elam pri khumichi ai nang chawn hai ali teang ai. Hini ly kai, Areng i thui nai leu ne,” napi.

Ezekiela 1:3

Babulon pri Kheba tavo sahawi y kai ly Areng i leu pei nai raawi thai i, sa thai naira ly kai i tlang tleaung y tym bo.

Ezekiela 38:16

kai i khumi Israela chengchi ai ali kamchai kamta nang ly tavai tiu ai. Nang, Koka i neng tym nai khala, Kai i pri y tiu hai ai nai nang ai kang pato ai. Hina nai hawimy kai ly ami mo, nanai khumi cheng cheaungkhang teng pany hai ai. Nang ai kang sa hai nai leaungsaichi hawi py, kai i chai parai nai amyn amthang hai ai.

DANIELA 10:14

Vai, kai kang jeu nai aly ly mo mang i neng y nang i chengchi avum u ai nai leaungsaichi, nang teng y pany hai ai nai molam y ne. Hini paleung mei y niu nai ly mo mang i vui ne,” napi.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

MIKHA 4:1

Mo mang i neng y Achura yhm awm nai mawi ly asang keh nai mawi lawm ai. Mawi bawibawichi tleaung y py asang ai. Khumi cheng neangneangchi ly huni mawi mang y jeu achu iy,

Kati Nai 24:14

Balam my samrang Balek teng y, “Vai, kai ly amjo amnauchi teng y kavawi ai; na i py kai vawi y rai khala Israela chengchi my, mo mang y nang i chengchi teng y mana sa ai mo, nanai kaimy pany hai ai,” napi.

MATTHAI 18:7

“Atlym hai nairachi deaungkho y khaileaung pri ly taham si! Atlym hai naira awm ai nai angchi yb nai teu, na i py atlym hai naira tym hai nai keung ly taham si!

LUKA 17:1

Naibaly mymy ly abangnaichi teng y, “Atlym nairachi ly awm y ai nai awm thai y leang; na i py atlym naira awm hai nai keungchi ly taham si!

JOHAN 16:13

Na i py mymy, Leu Meitang Phailo ang tym khala ly leu meitang bawibawi y ang pahawi ai: mymy i paseang amang nai leu thui y ai, mymy i leu thai nai ngierei ly ang thui pi ai; atiti tym ai naichi py ang pany hai ai.

AMTAW 13:2

Naibaly Areng i kalop sa nai hawi biu hai nai thym khala y Phailo Kachai my ly, “Barnaba hawi Sawla nini ai ly kai i khai rym nai atiti sa ai nai ly kai ai khai pi u takhra,” napi.

AMTAW 17:18

Naibaly Epikuria khumi hawi Stoik khumichi theung y khumi kacheng amichi mo mymy hawi avum. Phyreichi ly, “Hini khumi leu kapeung ly ati thui ai nai tau mo?” napi. Phyreichi my ly, “Tameuh takhrachi i satang thui nai ngaw khyh,” napi. mymy ly Isu i satang hawi angthau bi nai leu py thui pi nai deaungkho y.

AMTAW 20:23

kawm naira hawi, ngari patang ai naira my anglaw ai mang, nanai Phailo Kachai my meingtym tleirei y ang thai hai, huni harei kapany khyh.

AMTAW 21:11

Naibaly kaichi teng y jeu i Pawla i khobai la iy, mymy i kiu kheu akawm i, “Jerusalem y awm nai Judachi ly hinai kamta hini khobai keung ai kawm ai i, Cheng Takhrachi teng y au ai, nanai Phailo Kachai my hina nai thui bo,” napi.

AMTAW 28:25

Naibaly mymychi tengtawi adyh y i, Pawla my leu sairei thui nai bo y theu u pawn bo; “Phailo Kachai ly amo Isaia i labeaung y nangchi i amsi sangumchi teng y thui nai ly teng parai:

I KORINTH 10:20

Na i py Cheng Takhrachi i apathyp nai ly Tameuh teng y apathyp nai ny y leang, vawinamchi teng y apathyp nai teu; nangchi ly vawinamchi hawi amtaw ai nai kang ngai hai y leang.

I KORINTH 11:19

Meitang khyp naichi ai nangchi theung y amteng hai thai ai nai, nangchi theung y akhawi takhra naira py awm ai nai tla yb nai ne.

I KORINTH 12:11

na i py huni bawibawi ai ly Phailo vanrei teang nai my ly khumi leaung leaungrei teng y mymy i ngai nai kamta bawibawi paji iy sa nai ne.

I KORINTH 2:10

nanai tajiu kamta, hunichi ly Tameuh my achi ai ly Phailo i saho y ang pany hai nai bo. Phailo my ly ati cheaungkhang khen patawm be nai ne; ne, Tameuh i leu kathiuchi py.

II KORINTH 11:3

Na i py pavui my cheng tapawp naira y Evi ai parawi nai kamta ly, Krista mang y meitang nai hawi chai naira i dengdairei nai ly ati mo sa iy nangchi i paleung taphra lawh na, nanai kajei pahui nai ne.

Leu Thui Nai 32:29

Nichi ly ati mana nai y tavai sum u nai mo, nanai pany u y; ati mana nai deaungkho y mo, nanai py dawn pajau y.

Leu Thui Nai 4:30

Nangchi ly ngari kamtang avum iy, huna naichi tym nai khala, Areng teng y ahihawi ai i, mymy i leu pei naichi tangai u ai.

