I THESALONIKA 5:21 - Khumi Common Language Bible

²¹ cheaungkhangra y phai cham u; hawi nai ngiere ly patawm u ly;

I THESALONIKA 5:21 ပူးပေါင်းရင်းမြစ်များ

LEU KACHENG 23:23

Ka-ym leu, cheng naira, thui parip nai leu, tau cheng naichi ai ly tangka hawi van iy amtiu ba. Hunichi ly vang teng parai nai ne i, paisa tangka hawi angtheung pajau y.

LEU KACHENG 3:1

Deang awi, kai i patiu pi naichi tami moh; kai i leu pei naichi pany jo ba.

LEU KACHENG 4:13

Nangmy i ngai nai cheng naira ai ly pany jo ba. Nang i ngai nai cheng naira ly nang i heng naira ne; huni ai ly hawihai kry ba.

Solomon i khulym 3:4

Kai ly tamcheaung typ naichi teng i nai theu chum baly, kaimy i khrei nai keung ai avum praw ryp bo. Kai ly ni ai tleaung y pa-rei takawi cheng iy, kaimy i amhm yhm, kai ai tapen nai takun theung y pahawi bo.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

LUKA 12:57

Ati mana nai y nangmychi i hawi naira ly chih u y lawh a?

JOHAN 15:4

Kai teng y awm u jo, kai py nangmychi teng awm jo ai. Changpi ly kreip angjyn y amtawm jo y baly mymy tlairei athai thai y nai kamta ly, nangchi py kaimy teng y awm jo y baly athai thai y leang.

JOHAN 8:31

Hunaibaly Isu ly mymy ai ym nai Judachi teng y ly, “Nangchi ly kai i leu y awm jo baly kai teng y abang nai khumichi ne khyp bo;

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

AMTAW 17:11

Hu i khumichi ly Thesalonika avang i khumichi tleaung y ly hawi kyh, ati mana nai mo nabaly nichi ly paleung kawn parai naimy huni leu tangai iy, huni satang thui pi nai ly teng mo teng y mo, nanai Tameuh i cha-iu y kani tleirei hau u.

ROM AVANGCHI TENG Y PAWLA I CHA PA NAI 12:2

Hini khaileaung pri i reita kamta awm u moh ly huna ny y naimy nangchi ly Tameuh i kangai meitang nai hawi, kawn ai ataing nai hawi, hawi angym nai py dawn u cham thai ai nai paleung kangtha awm iy, takhra u veng jau.

ROM AVANGCHI TENG Y PAWLA I CHA PA NAI 12:9

Tamen naira ly tapawp naira abawi y nai ne sy. Kamngo mang y ly niu ngai u moh ly; kahawi mang y ly hawihai apatawm u.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

I KORINTH 2:11

Khumichi theung y khumi i satang ly khumi i phailo, mymy theung y awm naimy pany y baly ami pany ai mo? Hunai kamta khyp teang Tameuh i satang ly Tameuh i Phailo my ny y baly ami py pany y leang.

KALATIA 6:10

Hunaibaly achi i avo nai neng tleirei ly khumi bawibawichi i tlang tleaung y atiti kahawi so u sina, naibaly ym nai dengtheungchi i tlang tleaung y so u patyp keh sina.

EPHESI 5:10

ati mana nai mo nabaly kangvang i athai ly hawi naira hawi atiti kahawi sa naira hawi, leu meitang bawi bawi y py awm.

PHILIPI 1:10

hunaibaly nangchi ly atiti hawi keh naichi ai ly hawi, napi u thai ai nai hawi, Krista i kani i vui ly meitang hawi cheh ai nai by y nai py lawn u thai ai nai,

PHILIPI 3:16

Ati py ne sy, achi i tym nai ryrei nai huni kamta phai tako u sina.

PHILIPI 4:8

Kangkhym i naira y ly amjo amnauchi awi, meitang naira ngierei hawi, tahm khai naira ngierei hawi, hawi naira ngierei hawi, chai naira ngierei hawi, apu nai ngierei hawi, hawi sa nai amthang nai ngierei hawi, hawi naira awm iy palo naira awm baly hunichi ai dawn u.

I THESALONIKA 5:15

Ami i hawi y sa nai py hawi y sa nai vawitheung tha y ai nai amkym u; nangchi i atiti sa pi leungtang naira y hawi, khumi bawibawichi i tlang tleaung y sa pi naira y py hawi nai ngierei ai phai hui u jojo.

I THESALONIKA 5:22

hawi y nai bawibawira y ly amsym u.

II THESALONIKA 2:15

Hunaibaly amjo amnauchi awi, khaw pa-rei angdo u ly, leu thui nai deaungkho y mo, kaichi i cha pa nai deaungkho y mo, kaichi kang patiu nai leu taviu nai bawibawi ly patawm u cheng cheng.

II TIMOTHEI 1:15

Asia pri i awm nai bawibawichi ly kai ai hi vui veng bo, nanai nang ly pany: nichi theung y ly Phukela hawi Hermokena py abawi nai ne.

II TIMOTHEI 3:6

Nichi theung i nai phyreichi ly yhm takhra takhra y kun iy, kamngo kaji pho nai neampachy pathu awp naichi ai patiu u reng;

II TIMOTHEI 4:14

Kheupaja thip nai Aleksandra ly kai i tlang tleaung y khri pa-rei hawi y naira sa: Areng ly mymy i atiti sa nai kamta vawitheung tha ai:

HEBRAI 10:23

Hini achi i athang khai naira i ym nai leu amchyh y ai nai patawn u cheng sina; ati mana nai mo nabaly leu adeu nai keung ly ka-ym awm nai ne:

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

AMTENG HAI NAI 2:2

Nang i atiti sa naichi hawi, sa akawm nai hawi, kham tanga nai sai hawi, khumi kamngochi ai kham pajau y nai sai py kapany: naibaly amtaw thau naichi ny y naimy, amtaw thau nai angam naichi ai cham iy nichi ly tapawp nai keungchi ne, nanai pany bo;

AMTENG HAI NAI 2:25

na i py kai kang jeu y ryrei ly nangchi i awm angchi nai ly patawm u cheng.

AMTENG HAI NAI 3:11

Kai kang jeu praw ai:ami py nang i areng lukhym lo pi y ai nai nang i atiti awm angchi nai ly patawn cheng.

AMTENG HAI NAI 3:3

Nang i nga chum nai hawi thai chum nai py adawn vau ly; huni ai ly patawm jojo iy uikhei ly. Naibaly nang ly atyp y baly kai ly khumi kangviu kamta kang jeu ai, naibaly kai i kang tym ai nai neng nang pany ai ny y.