I THESALONIKA 3:9 - Khumi Common Language Bible

⁹ Achi i Tameuh i mo y nangmychi i molam y kaichi i amo theu naira bawibawi deaungkho y, kaichi ly nangmychi i molam Tameuh teng y ati kawn nai leu thui thai ai mo?

I THESALONIKA 3:9 ပူးပေါင်းရင်းမြစ်များ

2 SAMUELA 6:21

Davida my, “Kai ai nang i ngampo hawi katu chanauchi ai katlen hai vui iy, Israela chengchi i lu lawm ai nai vawi takhra pi nai, Areng i nang parai nai ai palo nai ka-lam nai teu. Areng i tahm awm nai palo ai nai, mo mang py lam ai i,

2 NENG SATANG 31:8

Samrang Hezekia hawi miteaung kehchi ly pateung achu nai vawnsaichi niu nai khala ly Areng ai palo iy, mymy i khumi Israela chengchi ai py palo u bo.

NEHEMIA 9:5

Naibaly Levi theaung Jeshua, Kamiela, Bani. Hashabaniah, Sherebiah, Hodiah, Shebaniah hawi Pethahiahchi my, “Angthau ly nangchi i Areng Tameuh ai palo u; mymy ai ly deungtasarei palo u! Tameuh ly khumichi my palo nai tleaung y phum-ang nang parai nai keung ne iy, achi bawibawi tleaung y amyn nang parai nai y palo u sina,” nanai chiu sa amteaung ai nai khumichi ai palau u bo.

SAM 116:12

Areng ly kai ai hawi hai nai deaungkho y, kai ly mymy ai ati talam pi ai mo?

SAM 68:3

Khumi kahawichi ly mymy i mo y amo theu u bo; nichi ly khrikhri pa-rei amo theu u iy, amo theu naimy aeu u bo.

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

II KORINTH 9:15

Tameuh i pei nai ly den py thui pajau y nanai deaungkho y mymy teng y kawn nai leu tym sy.

Leu Thui Nai 12:18

Nangchi hawi nangmychi i cho chanauchi, miseaungchi hawi nangchi i mary theung y awm nai Levi theaungchichi ly hini kapathyprachi ai nangchi i Areng Tameuh my vawi takhra pi nai chiu ai nai meingtym hareira y naini, cha nei u ai nai tla. Nangchi ly huni meingtym y nangmychi kalop sa iy nga nai teicha teineichi ai amo theu seu naimy cho u.

Leu Thui Nai 12:2

Nangchi peang nai pri mawi saleung, mawi aheung, ngam heng-yh nai dengkeaungchi anui i, huni pri khumichi my chiu nai meingtym bawibawichi taphra u pawn ai nai tla.

Leu Thui Nai 16:11

Nangchi i marychira y awm u nai nangchi i cho chanauchi, miseaungchi, cheng takhrachi, Levi theaungchi, nurochochi, lumai nuchi hawi vanrei, Areng i mo y amo theu nai pawi so u. Huni Pawi ly chiu naira meingtym harei khyh naira y sa u ai nai tla.

I THESALONIKA 2:19

Achi i Areng Isu ang jeu nai khala y ly mymy i mo y kaichi i athang khai naira mo, amo theu naira mo, areng lukhym amlyh naira mo ati awm mo?