I TIMOTHEI 3:16 - Khumi Common Language Bible

¹⁶ Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

I TIMOTHEI 3:16 ပူးပေါင်းရင်းမြစ်များ

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

MATTHAI 13:11

Naibaly mymy ly nichi teng y, “Kani pri my peang nai leu kathiuchi ly nangchi ai pany ai nai pei nai ne, nichi ai ly pei nai ny y leang.

MATTHAI 28:2

Naibaly khen cham, kaleih khri pa-rei theu bo, ati mana nai mo nabaly Areng i kani pri i amtaw thau nai leaungrei ly kani pri mang i dengdairei satla iy, lengseaung ai ly kasyh vui i, salo y ateh bo.

MATTHAI 3:16

Naibaly Isu ly baptisma nga pajau bo nabaly mymy ly tui theung i dengdairei theu praw: naibaly khen cham, kani am-eaung iy Tameuh i Phailo ly buhu ka-tawm kathiu i, mymy i tlang tleaung y chym nai niu.

MATTHAI 4:11

Huni bo y ly diabola ly mymy ai khai su bo. Naibaly khen cham, kani pri i amtaw thau naichi ly jeu u iy Isu ai kry u bo.

MARKA 1:13

Hunaibaly Setan my ni ai prawi nai tarawi y mymy ly daichi ka-vym y kani vui palyhrei awm i, daichi mawichi theung y awm, naibaly ni ai kani pri i amtaw thau naichi my kry.

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

MARKA 16:5

Naibaly nichi ly theung y kun iy, thawndeang leaungrei kanih kangleung akhiu nai lamtang mang y ateh nai niu i, khri pa-rei paleung bi na.

LUKA 2:32

Kai i mei y kaniu bo,” nanai Tameuh ai palo.

LUKA 20:44

Hunaibaly Davida my ly ni ai Areng napi lawh baly, mana nai ni i chapo ne thai ai mo?” napi.

LUKA 22:43

Naibaly kani pri mang i dengairei kani pri i amtaw thau nai leaungrei ly ni ai amcheng hai ai nai mymy teng y amteng.

LUKA 24:4

Khumi leaung nyhrei, kanih kangvang alaukau nanai akhiu iy, nichi ahawi y angdo;

LUKA 24:51

Naibaly hina nai ne, amtheaung hai nai thym khala y nichi hawi amprei i, ni ai ly kani pri mangy pahawi kalau veng bo.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 13:3

Isu ly Ampo my ni i kiu y ati cheaungkhang au nai hawi, mymy ly Tameuh teng i theu nai hawi Tameuh teng y chei bi ai nai py pany naimy,

JOHAN 15:26

Naibaly Ngaai teng i nai Awm Hai Nem nai Keung nangchi teng y kang pato ai nai, Ngaai teng i Leu Meitang Phailo ly ang tym khala y ni my kai i satang ang pany hai ai;

JOHAN 16:28

Kai ly Ampo teng i nai theu iy khaileaung pri y kang satla bo; kai ly khaileaung pri i nai theu vui iy Ampo teng y kavawi teang ai,” napi.

JOHAN 17:5

Aw Ngaai, khaileaung pri by y rai khala y kai ly nang khi y nang parai naira kanga nai hawi ly vai ly kai ai palo.

JOHAN 20:12

naibaly kani pri i amtaw thau nai leaung nyhrei kanih kangleung akhiu naimy, Isu i veu paseaung nai meingtym y lu mang y leaungrei, kheu mang y leaungrei ateh nai niu.

JOHAN 6:62

Khumi i chapo ly mymy i jangni i awm naira y lyn kalau nai nangchi niu lawh baly mana sa u ai mo?

AMTAW 1:19

Naibaly huni satang ly Jerusalem y awm naichi bawibawi my thai bo. Hunaibaly huni meingtym ly mychi i leu y Akeldama, napi; huni ly Thi Meingtym, nanai sai ne.)

AMTAW 10:34

Naibaly Petera ly leu thui i, “Tameuh my ly khumi ai patle takhra y leang, nanai kai hawihai palai pany:

AMTAW 14:27

Naibaly nini ly tym nai bo y palau takhra kamkawmchi ai palau achu i, Tameuh my nini ai teaung iy atiti sa naichi bawibawi hawi, Cheng Takhrachi i vui y ym naira katheu paeaung pi nai saichi py thui pi.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

ROM AVANGCHI TENG Y PAWLA I CHA PA NAI 10:12

Juda hawi Krik hawi ly atira y py takhra lawh y leang, leaungrei ly nichi bawibawichi i tlang tleaung y Areng ne; naibaly mymy ai palau nai ngiereichi i tlang tleaung y mymy i neaung hawi nai sai ka-teng ny y.

ROM AVANGCHI TENG Y PAWLA I CHA PA NAI 10:18

Na i py kai ly napi, Nichi ly thai u y nai sai a? Thai u chy y; “Nichi i katyn ly meingtym tleirei y amthang iy Nichi i leu ly khuteng taki y tym pa-rei amthang bo,” napi nai ne.

ROM AVANGCHI TENG Y PAWLA I CHA PA NAI 16:25

Kai i Satang Kahawi hawi Isu krista i leu thui pi nai kamta,

ROM AVANGCHI TENG Y PAWLA I CHA PA NAI 16:26

naibaly leu kathiu amteng hai nai kamta (huni leu kathiu ly deungtasa dengdairei aheu reng i, vai naini amteng hai nai ne; naibaly deungtasa khrairei awm nai Tameuh i leu pei nai kamta, ym naira patawm ai nai, amochi i cha-iu leu ly cheng cheaungkhangchi teng y pany hai nai bo):

ROM AVANGCHI TENG Y PAWLA I CHA PA NAI 3:4

Ny y leang; Tameuh ly meitang khyp ne sy ly, khumi bawibawi ly ka-chawi ne lawh sy; “Nang ly nang i leu thui naira y eaung thai iy, Nang ly tara chih naira y awm iy py, nang ly pajau thai ai nai,” nanai tajiu nai kamta.

ROM AVANGCHI TENG Y PAWLA I CHA PA NAI 8:3

Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,

ROM AVANGCHI TENG Y PAWLA I CHA PA NAI 9:5

amsi pajochi ly mymychi i ne teang, Krista ly tlang mang i molam y mymychi theung i theu nai ne teang; mymy ly atiti bawibawichi i tlang tleaung y peang nai ne i, deungtasarei palo ai ataing nai Tameuh ne. Amen.

I KORINTH 15:47

Angchei i khumi ly khaileaung i khumi ne, khaileaung hawi sa nai ne; pa-nyh i khumi ly kani mang i ne.

I KORINTH 2:7

Kaichi ly Tameuh i leu kacheng ly leu kathiu y thui pi nai teu, leu kacheng aheu nai, achi i nang parai ai naira Tameuh my khaileaung palum y rai khala y my khai rym nai bo.

II KORINTH 1:19

Ati mana nai mo nabaly Tameuh i Chapo Isu Krista, mymy i satang kai hawi Silvana hawi Timothei py nangchi theung y kaichi my kang thui pi nai ly, Ne, nanai hawi, Ny y, nanai ly ne mei y leang, na i py mymy y ly Ne, nanai awm.

KALATIA 2:8

(Lengkhym takip naichi i amtaw thau nai khumi lawn ai nai Petera i vui sa pi nai keung my ly, Cheng Takhrachi i amtaw thau nai khumi lawn ai nai kai i vui py ang sa pi:)

KALATIA 4:4

Na i py neng angym khyp khala y ly achi ly chanau lawn ai naira nga thai ai nai,

EPHESI 1:9

mymy i kangai leu thui nai sai ang pany hai nai ne;

EPHESI 6:19

Naibaly Satang Kahawi leu kathiu ly vam parai naimy pany hai ai nai, kai i labeaung kapeaung iy leu ang thui hai thai ai nai hawi,

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 1:6

nangchi py meitang khyp naimy Tameuh i pahen nai sai thai u iy, nangchi i pany nai kani dengdairei nangmychi y py, khaileaung pri verei y py athai iy peung dudu nai ne.

