I TIMOTHEI 2:4 - Khumi Common Language Bible

⁴ khumi bawibawichi ly paheng naira nga ai nai hawi, leu meitang angym pa-rei pany ai nai py ang ngai.

I TIMOTHEI 2:4 ပူးပေါင်းရင်းမြစ်များ

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 53:11

Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

ISAIA 55:1

Areng my, “Tui ahai nai khumi bawibawichi awi, jeu u; hi y tui awm! Paisa tangka by y nai khumichi awi jeu u ly, choh van iy cho u! Kanu tui hawi kreip hang vang u! nangchi ati sai py vang tlo y leang!

Ezekiela 18:23

Kai ly khumi hawi y naichi dei nai niu nai khala y, kai ly kawnleaung ai nai athang khai u a?, nanai sa thai naira angym nai Areng my deng bo. Mymy ly huni khumi uikheih iy heng naini niu ai nai ngai keh.

Ezekiela 18:32

Kai ly ami ai py dei ai nai ngai hai y; kamngo sa nai anawn iy heng u,” napi.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

HABAKKUK 2:14

Panglichi ly tui my kawi nai kamta, khaileaung py Areng i nang parai nai ai pany nai hawi kawi naimy awm ai.

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

MARKA 16:15

Naibaly mymy ly nichi teng y, “Khaileaung pri verei y chei u ly, Tameuh i sa naichi bawibawi teng y Satang Kahawi thui u.

LUKA 1:77

Ati mana nai mo nabaly nang ly mymy i lam cheaungkhang sa rym ai nai hawi, Achi i Tameuh i pahen nai paleung awm nai saho y Mychi i kamngo pahen ai nai,

LUKA 14:23

Naibaly yhmkeung my miseaung teng y, ‘Theu ly, lam kalen y py, yhm meaungteng y py chei ly, kai i yhm kawi ai nai khumichi ai kun hai tanga.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 17:17

Nichi ai leu meitang y khai takhra ba, nang i leu ly leu meitang ne.

JOHAN 6:37

Ampo my kai ai pei nai bawibawi ly kai teng y jeu bebe ai; ami py kai teng y jeu nai ai ly den py kapatheu y ai.

ROM AVANGCHI TENG Y PAWLA I CHA PA NAI 11:14

kai i chengchi ai katakho hai pajau tanga ai nai hawi, nichi theung y phyreichi ai kapaheng pajau ai nai py kai i kry nai sai tahm kapasang nai ne.

I TIMOTHEI 4:10

Hunaibaly achi ly Tameuh kangheng ai athang khai nai deaungkho y, achi ly sa akawm nai hawi kamjau ryrei atiti sa nai ne; mymy ly khumi bawibawichi i vui Paheng nai Keung ne, ni ai ym nai keungchi i vui ne kehkeh.

II TIMOTHEI 2:25

hawi y sa naira y kham pajau nai, mymy i patiu nai leu ngai y naichi ai leu anui parai naimy nichi ai patiu lawh ai nai tla;

II TIMOTHEI 3:7

huni neampachychi amymychi i ngai naira my pahawi i, amtiu jojo nai ne i py, tlen py leu meitang pany ai nai pa-rei amtiu pajau y leang.

TITA 1:1

Pawla, Tameuh i miseaung hawi, Tameuh i vawi naichi i ym naira hawi, nichi i Tameuh ai dawn ryhryh nai leu meitang pany nai sai py angym hai ai nai Isu Krista i amtaw thau nai ne: naibaly deungtasarei hengra nga ai nai athang khai nai ly huni i sangum ne:

TITA 2:11

Ati mana nai mo nabaly khumi bawibawichi teng y paheng naira tym hai ai nai, Tameuh i pahenra ly amteng bo.

HEBRAI 10:26

Achi ly leu meitang pany naira kangym nga nai bo y ly atiti kamngo sa ta-li baly, kamngo nairachi i vui y apathyp naira ly pipi by y leang bo i,

JAKOB 3:14

Naibaly nangchi paleung y paleung ano naira khota nai hawi aei naira awm baly, leu meitang ai am-e hai u lawh moh, paka ai nai py ka-chawi thui u moh.

II PETERA 3:9

Phyreichi ly dawndan y nai dawn nai kamta Areng ly mymy i leu adeu naira molam y ly dawndan y nai ny y leang; ami ai py tama hai ai nai ngai y i, khumi bawibawichi uikhei ai nai ngai nai, nangmychi ai ang kham pi nai teu.

II JOHAN 1:1

Miteaung keh my ly vawi nai neampachy hawi mymy i chanauchi teng y pa nai: Achi teng y awm jo nai hawi, deungtasa khrairei awm jo ai nai leu meitang deaungkho y nangchi ai meitang khyp naimy kang tamen nai ne:

AMTENG HAI NAI 14:6

Naibaly kani pri i amtaw thau nai takhra leaungrei ly kani laileaung y angkheang nai kaniu: khaileaung pri y awm nai theaung cheaungkhangchi hawi, cheng cheaungkhangchi hawi, leu cheaungkhangchi hawi, khumi cheaungkhangchi teng y py deaungtasarei Satang Kahawi thui pi ai nai mymy teng y au bo;