I THESALONIKA 4:13 - Khumi Common Language Bible

¹³ Na i py amjo amnauchi awi, khumi takhra athang khai naira pipi by y naichi i kamta paleung mawn u y ai nai, nangchi ly i ngym chum naichi i satang pany y ai nai kang ngai y leang.

I THESALONIKA 4:13 ပူးပေါင်းရင်းမြစ်များ

ATITI AWM ANGCHEI NAI 37:35

Mymy i chapo chaniu leilachi my py khri pa-rei parawi, na i py mymy ly nichi i parawi nai leu ai tangai pi y i, “Kaimy i chapo i vui y paleung si vo tangam nai hawimy kai ly dei iy tavau kho y ka-vum ai,” napi. Hunai deaungkho y mymy ly chapo Josepha i vui y paleung si paleung mawn jojo nai ne.

2 SAMUELA 18:33

Samrang ly khri pa-rei paleung si tangam naimy, mary apai katheu amphu salo y awm nai takun theung mang y chei iy vo bo. Huna nai lyn kalau nai thym y, “Aw kai i chapo! kai i chapo Abasalom! Abasalom kai i chapo! nang i jeng y kai dei ai nai ngai. Kai i chapo Abasalom! kai i chapo!” nanai vo tangam bo.

1 ARENG KEH 1:21

Nang ly hinai kamta leu pei y baly, kai hawi kai i chapo Solomon ly nang by y vui nai bo y, reita taphra naichi ang palawn ai i, khumi hawi y naichi lawm ai,” napi.

1 ARENG KEH 2:10

Davida dei nai khala, ni ai Davida i mary y up bo.

JOBA 1:21

“Kai ly tapen nai khala beng tlairei, beng tlairei kadei ai; Areng my ang pei i, vai ly la ali teang nai bo; mymy i amyn ly taham hawi sy,” nanai thui.

LEU KACHENG 14:32

Khumi hawi y naichi ly hawi y nairachi sa nai molam y, mychi ai mychi naimy atlymra sa u nai ne. Na i py khumi kahawichi ly mychi i leu meitang saho y, mychi ai ama hai ai.

Ezekiela 37:11

Tameuh my kai teng y, “Nang khumicho awi, Israela chengchi ly huni hiuchi hawi atawm teang. Nichi my kaichi ly hiu kapeaungchi ne i, dei nai teu bo; mo mang i vui athang khai naira by y leang bo, nanai thui u nai ne.

DANIELA 12:2

Dei chum nai khumi neangneangchi ly heng u ali teang ai. Nichi theung i phyrei khumichi ly deungtasarei hengra nga u ai. Phyreichi ly deungtasarei tahm anem naira avum u ai.

Levi 19:28

Nangmy i tlang tleaung y, mang athun moh, kadei i vui paleung mawn vo tangam nai i vui, nangmy i tlang y a-oh moh. Kai ly Areng ne.

Levi 21:2

amjo amnau, mymy hawi vanrei awm iy deaung nang y rai nai tuichochi ny y naimy,

MATTHAI 27:52

angawmchi py am-eaung iy, i ngym chum nai khumi kachaichi i tlang neangneangchi ai py pathau bo;

JOHAN 11:24

Martha my ly ni teng y, “Kani kangkhym y angthau teang nai neng khala y ly angthau teang ai, nanai kai pany,” napi.

AMTAW 13:36

Davida ly Tameuh my thui pi nai kamta mymy heng ahawi naichi ai kry pajau nai bo y i ngym iy, mymy i kangpreangchi teng y up i, veaung veng bo he;

AMTAW 7:60

Naibaly mymy ly kheukhu di iy athorei my aeu i, “Areng hini nichi i kamngo sa nai ly nichi i tlang tleaung y aniu hai moh kyh ba,” napi. Naibaly huni leu thui pajau baly i veng bo. Sawla my py dei ai nai avo, napi.

AMTAW 8:2

Naibaly Tameuh ai dawn parai nai amichi my mo Stephana ai ly up u i, khrikhri pa-rei vo hai.

ROM AVANGCHI TENG Y PAWLA I CHA PA NAI 1:13

Naibaly amjo amnauchi awi, Cheng Takhra takhrachi theung y kai i athai kanga nai kamta ly, nangchi theung y py athai kanga thai ai nai kai ly nangchi teng y tlen neangneang kang jeu ai nai tau bo, nanai nangchi pany y ai nai kangai y leang; na i py vai khrairei kai ai ang paka jojo.

I KORINTH 10:1

Amjo amnauchi awi, hini ly nangchi pany y ai nai kangai y leang, huna nai achi i amsi sangum bawibawichi ly khupanym anui y bebe awm i, nichi bawibawi ly pangli y py bebe angpeang;

I KORINTH 12:1

Naibaly amjo amnauchi awi, phailo mang i atiti sa thai nairachi pei nai satang ly nangchi pany y ai nai kangai y leang.

I KORINTH 15:6

huni bo y ly amjo amnau chungvai pangrei chang y naichi teng y py amteng bi, hunichi theung i khumi nawi keh naichi ly vai khrairei heng rai; na i py phyreichi ly i ngym veng bo;

II KORINTH 1:8

Amjo amnauchi awi, Asia pri y kaichi i tlang tleaung y ngari patang naira tym nai molam y ly nangchi pany y ai nai kang ngai hai y leang, huna nai kaichi ly khrikhri pa-rei kham pajau y nai, heng ai nai py athang khai y nai pa-rei ang ti nai ne.

EPHESI 2:12

hunai thym khala y nangchi ly Krista ai pany y nai, Israela kamkawm hawi akhawi takhra nai, khaileaung pri y athang khai naira pipi by y nai hawi, Tameuh ny y naimy awm u iy, adeu nai leu maikawmra y angvyn y awm u nai ly pany u jojo.

EPHESI 2:3

Huni ym y nai chanauchi theung y ly kaichi py jangni y ly tlang hawi paleung i kangai sa iy, kaichi i tlang i ngai phi teng y naira y ly awm bebe veng; kaichi ly khumi takhrachi kamta khyp my kado theu nai chanau y tapen angchi yb veng nai chy bo;

I THESALONIKA 4:14

Isu ly dei i angthau teang bo, nanai achi ym makho baly, Isu y i ngym chum naichi ai ly Tameuh my mymy hawi vanrei ang hawi teang ai.

I THESALONIKA 4:15

Hini ly Areng i leu y kaichi ly nangchi teng y kang thui pi nai ne. Achi, Areng ang jeu nai khala y khrairei heng rai naichi ly, i ngym chum naichi ai ly pipi kalym vui y ai.

I THESALONIKA 5:10

achi ly i iy py, anglaw iy py achi ly mymy hawi vanrei heng thai ai nai, achi i vui y ang dei pi.

I THESALONIKA 5:6

Hunai deaungkho y khumi takhrachi i kamta ly i u ngym moh sina ba, amkym iy atyp u sina.

II PETERA 3:4

panui hai nai tarawi y ang tym iy, “Ni ly ang jeu bi ai nai leu adeu nai ly ma mang y mo? Amsi sangumchi i, i ngym veng nai kani i dengdairei khaileaung palum kha i nai kamta ly atiti bawibawichi ly awm veangveang chy bo,” nanai thui ai. Hini satang nichi ly tami akhikan :

II PETERA 3:8

Na i py ngai parai naichi awi, hini leu sairei nai ly tami u moh, Areng i dawn naira y ly kanirei nai ly saneng sangrei nai kamta lawn iy, saneng sangrei nai py kanirei nai kamta lawn teang.