I THESALONIKA 4:6 - Khumi Common Language Bible

⁶ hunira y ly ami py tamang iy amy i amjo amnau i tlang tleaung y atiti hawi y nai so moh sy; ati mana nai mo nabaly Areng ly huni bawibawira y ly vawitheung tha nai keung ne; kaichi py kang thui pi rym iy kang pany hai chum veng bo.

I THESALONIKA 4:6 ပူးပေါင်းရင်းမြစ်များ

SAM 140:12

Aw Areng, nang ly khumi kamawnchi i hawi naira hawi, kamawn katichi i vui nga sang naichi ai ama hai, nanai kai ly pany bo.

SAM 94:1

Aw Areng, nang ly kamngo pajeng ai nai aly peang nai Tameuh ne; nang i kado theu nai amteng hai ba!

THEU NAI 20:15

“Paviu moh.

THEU NAI 20:17

“Ami i yhm hlau paleung no moh; ami i aju py, miseaungchi ai py, tawnbawichi py, keaungngo kano kasauchi py, mymy i atitichi py paleung no moh,” napi.

LEU KACHENG 11:1

Areng ly teng y nai sie teaung nai khumichi ai niu ngai y; sie kateng teaung nai khumichi ai kawn nai ne.

LEU KACHENG 16:11

Areng ly takhu teaung, si khyry katengchi ai py, ka-jo ka-van sa naira y pajyh patleh y nai ai py khrei nai ne.

LEU KACHENG 20:14

Vawnsai van nai khumi ly vawn vang len parai, nanai avawrei thui nai ne. Na i py vawn van chum nai khala ly my i vawn van kawp nai sai ai amlyh hai reng.

LEU KACHENG 20:23

Areng ly takhu teaung, si khyry kateng teaung y nai khumichi ai ly niu ngai y nai ne.

LEU KACHENG 28:24

Amhm ampochi i vawnsaichi paviu nai ly kamngo tlo y leang, nanai thui reng nai khumi ly kangviu sa reng nai khumi ne.

Parip nai leu 5:8

Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

JEREMIA 7:6

Pri takhra chochi, nuro nukai chochi hawi neampachy lumaichi tlang tleaung y kho sa iy, kamran hau u moh jau. Hini kachai meingtymra y khumi kahawichi ai tleh u moh jau. Tameuh takhrachi ai chiu nai ly nangchi ai phra hai nai deaungkho y, huni chiu nai ly anawn u.

JEREMIA 9:4

Khumi luteng ly amychi i ahawi ka-dawichi ai amkyn ai nai tla. Ami mi py amy i amjo amnau ai ym ai nai aso y. Ati mana nai mo nabaly amjo amnau ne i py Jakob kamta tapawp iy Khumichi ly amy i ahawi ka-dawichi ai thui tamawn u reng nai deaungkho y ne.

Ezekiela 22:13

“Kai ly nang i lawm nai hawi tleh naichi molam y, kiu makeng nyhrei atabeng nai ne.

Levi 19:11

“Ami i vawnsai paviu moh, ami ai tapawp moh, ka-chawi thui moh.

Levi 19:13

“Amy tleaung y atho di nai khumi ai, kamjau kamteang khai moh; ami i vawnsai lawm moh. Ka-tham vang pei ai awm nai ly kani dym y naimy pei praw ai nai tla; khawn mang khrairei pei y naimy khai moh.

Levi 25:14

Huna khala naini nangchi ly amy cheng tengtawi khaileaung ka-jo ka-van sa nai khala, vang ka-ti apani ai nai tla.

Levi 25:17

Nangchi ly nangmychi cheng tengtawi atapawp moh; na i py nangchi i Areng Tameuh ai tahm khai ai nai tla.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

ZEPHANIAH 3:1

Amy mary i khumichi ai malawn py ana pumpi iy, hawi y sa naimy atiu reng nai Jerusalem mary ly taham si.

ZEPHANIAH 3:5

Na i py Areng ly huni mary theung y awm jo rai. Mymy ly hawi nairachi naini sa iy, hawi y nairachi ly mana khala py so y. Khawn tleirei mymy i khumichi ai paleung phra y naimy, kahawi tara chih nai ne. Na i py hunira i khumi hawi y naichi ly hawi y nairachi sa u jojo. Nichi teng y kangji kangai py by y.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MARKA 10:19

Leu pei naichi ly nang pany be: khumi ai padei moh, Pajang so moh, Paviu moh, Seu rumrang moh, Tapawp moh, Ngamhm ngampo ai tahm khai, nanaichi ly,” napi.

LUKA 12:5

na i py nangchi ly ami ai jei ai nai tla mo, nanai kang thui pi rym ai; padei nai bo y py ngari angawm y aphi bi pajau ai nai keung ai phai jei u; ne, huni ai phai jei u, kang napi kai ly.

