I THESALONIKA 5:9 - Khumi Common Language Bible

⁹ Tameuh my kado theu naira ny y naimy, achi i Areng Isu Krista i saho y paheng naira nga lawh ai nai achi ai ang khai rym nai teu;

I THESALONIKA 5:9 ပူးပေါင်းရင်းမြစ်များ

JOBA 23:14

Mymy ly kai i vui khai pi nai katauchi sa pi takengkei ai; huni dawn tau nai ly nawi parai nai katauchi theung i harei ne.

THEU NAI 9:16

Na i py Khaileaung pri verei kai i sa thai naira niu u ai nai, kai ly nangchi ai deung sau hai nai ne.

LEU KACHENG 16:4

Areng i sa nai ati cheaungkhangchi i vui ly paran yb nai awm. Khumi hawi y naichi i vui malawn py, patang naira avum hai ai nai paran yb nai awm.

MATTHAI 26:24

Khumi i Chapo ly mymy i satang tajiu nai kamta khypkhyp my chei vui ai; na i py Khumi i Chapo ai patiu hai ai nai keung ly taham si! Huni khumi ly tapen y nai khyly mymy i vui hawi keh alam ai,” napi nai pathang.

AMTAW 1:20

Sam cha-iu y, “My i awm naira ka-keu awm sy, Huni meingtym y ami py awm moh sy,” nanai hawi, “My i peang nai kalop ly khumi takhra my ngo sy,” nanai tajiu nai awm.

AMTAW 1:25

hini krykeung kalop hawi amtaw thau nai kalop i jeng y awm ai nai, hinini khumi leaung nyhrei ai nangmy mani ai vawi mo, nanai kaichi ai pany hai kyh ba,” napi.

AMTAW 13:48

Naibaly Cheng Takhrachi ly huna nai thai iy kawn i Tameuh i leu ai palo, naibaly deungtasarei hengra nga ai nai khai takhra nai ngiereichi my ly ym bo.

ROM AVANGCHI TENG Y PAWLA I CHA PA NAI 11:30

Nangchi ly jangni y ly Tameuh i leu tangai u y, na i py vai ly nichi i leu tangai y nai deaungkho y nangchi ly pahen naira nga u chy bo;

ROM AVANGCHI TENG Y PAWLA I CHA PA NAI 11:7

Tumbaly mana ai mo? Israelachi ly mymychi i hau nai ly niu y, vawi naichi naini niu, takhra bawibawichi ly kyh chawn u veng bo.

I THESALONIKA 1:10

mynchi mang i nai Tameuh mang y hi u pawn nai sai py pany hai u reng nai ne.

I THESALONIKA 3:3

Achi ly hinichi patang ai nai ang sa rym nai ne, nanai nangmychi kypkyp my pany u veng bo.

I TIMOTHEI 1:13

ati mana nai mo nabaly kai ly jangni y Tameuh ai thui tamawn nai keung hawi ana hai nai keung hawi, khumi kamlai ne teu i py kai ai ka-ym awm nai khumi ang palawn iy, mymy i kalop sa ai nai keung y ang khai rym:ne mang ly kai ly ym naira by y naimy pany y nai khala y kasa nai deaungkho y pahen naira kanga;

I TIMOTHEI 1:16

naibaly vai i dengdairei deungtasarei hengra nga ai nai mymy ai ym naichi ai khen pata naira lawn ai nai, Isu Krista ly kai kamngo keh ai ang kham pi pajau nai sai kangym amteng hai thai ai nai pahen naira kanga bo.

II TIMOTHEI 2:10

Hunai deaungkho y vawi takhra naichi ly Krista Isu y paheng naira ly deungtasarei nang parai naira hawi vanrei nga u thai ai nai, nichi deaungkho y kai ly ati cheaungkhang kakham.

I PETERA 2:10

nangchi ly jangni y mymy i khumichi ny y leang, vai ly Tameuh i khumichi lawn u bo; nangchi ly jangni y pahen naira ngo y leang, vai ly pahen naira nga u bo.

I PETERA 2:8

“Atlym naira lengseaung hawi paka naira lengseaung pui py lawn ai,” nanai ne. Ati mana nai mo nabaly nichi ly leu tangai y nai deaungkho y atlym u lawh reng; huna nai kamta awm ai nai nichi ai khai yb nai ne.

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.