KOLOSA 2:18

Ami py amy i ngai naira y leu anui nai hawi, kani pri i amtaw thau naichi ai chiu naira y teaung nai, nangchi i kawn nai vang ly lawm pi moh sy; mymy ly mymy i atitichi niu naira y awm jojo iy, mymy i tlang i paleung deaungkho y am-e atyhtyh nai, Lu y amkhaw cheng y nai veng:

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

II TIMOTHEI 4:4

naibaly leu meitang tangai nai mang i nai hi pi vui iy, leuchih mang y tapai nai takan u ai.

JAKOB 3:15

Hini cheng naira ly salo mang i dengdairei ang kathiu nai ny y leang, khaileaung pri i hawi, tlang i ngai naira i hawi, vawinam teng i theu nai teu.

I PETERA 1:20

Ni ai ly khaileaung palum y rai khala y khai rym nai awm khypkhyp nai bo, na i py kangkhym kangtem y ly nangmychi deaungkho y mymy ai amteng hai bo;

II PETERA 2:1

Na i py khumi humchi theung y ly tapawp nai amochi py theu u reng:hunai kamta nangchi theung y tapawp nai patiu nai keungchi awm ai mang, nichi my ly mymychi ai van nai keung Areng puipui ai malawn py apha vui iy, ang taphra pajau ai nai ym takhra nai leuchi kangviu y kun hai ai i, mymychi i tlang tleaung y tlenrei khyh my tama ai naira angtym hai ai.

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

I JOHAN 2:18

Bechi awi, kangkhym kangtem i neng ly tym bo; Krista ai paka nai keung ang jeu ai, nanai nangchi i thai nai kamta ly vai py Krista ai paka nai keung neangneangchi ang theu nai bo; hunai deaungkho y kangkhym kangtem i neng ly tym bo, nanai achi pany bo.

I JOHAN 4:6

Achi ly Tameuh teng i nai ne; Tameuh ai pany nai khumi ly achi i leu tangai; Tameuh teng i nai ny y nai khumi ly achi i leu tangai y leang. Hunira y ly phailo meitang nai hawi, phailo meitang ny y nai py achi pany.

JUDA 1:18

Mymychi ly nangchi teng y, “Kani kangkhym y ly panui hai nai keungchi ly mymychi i Tameuh ai tahm khai y nai ngai phi teng y nai kamta tako nai awm u ai,” napi.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

AMTENG HAI NAI 13:14

Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.

AMTENG HAI NAI 16:14

nichi ly vawinamchi i phailo, atiti ka-ma-ra sa naichi ne; nichi ly Atiti py Sa Thai Nai Tameuh i kani len parai nai i atiura y pahawi achu ai nai, khaileaung pri bawibawi i samrangchi teng y chei u nai ne.

AMTENG HAI NAI 18:2

Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.

AMTENG HAI NAI 18:23

Maisi kangvang py nang teng y tlen py angvang bi ai ny y; aju palyn nai keung hawi deaung vawi nai anglo i raawi py nang teng y tlen py thai bi ai ny y : nang i ka-pai sa nai keungchi ly khaileaung pri i khumi kalenchi ne lawh; nang i atam nai deaungkho y py cheng cheaungkhangchi ai tapawp nai bo.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.

AMTENG HAI NAI 2:11

Kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung ai ly pa-nyh dei naira y ly ati sai py so hai y ai,’ napi.

AMTENG HAI NAI 2:17

Kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung teng y ly heu nai manna kapei ai, lengseaung kangleung py kapei ai; nga nai keung leaungrei ny y baly ami py pany pajau y nai amyn kangtha ly huni lengseaung y tajiu angchi nai ne,’ napi.

AMTENG HAI NAI 2:29

Kano awm nai khumi ly palau takhra kamkawmchi teng y Phailo i leu thui nai ly thai sy,’ napi.

AMTENG HAI NAI 2:7

kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung ai ly Tameuh i Paradais y awm nai heng naira dengkeaung y cha ai nai kapei ai,’ napi.

AMTENG HAI NAI 20:10

Naibaly nichi ai tapawp nai keung diabola ai ly mai hawi kan ang y ly aphi vui bo: hu y ly mawi kasi hawi tapawp nai amo py awm teang; naibaly nichi ai ly deungtasarei vum kanithun no patang hai jojo ai.

AMTENG HAI NAI 20:8

ni ly khaileaung taki palyhrei y awm nai chengchi, Koka hawi Makoka ai tapawp iy, nichi ai tavai atiu naira y pahawi achu ai nai theu ai; hunichi i nawi nai sai ly pangli i spryh kamta ne.

AMTENG HAI NAI 3:13

Kano awm nai khumi ly palau takhra kamkawmchi teng y Phailo i leu thui nai ly thai sy,’ napi.

AMTENG HAI NAI 3:22

Kano awm nai khumi ly palau takhra kamkawmchi teng y Phailo i leu thui nai ly thai sy,” napi.

AMTENG HAI NAI 3:6

Kano awm nai khumi ly palau takhra kamkawmchi teng y Phailo i leu thui nai ly thai sy,’ napi.

AMTENG HAI NAI 9:20

Naibaly huni patang hai naira y padei nai kamthomchi ly vawinamchi hawi, muku mynchi hawi, tangka mynchi hawi kheupaja mynchi hawi, lengseaung mynchi hawi, dengkeaung mynchi hawi, niu py niu thai y nai, thai py thai y nai, tako py tako thai y naichi ai chiu u y ai nai, mychi i kiu y atiti sa naichi uikhei nai by y leang: