I TIMOTHEI 2:8 - Khumi Common Language Bible

⁸ Hunaibaly neampachochi ly meingtym tleirei y kado theu y nai hawi aei y naimy kiu kachai pheu iy chiu so khyly kangai.

I TIMOTHEI 2:8 ပူးပေါင်းရင်းမြစ်များ

1 ARENG KEH 3:11

mymy ly ni teng y, “Nang ly nangmy heng sau ai nai hawi nang chawn ai nai, ti y baly paleung ka-echi dei ai nai py hnei y naimy, leu meitang adyh adawi pa-rei peang thai ai nai cheng naira hnei bo;

JOBA 16:17

Na i py mani khrukhra nairachi py, kai so y leang. Tameuh teng y py paleung kahawi naimy chiu kasa nai ne.

SAM 134:2

Achura yhm theung y kiu pheu iy chiu so u; Areng ai palo u!

SAM 141:2

Kai i chiu sa nai ly dym mang y kapathypra talam nai kamta kawn pi kyh ba.

SAM 24:4

Kaja hawi iy paleung chai naimy tameuh takhrachi ai chiu y nai khumichi, tapawp y, adeu nai vaineng taphra vai y nai khumichi ne.

SAM 26:6

Aw Areng, kai teng y kamngo by y nai sai patei ai nai kai ly kaimy i kiu asipan chum baly, nang i maicham taki iy chiu ai.

SAM 28:2

Nang i Achura yhm kachai mang y kiu pheu iy, “Sabawm kyh ba,” nanai kai aeu nai khala, tangai pi kyh ba.

SAM 35:13

Kaimy ly nichi no patang u nai khala, paleung si nai ka-dawn hawimy, paleung apanem nai tarawi y chiu sa i, paisiu amchiu iy, biu hai naimy kaawm bo.

SAM 63:4

Kai heng nai ryrei ly nang ai kawn naimy palo ai; kiu pheu iy nang teng y chiu sa hnei takeng ai.

SAM 66:18

Kai ly kaimy i kamngochi ai dawndan y naimy kaawm lawh teu baly, Areng ly kai i chiu sa hnei takeng nai tangai pi ai ny y.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 21:27

Areng ly khumi hawi y naichi i, apathyp nai tawnbawichi ai niu ngai y. Chai y nai paleung hawi apathyp nai khala, niu ngai y keh nai ne.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

MATTHAI 21:21

Naibaly Isu my nichi teng y, “Meitang khyp kang thui pi, nangchi ly ym naira awm iy, ym thai y nai by y baly, nangchi ly thaidu keung y sa nai kamta sa khyh nai ny y i, hini mawi ka-sang teng y py, ‘Asyh ly, pangli tui y aphi vui,’ napi baly nangchi i thui nai kamta tym ai.

MATTHAI 5:44

Na i py kai ly kang thui pi, nangchi ly nangchi i Ampo kani mang y awm nai i chanauchi lawn thai ai nai, nangchi i paleung ka-echi ai tamen u ly; nangchi ai ana nai keungchi i vui y chui so pi u: ati mana nai mo nabaly.

MATTHAI 6:12

Kaichi i tlang tleaung y hawi y sa naichi ai ly kaichi my pahen nai kamta, Kaichi i kamngo py pahen kyh ba.

LUKA 23:34

Naibaly Isu ly, “Ngaai nichi ai ly pahen ba, nichi i atiti sa nai ly pany y nai teu,” napi. Naibaly ni i ateaungchi ly amji ai nai tambe va.

LUKA 24:50

Naibaly mymy ly Bethani ahawi y tym pa-rei nichi ai hawi:naibaly mymy i kiu pheu iy nichi ai amtheung hai.

JOHAN 4:21

Naibaly Isu my ni teng y, “Lo awi, kai i leu sai ym: hini mawi y py, Jerusalem avang y py nangchi ly Ampo ai chiu y ai nai neng tym ai bo.

AMTAW 10:2

Tameuh ai py dawn parai nai khumi, mymy hawi mymy i dengtheungchi bawibawi py Tameuh ai tahm khai, amichi teng y py mymy ly atiti neangneang pei reng, Tameuh teng y py chiu sa jojo.

AMTAW 10:31

“Kornelia, nang i chiu sa nai ly tangai bo, naibaly nang i ami teng y atiti pei reng naichi py Tameuh i mo y pany jo naira lawn ai nai tym na a.

AMTAW 10:4

Naibaly Kornelia ly mymy ai khen ryry, naibaly jei i, “Areng, ati mo?” napi. Naibaly ni my ly mymy teng y, “Nang i chiu sa nai hawi nang i atiti pei reng naichi ly pany jo naira lawn ai nai Tameuh i mo y tym kalau bo.

AMTAW 21:5

Naibaly huni neng chi bo nabaly kaichi theu i chei bi bo, nichi bawibawi ly, mymychi i aju chanauchi hawi apai ngam y khrairei pavum; naibaly pangli peang y kheukhu di iy kaichi chiu sa;

AMTAW 7:60

Naibaly mymy ly kheukhu di iy athorei my aeu i, “Areng hini nichi i kamngo sa nai ly nichi i tlang tleaung y aniu hai moh kyh ba,” napi. Naibaly huni leu thui pajau baly i veng bo. Sawla my py dei ai nai avo, napi.

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

I KORINTH 7:7

Na i py khumi bawibawi ly kaimy kamta khyp awm bebe i khyly kai i ngai nai ne. Ne mang ly khumi leaung leaungrei ly Tameuh teng i dengdairei atiti sa thai naira pei nai, leaungrei ly hinai kamta, leaungrei ly hunai kamta amy i nga nai awm bawibawi.

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

PHILIPI 1:12

Naibaly amjo amnauchi awi, kai i tlang tleaung y atiti tym naichi ly Satang Kahawi ahei naira ne lawh, nanai nangchi pany ai nai kangai;

I THESALONIKA 1:8

Ati mana nai mo nabaly Areng i leu ly nangmychi i dengdairei amthang veng bo i, Makedonia hawi Akaia pri y khyh ny y naimy, meingtym tleirei y py nangchi i Tameuh ai ym u nai sai ly amthang veng bo; hunaibaly kaichi my ati sai py thui ai nai aly ngai y leang bo.

I TIMOTHEI 5:14

Hunaibaly lumai anglo kyh rai naichi ly juvo nang iy chanau sa ai nai hawi, yhm angtheung y kry iy paleung ka-e ai cheh ai naira ngo hai y ai nai py kangai;

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

HEBRAI 10:22

achi i paleung y hawi nai hawi y nai pany naira kamngo ai katheng pan nai hawi, achi i tlang py tui kamchym y ahiu nai awm iy, ym naira kangym awm nai paleung meitang apu naimy kasa u sina.

JAKOB 4:8

Tameuh hawi kasa u, hunaibaly ni py ang kasa ai mang. Khumi kamngochi awi, nangchi i kiu ly asi u pan; atiti sa nai bawibawira y so tangei chei y naichi awi, nangchi i paleung apachai u.

I PETERA 3:7

Nangchi juvochi awi, hunai kamta teang neampachy ly laawm kawi rai y nai deaungkho y hawi, pahen nai heng naira nga ahawi nai keung ne nai deaungkho y py, nangni i chiu sa ai naira y paka y ai nai, tahm khai nai tarawi y hawihai palai dawn naimy ajuchi teng y awm u.