I THESALONIKA 4:14 - Khumi Common Language Bible

¹⁴ Isu ly dei i angthau teang bo, nanai achi ym makho baly, Isu y i ngym chum naichi ai ly Tameuh my mymy hawi vanrei ang hawi teang ai.

I THESALONIKA 4:14 ပူးပေါင်းရင်းမြစ်များ

ATITI AWM ANGCHEI NAI 49:19

“Kad ly damrachi my tiu nai avum ai; na i py ni ly mymy ai tiu naichi ai tiu ali teang ai.

ISAIA 26:19

Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

ZEKHARIAH 14:15

Paleung ka-e tairachi i keaungngo, kula-iu, keaungngo kano kasau napi nai tawnbawichi tlang tleaung y py, ka-jei awm nai no kanghawi tym hai ai.

MATTHAI 24:31

Naibaly baw katym pajeng parai nai eng iy, mymy i kani pri i amtaw thau naichi ai ly pato ai; naibaly nichi ly mymy i vawi takhra naichi ai ly khuteng taki palyhrei i dengdairei, kani katem i nai katem y khrairei pangym achu ai.

ROM AVANGCHI TENG Y PAWLA I CHA PA NAI 14:9

Huni deaungkho y khypkhyp Krista ly kadeichi hawi kanghengchi i Areng lawn thai ai nai dei py dei i, heng py heng teang bo.

ROM AVANGCHI TENG Y PAWLA I CHA PA NAI 8:11

Na i py Isu ai kadeichi theung i dengdairei pathau nai keung i Phailo ly nangmychi y awm baly, kadeichi theung i nai Krista Isu ai pathau nai keung my ly nangmychi y awm nai Phailo i saho y nangchi i tlang dei thai naichi ai ly ang paheng teang ai.

I THESALONIKA 3:13

nangmychi mang y kaichi i tamen nai kamta ly, Areng ly nangmychi mang y atamen leungtang naira hawi, khumi bawibawi mang y tamen naira ly peung hai sy, panawi py panawi sy.

I THESALONIKA 4:13

Na i py amjo amnauchi awi, khumi takhra athang khai naira pipi by y naichi i kamta paleung mawn u y ai nai, nangchi ly i ngym chum naichi i satang pany y ai nai kang ngai y leang.

I THESALONIKA 4:17

huni bo y ly achi vai heng naichi ly Areng ai lamchung ai nai kani laileaung y mymychi hawi vanrei khupanym theung y achi ai ang la kalau ai; hunaibaly achi ly Areng teng y deungtasarei awm jojo ai.

II THESALONIKA 2:1

Na i py amjo amnauchi awi, achi i Areng Isu Krista ang jeu ai nai hawi, achi ly mymy teng y achu ai nai molam y ly,

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.

AMTENG HAI NAI 14:13

Naibaly kani pri mang i dengdairei raawi my ly, “Hina nai kamta tajiu. Vai i dengdairei amteaung iy Areng y dei naichi ly taham hawi: Phailo my py, Ne, nichi ly mymychi i sa akawm naichi anawn vui thai ai nai, nichi i atiti sa naichi ly nichi ai hui jojo,” nanai thui nai kathai.