I THESALONIKA 5:13 - Khumi Common Language Bible

¹³ nichi i atiti sa nai deaungkho y tamen iy khri pa-rei tahm khai ai nai kang takeng.

I THESALONIKA 5:13 ပူးပေါင်းရင်းမြစ်များ

ATITI AWM ANGCHEI NAI 45:24

Naibaly mymy ly amjochi ai lam y ajo y ai nai leu taviu chum baly, Kanan pri y vawi hai bo.

SAM 133:1

Tameuh i khumichi paleung adyh adawi naimy awm u nai ly khri pa-rei hawi parai na i, apu parai na a!

MATTHAI 10:40

“Ami py nangchi ai ang kawn baly kai ai kawn nai bo, ami py kai ai kawn nai ly kai ai pato nai keung ai kawn nai bo.

MARKA 9:50

Palawi ly hawi, na i py palawi ly dau veng baly ati my lum hai bi ai mo? Nangmychi kypkyp teng y palawi awm sy ly, ado u,” napi.

JOHAN 15:17

Nangchi ly atamen u leungtang ai nai hini leu kang pei.

II KORINTH 13:11

Kangkhym i naira y ly amjo amnauchi awi, noso kahawi awm u. Kahawi sa angym naimy awm u, paleung awmnem naimy awm u, paleung vanrei awm u, adyh parai naimy awm u ly; hunaibaly tamen nai hawi aly nai Tameuh ly nangchi teng y ang awm hai ai.

KALATIA 4:14

Naibaly kai i tlang y nangchi i vui parawi naira awm nai ly nangchi ly tahm py panem u y, paso py paso u y; na i py nangchi ly kai ai Tameuh i kani pri i amtaw thau nai kamta hawi, Krista Isu ai kamta tanrei kawn u lawh nai ly.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 6:6

Naibaly leu amtiu ai nga nai keungchi ly atiti kahawi bawibawi patiu nai keung teng y pei u vawitheung teang sy.

EPHESI 4:3

nangchi ai ang palau naira y ly tako ai ataing ai nai kang takeng.

KOLOSA 3:15

Naibaly Krista i awmnem naira my ly nangchi i paleung ai peang sy, hunai kamta lawn ai nai nangchi ai ly tlang bomrei y ang palau nai chy bo; naibaly kawn u.

I THESALONIKA 5:14

Nangmychi tengtawi aly nai awm u. Naibaly amjo amnauchi awi, reita ny y nai kamta awm naichi ai ly parip u ly, vam y naichi ai pachei u ly, ham y naichi ai sabawm u ly, bawibawichi teng y amnym naimy awm u.

II THESALONIKA 3:16

Naibaly aly nai Areng kypkyp my ly cheaungkhangra y nangchi ai aly naira mana khala y py pei sy. Areng ly nangchi bawibawi teng y awm sy.

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;

JAKOB 3:18

Hawi naira athai ly aly naira sa nai keungchi i vui aly naira tiu nai ne.