I THESALONIKA 4:1 - Khumi Common Language Bible

¹ Hunaibaly amjo amnauchi awi, kangkhym i naira y ly nangchi i awm ai avo nai sai hawi, Tameuh ai kawn hai ai avo nai sai ly kaichi teng i dengdairei nga u nai kamta ly (ne mang ly nangchi ly hunai kamta awm nai bo) awm ra awm ra ai nai, kaichi ly Areng Isu y takeng nai kang pachei nai ne.

I THESALONIKA 4:1 ပူးပေါင်းရင်းမြစ်များ

2 NENG SATANG 17:4

Ni ly ampo i Tameuh ai chiu iy Tameuh i leu tangai. Israela samrang i sa nai kamta so y.

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

SAM 92:14

Huni dengkeaung keungchi ly keung reng teu i malawn py, athaichi athai iy apu parai naimy khaw jojo nai ne.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

JOHAN 15:2

Kai hawi amtawm iy athai y nai changpi ngierei ly mymy ly aphi ai; athai nai ngierei ly athai nawi tleaung nawira ai nai ang chai hai.

AMTAW 20:27

Ati mana nai mo nabaly Tameuh i kangai bawibawi ly nangchi teng y avaw y naimy kang thui pi nai bo.

ROM AVANGCHI TENG Y PAWLA I CHA PA NAI 8:8

naibaly tlang i reita y awm naichi ly Tameuh ai kawn hai thai y leang.

I KORINTH 11:23

Kai i leu kang thui pi pateang nai ly Tameuh teng i dengdairei kanga nai na a, huna nai Areng Isu ai patiu hai nai dym y ly mymy ly tako la i, kawn nai leu thui pajau iy theng baw theng bawi i,

I KORINTH 15:1

Naibaly amjo amnauchi awi, Satang Kahawi kang thui pi nai ly kang pany hai bi ai; nangchi ly huni ai kawn u nai, hunira y ly angdo u iy,

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

II KORINTH 10:1

Naibaly kai Pawla kypkyp, nangchi theung y awm khala ly nangchi i mei ka-niu y leu anui parai nai kaawm i, nangchi teng y awm y nai khala ly nangmychi ai vam nai ly, Krista i leu kanem hawi neaung hawi naira y kang takeng nai ne;

II KORINTH 13:11

Kangkhym i naira y ly amjo amnauchi awi, noso kahawi awm u. Kahawi sa angym naimy awm u, paleung awmnem naimy awm u, paleung vanrei awm u, adyh parai naimy awm u ly; hunaibaly tamen nai hawi aly nai Tameuh ly nangchi teng y ang awm hai ai.

II KORINTH 5:9

Hunai deaungkho y kaichi ly awm iy py, awm y iy py mymy i kawn nai khumi lawn ai nai tau cheng nai ne.

II KORINTH 6:1

Hunaibaly kaichi ly mymy hawi sa ahawi nai, nangchi ly Tameuh i pahenra ai ly chawn hai y naira ngo u y ai nai kaichi kang takeng.

KALATIA 6:1

Amjo amnauchi awi, ami my kamngo ati py sa nai thym khala y theaugma nai awm khyly nangchi phailo mang y, asa naichi awi, “Kai py parawi naira avum teang lawh na,” nanai hawihai atyp u nai tarawi y huna nai khumi ai ly leu kanem chy y my angdo hai u.

EPHESI 4:1

Hunaibaly kai, Areng y theaung tla nai khumi my ly nangchi ly apanem nai hawi leu anui naira bawibawi hawi, tamen naira akham leungtang nai tarawi y amnym naira hawi,

EPHESI 4:20

Na i py nangchi ly hunai kamta Krista y amtiu u y leang;

EPHESI 5:17

Huni deaungkho y nangchi ly chengra by y nai awm u moh ly, Areng i kangai ly ati mo, nanai phai pany u.

