I THESALONIKA 5:18 - Khumi Common Language Bible

¹⁸ huni ly nangmychi molam y Krista Isu y ly Tameuh i kangai ne khyp veng.

I THESALONIKA 5:18 ပူးပေါင်းရင်းမြစ်များ

JOBA 1:21

“Kai ly tapen nai khala beng tlairei, beng tlairei kadei ai; Areng my ang pei i, vai ly la ali teang nai bo; mymy i amyn ly taham hawi sy,” nanai thui.

SAM 34:1

Kai ly Areng ai palo jojo ai. Mymy ai neng tleirei palo ai.

DANIELA 6:10

Samrang ly hina nai lamai nip typ chum veng bo, nanai thai nai khala y, Daniela ly yhm y vawi jo bo. Ni i yhm salo sambeura, Jerusalem mary mang mo tha nai thaibeng pa-khochi awm. Ni ly huni sambeura y mymy i sa reng nai kamta, thaibeng pa-kho sahawi y kheukhu di iy, kanirei y tlen thomrei, Tameuh teng y chiu sa nai ne.

EPHESI 5:20

achi i Areng Isu Krista i amyn y Tameuh, Ampo kypkyp teng y ly ati cheaungkhangra y kawn nai leu thui u jojo.

PHILIPI 4:6

Ati sai py paleung bi u moh; ati cheaungkhangra y chiu sa nai hawi hnei nai ly kawn nai leu thui nai abawi iy, nangchi i ngai nairachi ly Tameuh teng y pany hai nai awm sy.

KOLOSA 3:17

Naibaly nangchi i sa nai ngierei ly leu thui naira y mo, atiti sa naira y mo, mymy i saho y Ngaai Tameuh teng y kawn nai leu thui nai tarawi y, Areng Isu i amyn y so u bebe.

I THESALONIKA 4:3

Nangchi ly chai naira nga iy, angai naira anawn u veng nai ly Tameuh i kangai ne he!

HEBRAI 13:15

Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

I PETERA 2:15

Naibaly ly atiti kahawi sa naira y ly khumi cheng y naichi i pany y nai leu thui nai anawn hai thai ai nai Tameuh i kangai ne khyp.

I PETERA 4:2

hunaibaly vai i dengdairei nangchi ly tlang mang y awm nai sala ryrei ly khumi i ngai phi teng y naira y ny y naimy, Tameuh i ngai naira y awm u ai bo.

I JOHAN 2:17

Khaileaung pri hawi, huni i ngai phi teng y nairachi raurei py tama dudu nai ne; na i py Tameuh i kangai sa nai keung ly deungtasarei awm jojo ai.