I TIMOTHEI 1:5 - Khumi Common Language Bible

⁵ Na i py huni parip lawh naira ly paleung kachai hawi, hawi nai hawi y nai pany naira kahawi hawi, ym naira tatang i dengdairei theu nai tamen naira py nga hai u thai ai nai parip nai ne:

I TIMOTHEI 1:5 ပူးပေါင်းရင်းမြစ်များ

SAM 24:4

Kaja hawi iy paleung chai naimy tameuh takhrachi ai chiu y nai khumichi, tapawp y, adeu nai vaineng taphra vai y nai khumichi ne.

SAM 51:10

Aw Tameuh, kai i paleung theung y chai pyn ai nai so pi kyh ba; khaw parai nai paleung ka-dawn kangtha palum pi kyh ba.

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

ZEPHANIAH 3:7

Huni neng khala kai i khumichi ly kai ai jei kaji naimy tahm khai iy, kai i pei nai reita tanga u ai, nanai py, kai i parip naichi ai mana khala py tami u ai ny y, nanai py kai athang khai. Na i py nichi ly avaw avawrei, hawi y nai kalop ai sa tleaung sa u ra nai ne.

MATTHAI 12:35

Khumi kahawi ly mymy i paleung i yhmtheaung kahawi i dengdairei atiti kahawi patheu reng; khumi kamngo ly mymy i paleung i yhmtheaung hawi y nai i dengdairei atiti hawi y nai patheu reng.

MATTHAI 5:8

“Paleung y chai naichi ly taham hawi: nichi ly Tameuh ai niu ai.

AMTAW 15:9

naibaly achi hawi nichi hawi patle takhra y naimy, ym naira deaungkho y mymychi i paleung chai hai bo.

AMTAW 23:1

Naibaly Pawla ly tara chih nai keungchi ai khen ryry i, “Amjo amnaichi awi, vaini khrairei Tameuh i mei ka-niu y kai i pany nai ngierei sa naira y paleung kahawi mang y kaawm jo rai,” napi.

AMTAW 24:16

hunai deaungkho y kai Tameuh teng y hawi, khumi teng y py kai i pany nai ngierei sa naira y paleung tamang y naimy atyp jojo ai nai katau.

ROM AVANGCHI TENG Y PAWLA I CHA PA NAI 10:4

Krista my ym nai ngiereichi ai hawi naira nga hai thai ai nai reita ai anawn hai nai keung ne.

ROM AVANGCHI TENG Y PAWLA I CHA PA NAI 12:9

Tamen naira ly tapawp naira abawi y nai ne sy. Kamngo mang y ly niu ngai u moh ly; kahawi mang y ly hawihai apatawm u.

ROM AVANGCHI TENG Y PAWLA I CHA PA NAI 14:15

Nang ly atiti cha nai deaungkho y ngamjo ngamnau ai paleung mawn hai lawh baly, nang ly tamen naira y tako nai ny y leang bo. Nang i atiti cha nai deaungkho y Krista my ang dei pi nai khumi ai ly tamo hai moh.

ROM AVANGCHI TENG Y PAWLA I CHA PA NAI 9:1

Krista y ly leu meitang khypkhyp kathui nai ne, ka-chawi kathui y leang;

I KORINTH 13:1

Kai ly khumi i leu y hawi kani pri i amtaw thau naichi i leu y leu thui iy py, tamen naira by y pui baly, kai ly kheupaja pakhau nai katyn mo, sa-ra thip nai katyn mo kalawn bo.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

Leu Thui Nai 10:12

“Aw Israela chengchi awi, nangchi i Areng Tameuh i kangaichi tangai u: Areng ai chiu u ly mymy i leu pei nai bawibawichi phai tangai u. Areng ai paleung hawi verei tamen iy mymy i kalop so u;

I TIMOTHEI 1:18

Kai i chapo Timothei awi, jangni y nang i satang thui u yb nai kamta nang ly huni deaungkho y atiu naira kahawi y ly atiu pajau ai nai, huni parip nai leu kang kry hai:nang ly ym naira hawi, hawi nai hawi y nai pany naira kahawi py patawn cheng:

I TIMOTHEI 1:19

phyreichi ly huni ai aphi i paleung kawi nai kamta ly ym naira lam y ly phra bo:

I TIMOTHEI 3:9

nichi ly hawi nai hawi y nai pany naira kachai y ym naira leu kathiu patawn cheng nai khumi ne ai nai tla.

