I THESALONIKA 3:4 - Khumi Common Language Bible

⁴ Kaichi ly nangchi teng y awm nai thym khala y py achi ly ngari patang nai ly avum ai nai tla, nanai kang thui pi rym khypkhyp chy bo; hunai kamta khypkhyp ly tym bo, nanai nangchi ly pany u bo.

I THESALONIKA 3:4 ပူးပေါင်းရင်းမြစ်များ

MATTHAI 24:25

Dawn cham, kang thui pi rym nai bo he.

AMTAW 17:1

Naibaly nichi ly Amphipoli avang hawi Apolonia avang y tako prei i, Thesalonika avang y tym bo, hu y ly Judachi i achura yhm awm;

AMTAW 17:13

Na i py Thesalonika avang i Judachi ly Pawla ly Beroia avang y py Tameuh i leu thui pi, nanai thai baly, hu y py chei u i khumi mipuichi ai thui thli iy khrukhra hai bi bo.

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

I THESALONIKA 2:14

Amjo amnauchi awi, nangchi ly Krista Isu y awm nai Judai pri i palau takhra kamkawmchi i amtiu nai keungchi lawn u lawh; nichi ly Judachi teng y patang nai kamta ly nangchi py nangmychi pri i khumichi teng y patang u teang bo;

I THESALONIKA 2:2

Ne, nangchi my pany u chum nai kamta ly kaichi ly Philipi avang y ngari patang nai hawi angji ngailai parai pa-rei ang sa iy py, kaichi ly achi i Tameuh y ly khri pa-rei vam iy khrukhrala nai tarawi y py nangchi teng y Tameuh i Satang Kahawi kang thui pi bo.

II THESALONIKA 2:5

Kai ly nangchi teng y kang awm nai thym khala y huni leu ly kang thui pi rengreng, nanai pany u jojo y nai sai a?

II THESALONIKA 3:10

Kaichi ly nangchi theung y awm nai thym khala y py hini leu kang pei ly, “Ami py kalop sa ai nai ngai y baly, cho py cho moh sy,” nanai ly.