I TIMOTHEI 1:14 - Khumi Common Language Bible

¹⁴ naibaly achi Areng i pahenra hawi, Krista Isu y ym naira hawi tamen naira py khri pa-rei lem na bo.

I TIMOTHEI 1:14 ပူးပေါင်းရင်းမြစ်များ

THEU NAI 34:6

Naibaly Areng ly Mosi teng y chei tapai iy, “Kai, Areng ly pahen naira angym nai Tameuh, neaung hawi iy tamen naira nang parai nai Tameuh, ka-ym awm nai Tameuh ne.

MATTHAI 20:9

Naibaly dym biu theaung neng kha y jeu naichi ly pia vui pangrei nga u bawibawi.

AMTAW 15:11

Mymychi i kamta ly achi py Areng Isu i pahenra deaungkho y heng naira nga ai, nanai achi aym nai veng,” napi.

ROM AVANGCHI TENG Y PAWLA I CHA PA NAI 16:20

Naibaly aly nai Tameuh my ly nangch i kheu padawi anui y Setan ai ly ang chiu hai piupa praw ai. Achi i Areng Isu Krista i pahenra ly nangchi teng y awm sy.

I KORINTH 15:10

Na i py Tameuh i pahen nai saho y ataing nai kalawn bo; naibaly pahenra ang pei nai ly jawm sum nai by y; huna nai tleaung y ly kai ly nichi bawibawi tleaung y sa nai akawm keh; na i py kai i sa nai ny y leang, Tameuh i pahenra kai teng y awm nai i sa nai teu.

I KORINTH 3:10

Kai ai Tameuh i pahenra ang pei nai kamta, yhm sa nai lu keh i kawp parai nai kamta ly kaimy lengseaung leng i, khumi takhra my salo y yhm sa. Na i py khumi leaung leaungrei ly huni salo y yhm sa ai nai sai ly amkym bawibawi sy.

II KORINTH 13:14

Areng Isu Krista i pahenra hawi, Tameuh i tamen naira hawi, phailo kachai i amkawm naira py nangchi bawibawi teng y awm sy.

II KORINTH 4:15

Naibaly pahenra ai ly khumi nawi keh naichi i saho y peung hai nai awm iy, huni my ly Tameuh ai palo ai nai khri pa-rei kawn nai leu ang theu hai thai ai nai, ati cheaungkhang ly nangchi i vui hawi ai naira ne.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

KALATIA 1:13

Judachi i Reita y jangni i kai i awm nai sai ly nangchi ly pany u angchi yb veng nai teu bo. huna nai Tameuh i palau takhra kamkawm ai kaimy khri pa-rei ana iy khrukhra hai reng nai ly;

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

I THESALONIKA 5:8

Na i py achi ly kanithun i khumi ne nai deaungkho y ym naira hawi tamen naira khupui ly adang iy paheng naira nga ai nai athang khai naira ly lukym y teaung iy, atyp u sina.

I TIMOTHEI 2:15

na i py nichi ly amkym nai tarawi y ym naira y hawi, tamen naira y hawi, chai naira y py awm jojo baly, chanau tapen nai deaungkho y paheng naira nga ai.

I TIMOTHEI 4:12

Nang i saneng nau nai sai ly ami my tahm khai y ai nai so moh: na i py nang ly leu thui naira y hawi, amhi amtlau naira y hawi, tamen naira y hawi, ym naira y hawi, chai naira y py ym naichi i vui y amtiu naira lawn ba.

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

II TIMOTHEI 1:13

Krista Isu y awm nai ym naira y hawi, tamen naira y ly, kai i labeaung i nai leu kateng nang thai nai kamta ly hawihai patawm.

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.

TITA 2:2

neampacho miteaungchi ly amkym ai nai hawi, tahm awm ai nai hawi, paleung kateng awm ai nai hawi, ym naira y hawi, tamen naira y hawi, kham pajau naira y hawi kateng awm ai nai py pachei:

I PETERA 1:3

Achi i Areng Isu Krista i Tameuh hawi Ampo ai ly palo nai awm sy. Mymy i khri pa-rei pahen nai reita kamta, kadeichi theung i dengdairei Isu Krista angthau bi nai deaungkho y athang khai naira kangheng hawi,

I JOHAN 4:10

Hinira y ly tamen naira awm, achi ly Tameuh ai tamen nai ny y leang, mymy ly achi ai ang tamen iy, achi i kamngochi ahui nai langseaung syn naira lawn thai ai nai mymy i Chapo ai ang pato nai teu.

AMTENG HAI NAI 22:21

Areng Isu i pahenra ly khumi kachaichi teng y awm sy. Amen.