LUKA 16:28

Nichi ly hini no naira y jeu teang lawh na i, hawihai palai thui pi kyh sy,’ napi.

ROM AVANGCHI TENG Y PAWLA I CHA PA NAI 1:18

Leu meitang ai hawi y naira y paka nai keungchi i Tameuh ai tahm khai y naira hawi, hawi y naira bawibawichi i tlang tleaung y py kani pri mang i dengdairei Tameuh i kado theu naira amteng nai ne;

ROM AVANGCHI TENG Y PAWLA I CHA PA NAI 12:19

Ngai parai naichi awi, vawitheung atha u moh ly; “Areng my, ‘Vawitheung nanai ly kaimy tha ai nai tla, kaimy kaheung ai,’ napi,” nanai tajiu nai ne.

ROM AVANGCHI TENG Y PAWLA I CHA PA NAI 13:4

ni ly nang i hawi ai nai vui ly Tameuh i kalop sa nai keung ne. Na i py nang ly atiti hawi y nai sa baly jei phai jei; mymy i haisau syn nai ly jawm my syn atyhtyh nai ny y leang; mymy ly Tameuh i kalop sa nai keung ne i, atiti hawi y sa naichi i tlang tleaung y vawitheung tha ai nai keung ne.

II KORINTH 7:11

Hunaibaly khen u cham, Tameuh i ngai nai kamta paleung mawn naira awm u nai kypkyp my ly, amkym naira py, tlau thai y nai pa-rei py, paleung hawi y naira py, jei naira py, ngai parai naira py, khrikhri pa-rei sa naira py, pajeng naira py nangchi ai khrikhri pa-rei sa hai na ly! Ati cheaungkhangra y nangchi ly huni molam y ly chai u bo, nanai amteng u hai bo.

KALATIA 5:21

pavui naichi, mhm pawi y amo theu naichi, hunichi ka-tawm ly; huni sa reng naichi ly Tameuh i peang naira amtym u y ai, nanai jangni y kang thui pi rym nai kamta vai py kang thui pi rym nai he.

EPHESI 4:17

Hunaibaly kai ly huna nai thui iy Areng y kang pany hai nai ne: Cheng Takhrachi i dawn rumrang nai tako nai kamta ly tako u bi moh; nichi i pany naira y ly veng nai ne;

EPHESI 4:28

Paviu nai khumi ly paviu bi moh jau sy; huna nai ny y naimy avaw nai khumi teng y atiti pei ai nai awm thai ai nai, mymy i kiu y atiti kahawi akawm pa-rei so sy.

EPHESI 5:6

Ami py leu ta chawm y naira y ly nangchi ai tapawp moh sy; huni atitichi deaungkho y Tameuh i kado theu nai ly leu tangai y nai chanauchi i tlang tleaung y tym reng.

Leu Thui Nai 24:7

“Israela cheng tengtawi leaungrei ai athorei my patiu iy miseaung y palawn nai, ti y baly miseaung y jo nai khumi ai ly padei vui ai nai tla. Hina nai sa iy nangchi ly hawi y nai amjy ai tama hai pajau ai.

Leu Thui Nai 32:35

Areng ly paleung ka-echi ai pajeng iy vawitheung tha ai; nichi i sum nai neng tym ai; nichi myh ai nai neng ly kasa bo.

I THESALONIKA 2:11

naibaly nangchi ly mymy i pri hawi nang parai naira y ang palau nai keung Tameuh i khumi lawn ai ataing nai awm u thai ai nai, ampo my mymy i chanauchi i tlang tleaung y sa nai kamta ly,

II THESALONIKA 1:8

nangchi ai ngari patang hai nai keungchi ai ly ngari patang naira vawitheung tha ai nai hawi, nangchi ngari patang nai keungchi ai ly kaichi hawi anawn naira vawitheung tha ai nai ly Tameuh i mei ka-niu y ly meitang ne.

HEBRAI 13:4

Khumi bawibawichi ly apom naira ai tahm khai u sy, i ra y py hawi y naira abawi moh sy; angai naichi ai hawi pajang sa naichi ai ly Tameuh my chih ai.

HEBRAI 2:6

Na i py ami mo ly mani manira y mo hini leu thui iy, “Khumi ly ati mo? Nang ly ni ai ati mana nai dawn jojo mo? Nang ly khumi i chapo ai py ati mana nai de jojo mo?

JAKOB 2:6

Na i py nangchi ly khumi kamawn ai tapheaung lawh. Khumi kanangchi ly nangchi ai ana, naibaly tara chih naira yhm y ang ryh reng nai ny y a?

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.