KOLOSA 2:2

hunaibaly nichi ly Tameuh i leu kathiu, Krista ai pany ai nai (mymy y ly cheng naira hawi pany naira yhmtheaung bawibawi heu nai ne),

II THESALONIKA 1:10

nichi ai ly Areng hawi mymy i nang parai nai atiti sa thai naira i dengdairei deungtasarei tama ai naira khrairei patheu iy, ngari patang ai.

II THESALONIKA 2:7

Kangviu y Reita Taphra Nai ly vai py atiti sa dudu nai ne: na i py la vui nai awm y ryrei ly vai ly kam nai keung awm.

I TIMOTHEI 3:9

nichi ly hawi nai hawi y nai pany naira kachai y ym naira leu kathiu patawn cheng nai khumi ne ai nai tla.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 7:7

Na i py aei ai nai vuilam ny y nai, kalen kyh nai ly katheang kyh nai ai amtheaung hai nai awm lawh veng.

HEBRAI 8:1

Hunaibaly kaichi i leu thui naichi theung y aly len keh nai ly hini ne he: achi ly hunai kamta pathyp pi nai keung kalen keh;

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

I PETERA 1:20

Ni ai ly khaileaung palum y rai khala y khai rym nai awm khypkhyp nai bo, na i py kangkhym kangtem y ly nangmychi deaungkho y mymy ai amteng hai bo;

I PETERA 1:21

mymy deaungkho y ni ai kadeichi theung i dengdairei pathau nai hawi, nang parai naira pei nai keung Tameuh ai nangchi ly ym nai ne; hunaibaly nangchi i ym naira hawi athang khai naira ly Tameuh mang y awm bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.

I JOHAN 1:2

(huni Hengra ly amteng i, kaichi ly niu iy, pany py pany hai, naibaly huni deungtasarei Hengra Ampo teng y awm nai, kaichi teng y amteng nai ly kaichi my kang thui pi nai he;)

I JOHAN 3:5

Mymy ly kamngo la vui ai nai amteng bo, nanai ly nangchi pany; naibaly mymy y ly kamngo ati sai py by y leang.

I JOHAN 3:8

kamngo sa nai keung ly diabola i ne: diabola ly angchei kha i dengdairei atiti kamngo sa nai ne. Tameuh i Chapo ly diabola i sa nai sai taphra thai ai nai amteng nai ne.

AMTENG HAI NAI 17:5

naibaly mymy i lukati y ly, “Awm nai sai aneng parai nai, Babulon avang pui, neampachy kamleaungchi hawi khaileaung pri i atiti amso awm naichi i amhm,” nanai amyn tajiu nai ne.

AMTENG HAI NAI 17:7

Naibaly huni kani pri i amtaw thau nai ly kai teng y, “Ati mana nai rengrang napi lawh? Huni neampachy hawi, lu saryhrei taki horei awm nai mymy ai tang nai mawi kasi i awm nai aneng parai nai ly kang thui pi pachai ai mang.

AMTENG HAI NAI 7:9

Huni bo y kai ly khen i khen cham, theaung cheaungkhangchi hawi, cheng cheaungkhangchi hawi, khumi cheaungkhangchi hawi, leu cheaungkhangchi theung i ami py kati pajau y nai khumi mipui ka-teng ny y naichi ai ly kanih kangleung akhiu nai, kiu y lymlo syn naimy areng atehra hawi Beram Cho i mo y angdo nai kaniu;’