I THESALONIKA 4:12 - Khumi Common Language Bible

¹² hunaibaly nangchi ly ati sai py avaw y iy angam mang i khumi i ka-niu y meitang naimy awm u thai ai.

I THESALONIKA 4:12 ပူးပေါင်းရင်းမြစ်များ

MARKA 4:11

Naibaly mymy ly nichi teng y, “Tameuh i peang naira leu kathiu ly nangchi nga ai nai ne: angam mang i khumichi i vui naini ati cheaungkhang ly pata nai leu y thui nai teu:

ROM AVANGCHI TENG Y PAWLA I CHA PA NAI 12:17

Ami i kamngo py kamngo nai vawitheung tha u moh. Khumi bawibawichi i mei ka-niu y atiti apu ai naira dawn u rym.

ROM AVANGCHI TENG Y PAWLA I CHA PA NAI 13:13

Kanithun y awm nai kamta hawihai palai awm u sina; mhm nei khrukhra nai hawi, mhm pavui y naimy, paleaung nai hawi angai nai py awm y naimy, ajo nai hawi paleung ano nai py awm u moh sina.

EPHESI 4:28

Paviu nai khumi ly paviu bi moh jau sy; huna nai ny y naimy avaw nai khumi teng y atiti pei ai nai awm thai ai nai, mymy i kiu y atiti kahawi akawm pa-rei so sy.

PHILIPI 4:8

Kangkhym i naira y ly amjo amnauchi awi, meitang naira ngierei hawi, tahm khai naira ngierei hawi, hawi naira ngierei hawi, chai naira ngierei hawi, apu nai ngierei hawi, hawi sa nai amthang nai ngierei hawi, hawi naira awm iy palo naira awm baly hunichi ai dawn u.

KOLOSA 4:5

Ka-vo sa pi nai ly pasum u y iy, angam mang i khumichi teng y ly cheng parai naimy awm u.

I THESALONIKA 5:22

hawi y nai bawibawira y ly amsym u.

I TIMOTHEI 3:7

Huni ny y iy py mymy ly angam mang i khumichi my palo naira y awm ai nai tla, ti y baly preaung naira awm lawh iy, diabola i deaung y man lawh na.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 3:1

Hunai kamta ly nangchi ajuchi awi, amy i juvochi i ngaingai awm u; hunaibaly nichi theung y ami py leu tangai y teu i py, nangchi i tahm khai nai sai hawi amhi amtlau nai sa kahawi py khen nai,