I TIMOTHEI 1:4 - Khumi Common Language Bible

⁴ nang ly nichi ai parip thai ai nai, kai ly Makedonia pri y chei nai khala y ly nang ai Ephesi avang y awm jo ai nai kang takeng nai kamta, vai py kang takeng jojo rai.

I TIMOTHEI 1:4 ပူးပေါင်းရင်းမြစ်များ

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

EPHESI 3:2

nangchi i vui Tameuh i pahenra kry ai nai kai ai ang pei nai ly nangchi pany u nabaly;

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

I TIMOTHEI 4:7

na i py Tameuh ai tahm khai y nai hawi, neampachy miteaungchi i leuchih rumrang ai ly ngai moh.

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

I TIMOTHEI 6:20

Aw Timothei awi, nang teng y ang au nai ly hawihai palai kry: Tameuh ai tahm khai y nai leu thui rumrang nai hawi, “pany naira” nanai pathi atyhtyh nai aei naira ai ly hi vui;

II TIMOTHEI 2:14

Huni atiti leu ly nichi ai dawn hai vau; ati sai py chawn y naimy, tangai nai keungchi ai taphra ai nai leu rumrang naira aei u y ai nai Areng i mei ka-niu y leu pei.

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.

II TIMOTHEI 2:23

Na i py aei atyhtyh naira hawi cheng y naira y ly abawi ai nai ngai moh; hunichi ly ajo nairachi tapen lawh veng, nanai nang pany.

II TIMOTHEI 4:4

naibaly leu meitang tangai nai mang i nai hi pi vui iy, leuchih mang y tapai nai takan u ai.

TITA 1:1

Pawla, Tameuh i miseaung hawi, Tameuh i vawi naichi i ym naira hawi, nichi i Tameuh ai dawn ryhryh nai leu meitang pany nai sai py angym hai ai nai Isu Krista i amtaw thau nai ne: naibaly deungtasarei hengra nga ai nai athang khai nai ly huni i sangum ne:

TITA 1:14

ym naira y khaw pa-rei awm thai ai nai nichi ai ryhpatyh pa-rei parip.

TITA 3:9

na i py deng patum pati atyhtyh nai hawi, deung kamtawm satangchi hawi, aei nai hawi, Reita leu y ajo nai py angpreng veng; hunichi ly chawn naira by y i ati sai py ny y nai ne.

HEBRAI 13:9

Patiu naira amjy takhra takhra hawi, pany vai y nai my py nangchi ai pajau vui ai nai pei u moh:paleung ly cha ai naichira y ny y naimy, pahenra deaungkho y khaw naira nga nai ly hawi:huni mang y asa naichi ly hunira y chawn naira ngo u lawh y leang.

II PETERA 1:16

Kaichi ly achi i Areng Isu Krista i atiti sa thai nai sai hawi mymy i ang jeu bi ai nai leuchih patawm nai ny y leang; kaichi ly mymy i nang parai nai sai niu nai keungchi ne chy bo.