I THESALONIKA 4:8 - Khumi Common Language Bible

⁸ Hunai deaungkho y hini leu tahm khai y nai khumi ly khumi ai tahm khai y nai ny y i, nangchi teng y Phailo Kachai ai ang pei nai Tameuh ai tahm khai y nai teu.

I THESALONIKA 4:8 ပူးပေါင်းရင်းမြစ်များ

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

THEU NAI 16:8

Mosi my thui pi bi nai ly “Areng ly nangchi i josei nai raawi thai nai deaungkho y, nangchi dym mang cha ai nai mawi hawi khawn mang cha ai nai ngai nai ryrei tako ang pei ai. Nangchi ly kaini ai josei u nai ly Areng ai josei tatang nai ne,” napi.

LEU KACHENG 1:7

Areng ai jei kaji naimy tahm khai nai ka-dawn ly tau cheng naira i pakeung sangum ne. Khumi hawi y naichi ly cheng naira ai tahm khai u y; amtiu ai nai py ngai u y.

LEU KACHENG 23:9

Khumi ka-khum i mo y leu katheu moh; ni ly nang i cheng nai leu ai tahm khai ai ny y.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

ISAIA 53:10

Areng my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

LUKA 10:16

“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.

JOHAN 12:48

Ami py kai ai ngai y iy kai i leu thui naichi py tangai y baly, ni ai pasum nai keung leaungrei awm; kai i leu thui nai ly huni leu kypkyp my kani kangkhym y ly mymy ai pasum ryp ai.

AMTAW 13:41

‘Tahm khai y nai keungchi awi, khen u cham, Rengrang py ti u ly, tamo my tamo u; Nangchi heng nai ryrei ly hini kai i atiti sairei sa nai ly Huni ly ami my nangchi teng y ang thui pi i py Nangchi pipi ym ai ny y,’ nanai ly,” napi.

ROM AVANGCHI TENG Y PAWLA I CHA PA NAI 5:5

naibaly Phailo Kachai achi teng y ang pei nai Tameuh i tamen naira ly achi i paleung y ang lei chum nai deaungkho y athang khai naira my ly amthang hai leaung y leang.

I KORINTH 2:10

nanai tajiu kamta, hunichi ly Tameuh my achi ai ly Phailo i saho y ang pany hai nai bo. Phailo my ly ati cheaungkhang khen patawm be nai ne; ne, Tameuh i leu kathiuchi py.

I KORINTH 7:40

Na i py kai i dawn nai ly mymy ly mymy i awm nai kamta awm jo baly hawi kyh ai; kai py Tameuh i Phailo kanga teang nai athang awm.

II KORINTH 1:22

mymy ly achi ai ang pajawp hai typ nai keung hawi, achi i paleung theung y achi ai Phailo ang pei yb nai keung py ne teang.

KALATIA 4:6

Naibaly nangchi ly chanau ne u nai deaungkho y Tameuh my mymy i Chapo i Phailo ai ly Abba, Ngaai, nanai aeu naimy achi i paleung y ang pato bo.

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

II PETERA 1:21

Thui rym nai leu ha py khumi i kangai y theu vai y leang: huni ny y naimy Phailo Kachai my khumichi ai dawn hai iy Tameuh teng i dengdairei thui nai ne.

I JOHAN 3:24

Mymy i leu pei nai patawm nai khumi ly mymy teng y awm jojo i, mymy py ni teng y awm jojo teang nai ne. Naibaly mymy ly achi teng y awm jojo nanai ly Phailo ang pei naira y ly achi pany.

JUDA 1:8

Na i py hunichi py huna nai kamta mymychi i amang mang y tlang chai hai y i, aly peang naira tahm khai y iy, nang parai nai keungchi ai thui tamawn lawh.

1 SAMUELA 10:19

Kai ly nangchi i Tameuh, ngari kamtangchi hawi rai naichi theung i, nangchi ai atleu nai Tameuh ne. Na i py nangchi ly kai ai khai su iy, kai teng y samrang hnei u bo. Hawi mang, nangchi ly Areng i mo y cheng theaung ka-thui, nupai ka-thui angym u,’ nanai leu pei bo,” napi.

1 SAMUELA 8:7

Naibaly Areng my, “Khumichi my nang teng y thui nai ngierei tangai ba; nang ai ly nichi my khai su y leang mang; kai ai naini nichi my khai u su bo; nichi ly kai ai mychi i samrang palawn y bo.