I TIMOTHEI 1:3 - Khumi Common Language Bible

³ Amichi ai mo ly patiu naira takhra ly den py patiu y ai nai hawi, leuchih rumrang hawi deung kamtawm satang temma pany y nai dawn y ai nai py (huni amjychi ly ym naira y awm nai Tameuh i patiu naira palo y naimy aei naira sa lawh veng),

I TIMOTHEI 1:3 ပူးပေါင်းရင်းမြစ်များ

AMTAW 18:19

Naibaly nichi ly Ephesi avang y tym i, nini ai ly hu y daw iy, mymy ly achura yhm y kun i Judachi teng y ka-thui thui pi.

AMTAW 18:21

“Tameuh my pei baly nangchi teng y kang jeu bi ai mang,” napi iy leu kahawi y amprei i, Ephesi avang i dengdairei paleaung mang chei bo.

ROM AVANGCHI TENG Y PAWLA I CHA PA NAI 15:26

Ati mana nai mo nabaly Makedonia hawi Akaia pri i khumichi ly paleung hawi parai naimy Jerusalem avang i khumi kachaichi theung y kamawnchi i vui y acheaung pi veng bo.

ROM AVANGCHI TENG Y PAWLA I CHA PA NAI 16:17

Naibaly amjo amnauchi awi, patiu nai leu nangchi i amtiu y nai mang y amprei naira hawi atlym naira sa nai keungchi ai ly hawihai khen u, naibaly nichi mang i nai hi vui ai nai kang takeng.

II KORINTH 11:4

Ami my ang jeu nai, kaichi my kang thui pi vai y nai Isu takhra ai ly ang thui pi iy, nangchi ly phailo takhra ngo u vai y nai hawi, Satang Kahawi takhra kawn u vai y nai kawn u lawh baly, nangchi ly mymy ai kham pi ai nai avo napi lo-oh?

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

PHILIPI 2:24

Na i py kaimy kypkyp py kra y nai sala chy y kang jeu ai nai Areng y ly kaym cheng cheng nai ne.

I TIMOTHEI 4:11

Nang ly huni satang molam y leu py pei, patiu py patiu.

I TIMOTHEI 4:6

Nang ly huni satang takhra takhra amjo amnauchi ai pany hai baly nang ly Krista Isu i kalop sa nai keung kahawi hawi, ym naira leu y hawi, nang ly vai khrairei patawm nai patiu naira kahawi y py apacho veangveang nai keung lawn ai:

I TIMOTHEI 5:7

nichi ly cheh naira by y pa-rei awm thai ai nai huni leu py pei.

I TIMOTHEI 6:10

Tangka yhmtheaung ai khri pa-rei ngai nai ly kamngo neangneang i pakeung ne; phyreichi ly huni ai paleung no i ym naira ai ly khai su iy, amymy ai paleung mawn naira khri pa-rei nawi nai my ly athun krai veng lawh.

I TIMOTHEI 6:17

Hini khaileaung pri y nang naichi ly am-e y ai nai hawi, khaw y nai yhmtheaung ai ny y naimy, atiti bawibawi kawn ai nai khri pa-rei ang pei reng nai keung Tameuh ai athang khai ai nai pachei.

I TIMOTHEI 6:3

Ami py patiu naira takhra patiu iy, leu meitang (achi i Areng Isu Krita i leu) hawi, Tameuh ai dawn ryhryh ai nai lam y patiu naira y py ym y baly,

II TIMOTHEI 1:18

(huni kani y ly Areng teng y pahen naira nga ai nai Areng ly ni ai khai rym sy;) naibaly mymy ly Ephesi avang y khri pa-rei sabawm, nanai ly nang ly hawihai palai pany.

II JOHAN 1:7

Isu Krista ly tlang y ang jeu, nanai thai hai y nai tapawp nai keung neangneangchi ly khaileaung pri y theu u bo. Hunai kamta khumi ly tapawp nai keung hawi Krista ai paka nai keung ne.

AMTENG HAI NAI 2:14

Na i py kai ly sai sairei nang i tlang tleaung y thui ai nai awm; Balam i patiu naira patawm nai keung amichi mo nang teng y awm. Ni ly myn y chiu nai apathyp nai mawi cha ai nai hawi, angai ai nai py Israela kangpreangchi i mo y atlym naira khai pi ai nai Balaka ai patiu.

AMTENG HAI NAI 2:20

Na i py kai ly sai sairei nang i tlang tleaung y thui ai nai awm: nang ly huni neampachy Jezebeli, amo angam nai ai ly ngai lawh nai ne; ni ly kai i miseaungchi ai angai ai nai hawi, myn y chiu nai apathyp nai mawi cha ai nai py ang patiu iy tapawp reng.