I TIMOTHEI 1:15 - Khumi Common Language Bible

¹⁵ Krista Isu ly khumi kamngochi ai paheng ai nai khaileaung pri y ang jeu, nanai ly ka-ym awm i, khrikhri pa-rei ym ai nai hawi; kai ly nichi theung y kamngo keh nai ne he:

I TIMOTHEI 1:15 ပူးပေါင်းရင်းမြစ်များ

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

MATTHAI 1:21

Mymy ly chapo tapen ai i, nang ly amyn Isu pathi ai nai tla; ati mana nai mo nabaly ni ly mymy i Khumichi ai nichi i kamngo i nai palawi ai,” napi.

MATTHAI 18:10

“Hini khumi theangchichy naichi theung y leaungrei ai pate y ai nai amkym u; nichi i kani pri i amtaw thau naichi my ly kani pri mang i Ngaai i meimai ly niu u jojo, nanai kang thui pi nai bo he.

MATTHAI 18:11

[Khumi i Chapo ly tama naichi ai hau ai nai ang jeu nai ne.]

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

MATTHAI 9:13

Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

MARKA 2:17

Naibaly Isu ly huna nai thai i nichi teng y, “No by y nai khumichi ly daitang ai aly ngai y, no awm naichi naini aly ngai nai teu; kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

LUKA 15:2

Naibaly Pharisaichi hawi Reita patiu nai keungchi my ly. “Hini khumi ly khumi kamngochi ai kawn i, nichi teng y biu cha teang ly,” nanai jo sei u lenglang.

LUKA 19:10

Khumi i Chapo ly tama naichi ai hau ai nai hawi paheng ai nai py ang jeu nai ne,” nanai thui.

LUKA 5:32

Khumi kahawichi ai uikhei hai ai nai kang jeu nai ny y leang, khumi kamngochi ai uikhei hai ai nai kang jeu nai teu,” napi.

JOHAN 1:12

Na i py mymy ai kawn iy, mymy i amyn y ym nai ngiereichi ai ly Tameuh i chanau lawn thai ai nai ang pei;

JOHAN 1:29

Naibaly mymy ly khawn mang y Isu ai ni teng y jeu ai tau nai niu i, “Khen cham, Tameuh i Beram Cho, khaileaung pri i kamngo la pi veng nai keung ho!

JOHAN 12:47

Ami py kai i leu thai iy tangai y i py, kai ly ni ai pasum y leang; khaileaung pri ai pasum ai nai kang jeu nai ny y leang, khaileaung pri ai lawi hai ai nai kang jeu nai teu.

JOHAN 3:36

Ami py Chapo ai ym nai ngierei ly deungtasarei hengra nga bo; na i py Chapo ai ym y nai ngierei ly hengra ngo y ai i, Tameuh i kado theu nai ly ni teng y awm jo,” nanai pathang.

AMTAW 11:1

Nabaly Judai pri y awm nai amtaw thau naichi hawi, amjo amnauchi my ly Cheng Takhrachi py Tameuh i leu patawm bo, nanai thai bo.

AMTAW 11:18

Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 3:26

Tameuh my mymy i Miseaung ai khai pi i, nangchi bawibawi ai nangchi i kamngo i dengdairei hi vui iy amtheaung hai ai nai, nangmychi teng y ang pato pi manme nai bo he,” napi.

ROM AVANGCHI TENG Y PAWLA I CHA PA NAI 11:14

kai i chengchi ai katakho hai pajau tanga ai nai hawi, nichi theung y phyreichi ai kapaheng pajau ai nai py kai i kry nai sai tahm kapasang nai ne.

ROM AVANGCHI TENG Y PAWLA I CHA PA NAI 5:6

Achi ly ham y nai thym khala y ly neng khyp nai khala y Krista ly khumi kamngochi i vui y dei pi bo.

I KORINTH 15:9

Ati mana nai mo nabaly kai ly amtaw thau naichi theung y theang keh nai, Tameuh i palau takhra kamkawm ai ka-na nai deaungkho y kai ly amtaw thau nai khumi pathi ai nai py ataing y leang.

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

I TIMOTHEI 1:13

ati mana nai mo nabaly kai ly jangni y Tameuh ai thui tamawn nai keung hawi ana hai nai keung hawi, khumi kamlai ne teu i py kai ai ka-ym awm nai khumi ang palawn iy, mymy i kalop sa ai nai keung y ang khai rym:ne mang ly kai ly ym naira by y naimy pany y nai khala y kasa nai deaungkho y pahen naira kanga;

I TIMOTHEI 1:19

phyreichi ly huni ai aphi i paleung kawi nai kamta ly ym naira lam y ly phra bo:

I TIMOTHEI 3:1

Ami py palau takhra kamkawm peang nai keung lawn ai nai ngai baly kalop kahawi ngai nai ne, nanai ly ka-ym awm nai ne.

I TIMOTHEI 4:9

Hini leu ly ka-ym awm i khrikhri pa-rei ym ai nai hawi.

I TIMOTHEI 6:13

Ati cheaungkhangchi ai hengra pei nai keung Tameuh hawi, Pontia Pilata i mo y thai hai nai leu hawi parai nai thui nai keung Krista Isu i mei ka-niu y py leu kang pei.

II TIMOTHEI 2:11

“Achi ly mymy hawi dei chum nai awm baly, Achi ly mymy teng y heng teang ai,

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

I JOHAN 3:5

Mymy ly kamngo la vui ai nai amteng bo, nanai ly nangchi pany; naibaly mymy y ly kamngo ati sai py by y leang.

I JOHAN 3:8

kamngo sa nai keung ly diabola i ne: diabola ly angchei kha i dengdairei atiti kamngo sa nai ne. Tameuh i Chapo ly diabola i sa nai sai taphra thai ai nai amteng nai ne.

I JOHAN 5:11

Tameuh my deungtasarei hengra ang pei i, huni hengra ly mymy i Chapo teng y awm, nanai ly pany hai naira ne he.

AMTENG HAI NAI 21:5

Naibaly areng atehra tleaung y ateh nai keung my ly, “Khen cham, ati cheaungkhang kangtha kasa,” napi. Naibaly mymy ly “Tajiu ly, hini leu bawibawi ly ka-ym awm nai py kateng ne lawh,” napi.

AMTENG HAI NAI 22:6

Naibaly ni my ly kai teng y, “Hini leu ly ka-ym awm nai hawi kateng ne: naibaly Areng, amochi i phailo Tameuhmy ly atiti tym kasa ai naichi ly mymy i miseaungchi teng y khen hai ai nai, mymy i kani pri i amtaw thau nai ai pato veng bo.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;