I TIMOTHEI 2:2 - Khumi Common Language Bible

² atiti hnei nai chiu sa nai hawi, chiu sa lyhlyh nai hawi, chiu sa pi nai hawi, kawn nai leu thui nai py khumi bawibawichi i vui hawi, samrangchi hawi peang nai keungchi i vui py sa pi ai nai kang pachei.

I TIMOTHEI 2:2 ပူးပေါင်းရင်းမြစ်များ

2 SAMUELA 20:19

Kaichi i mary ly nang parai nai mary, Israela pri tlamsa ai nai ngai keh, ka-ym awm keh nai mary ne. Nang ly hini mary taphra ai nai ati mana nai atho sa lawh mo? Areng my peang nai ai nang ly phra hai ai nai ngai lawh a?” nanai deng.

EZARA 6:10

Jerusalem mary i pathyp pi nai keungchi my kani pri mang y awm nai Tameuh teng y leng patlum nai kapathyprachi talam ai aly ngai nai si katai beaungjeaung, beram, beramcho, chohpui chomaw, palawi, kreip hang hawi olive asituichi kani tlei tleirei avawby y pa-rei pei pi u.

NEHEMIA 1:11

Kai i chiu sa nai py, nang ai tahm khai nai nang i miseaungchi i chiu sa nai ai py, tangai pi kyh ba; vaini kai ai eaung ai nai pei ba. Empara samrang my kai i tlang tleaung y pahen ai nai ka-dawn so pi ba,” nanai kai ly chiu kasa. Huni neng khala y kai ly empara samrang teng y kreip hang talam pi nai keung ne.

SAM 72:1

Aw Tameuh, nang i leu meitang hawi kamlau tara chih pajau ai nai samrang ai patiu pi kyh ba.

LEU KACHENG 24:21

Deang awi, Areng ai py, samrang ai py, jei kaji naimy tahm khai ba. Huni Areng hawi samrang ai tiu nai khumichi hawi amkawm moh.

JEREMIA 29:7

Nangchi ai langheng y kang hawi nai marychi ai hawi naira so u. Huni marychi nang chawn baly nangmychi py nang chawn teang ai nai deaungkho y, huni marychi i vui kai teng y chiu so pi u.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

LUKA 2:25

Naibaly khen cham, Jerusalem y ly amyn Simeon khumi leaungrei awm: huni khumi ly khumi kahawi hawi, Tameuh ai dawn parai nai khumi ne: Israelachi ai awm hai nem nai keung ai ly ajeng: mymy teng y Phailo Kachai awm.

AMTAW 10:22

Naibaly nichi my ly, “Kornelia, tavaimi chungvaiei lu, khumi kahawi, Tameuh ai tahm khai nai, Juda cheng bawibawi theung i amyn kahawi awm nai, ni teng y kani pri i amtaw thau nai kachai leaungrei ly nang i leu thui nai pany ai nai hawi, mymy i yhm y nangmy ai palau ai nai py thui pi na a,” napi.

AMTAW 24:16

hunai deaungkho y kai Tameuh teng y hawi, khumi teng y py kai i pany nai ngierei sa naira y paleung tamang y naimy atyp jojo ai nai katau.

ROM AVANGCHI TENG Y PAWLA I CHA PA NAI 12:18

Pajau baly nangmychi i kamjau ryrei khumi bawibawichi hawi aly u.

PHILIPI 4:8

Kangkhym i naira y ly amjo amnauchi awi, meitang naira ngierei hawi, tahm khai naira ngierei hawi, hawi naira ngierei hawi, chai naira ngierei hawi, apu nai ngierei hawi, hawi sa nai amthang nai ngierei hawi, hawi naira awm iy palo naira awm baly hunichi ai dawn u.

I THESALONIKA 4:11

kham pajau kyh naimy awm u ai nai hawi, amymy i atiti sa u ai nai py, nangchi i kiu y sa u tanga ai nai kang pachei nai ne;

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;