II TIMOTHEI 1:3

Kai ly anawn y naimy kai i chiu sa naira y ly ka-dawn hai vau reng nai kha y ly Tameuh teng y kawn nai leu kathui; kai ly amsi sangumchi i sa nai kamta, hawi nai hawi y nai pany naira chai pyn nai awm iy mymy i kalop kasa reng nai ne.

II TIMOTHEI 1:5

nangmy i paleung theung y awm nai ym naira tatang kapany jo: huni ly ngamsi Losi paleung theung y hawi, ngamhm Euniki i paleung theung y py awm man nai ne; naibaly vai py nang teng y awm teang, nanai kai pany khyp bo.

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.

TITA 1:15

Khumi kachai i vui ly ati cheaungkhang chai jo; na i py chai y nai hawi ym y naichi i vui ly ati ra y py chai naira awm vai y leang; nichi i dawn naira py, hawi nai hawi y nai pany naira py chai y bo.

HEBRAI 10:22

achi i paleung y hawi nai hawi y nai pany naira kamngo ai katheng pan nai hawi, achi i tlang py tui kamchym y ahiu nai awm iy, ym naira kangym awm nai paleung meitang apu naimy kasa u sina.

HEBRAI 13:18

Kaichi i vui chiu so pi kyh; kaichi ly cheaungkhangra y hawihai palai awm ai nai tau iy, hawi nai hawi y nai pany naira chai parai nai ly awm, nanai kaichi ly teng khyp naimy apany bo.

HEBRAI 9:14

deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?

JAKOB 4:8

Tameuh hawi kasa u, hunaibaly ni py ang kasa ai mang. Khumi kamngochi awi, nangchi i kiu ly asi u pan; atiti sa nai bawibawira y so tangei chei y naichi awi, nangchi i paleung apachai u.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 3:16

hawi nai hawi y nai pany naira chai parai nai awm u ly, hunaibaly nichi i ang thui tamawn naira y ly nangchi i Krista y amhi amtlau nai sai kahawi ai thui tamawn nai keungchi ai ly amthang hai leaung ai.

I PETERA 3:21

huni atawm hai nai baptisma ly Isu Krista i angthau bi nai deaungkho y vai ly nangchi ai paheng nai ne: huni ly tlang i anyng pachai nai ny y naimy, hawi nai hawi y nai pany naira kachai nga ai nai, Tameuh i mo y ahui nai ne lawh veng;

I PETERA 4:8

atiti bawibawi tleaung y py hawihai palai atamen u leungtang: tamen naira my ly kamngo neangneang ai khiu lawh veng:

II PETERA 1:7

naibaly Tameuh ai dawn ryhryh naira y ly amjo amnauchi ai aniu ngai naira abawi u ly, naibaly amjo amnauchi ai aniu ngai naira y ly tamen naira abawi u.

I JOHAN 3:10

Hinira y ly Tameuh i chanauchi hawi diabola i chanauchi ly amny nai ne: ami py kahawi so y nai ngierei ly Tameuh i ny y leang, amy i amjo amnau ai tamen y nai khumi py ne teang.

I JOHAN 3:23

Achi ly mymy i Chapo Isu Krista i amyn y ym iy, mymy i leu pei nai kamta atamen leungtang ai nai mymy i leu pei nai ne he.

I JOHAN 3:3

Ami py mymy i tlang tleaung y hini athang khai naira awm nai ngierei ly mymy i chai nai kamta ly apachai jojo teang.