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

PHILIPI 1:9

Naibaly kai ly nangchi i tamen naira my pany angym naira hawi dawn pata kawp naira cheaungkhangra y awm nai tleaung y awm ra ai nai chiu kasa reng;

PHILIPI 3:14

Krista Isu i saho y Tameuh i salo mang y ang palau nai kawn nai vang nga ai nai katem y tym pa-rei katapai tanga nai ne.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

KOLOSA 2:6

Hunai deaungkho y nangchi ly Areng Krista Isu ai kawn u nai kamta ly, mymy y tangjyn pala nai hawi adyh kalau ryhryh nai awm iy,

I THESALONIKA 3:12

Naibaly achi i Areng Isu Krista ly mymy i khumi kachai bawibawichi hawi ang jeu nai khala y ly, achi i Tameuh hawi Ampo i mo y ly nangchi i paleung ai ly chai naira y cheh ai nai by y pa-rei my ang khaw hai thai ai nai,

I THESALONIKA 4:2

Kaichi my Areng Isu i saho y ati leu kang pei mo, nanai ly nangmychi ly pany u veng bo.

I THESALONIKA 5:12

Na i py amjo amnauchi awi, nangchi theung y sa akawm nai hawi, Areng y ly krykeung y awm nai hawi, nangchi ai parip nai keungchi ai ly kawn u i,

II THESALONIKA 1:3

Amjo amnauchi awi, kaichi ly nangmychi molam y ly Tameuh teng y kawn nai leu thui jojo ai nai tla:huni ly avo khyp, ati mana nai mo nabaly nangchi i ym naira ly khri pa-rei veang nai, nangchi bawibawi y atamen leungtang naira ly peung nai tleaung y peung ra peung ra lawh veng;

II THESALONIKA 2:1

Na i py amjo amnauchi awi, achi i Areng Isu Krista ang jeu ai nai hawi, achi ly mymy teng y achu ai nai molam y ly,

II THESALONIKA 3:1

Kangkhym i naira y ly amjo amnauchi awi, Areng i leu ly nangmychi theung y awm khyp nai kamta ly peung praw iy, palo naimy awm thai ai nai hawi,

II THESALONIKA 3:13

Na i py amjo amnauchi awi, atiti kahawi sa ai nai palei u moh.

I TIMOTHEI 5:21

Nang ly hawihai deng y naimy cheh iy patle takhra nai tarawi y ati sai py so y naimy, Tameuh hawi Krista hawi vawi takhra nai kani pri i amtaw thau naichi i mei ka-niu y py huni leu patawm ai nai leu kang pei.

II TIMOTHEI 4:1

Tameuh hawi, kadei kanghengchi ai tara chih nai keung Krista Isu i mei ka-niu y hawi, mymy i amteng ai nai hawi peang ai naira deaungkho y py leu kang pei.

HEBRAI 11:6

Na i py ym naira ny y baly mymy ai kawn pajau ai nai ly aveng. Ati mana nai mo nabaly Tameuh teng y ahihawi nai khumi ly Tameuh ly awm, nanai hawi, mymy ai hau nai keungchi teng y kawn nai vang pei nai keung ne, nanai py ym ai nai tla.

HEBRAI 13:16

Na i py atiti kahawi sa ai nai hawi, atiti paawh y naimy tami u moh, hunai kamta apathyp naira y ly Tameuh ly khrikhri paleung hawi na.

HEBRAI 13:22

Na i py amjo amnauchi awi, pachei nai ly kham u pajau tanga ai nai kang takeng; ati mana nai mo nabaly kai ly nangchi teng y leu maiden chy katajiu veng bo.

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

I JOHAN 3:22

hunaibaly achi ly mymy i leu pei naichi patawm iy, mymy i mei ka-niu y atiti kawn ai awm naichi sa reng nai deaungkho y, achi i hnei nai ngierei ly mymy teng i dengdairei nga jojo.